1 Corintios 15:1 - Mixteco del suroeste de Tlaxiaco Oaxaca1 Ránoꞌó ñaniꞌ jín ku̱ꞌva, vitan jee sáꞌá ni̱ꞌ ya̱ nna̱ku̱ꞌun iniꞌ rán tu̱ꞌun váꞌa Ndiosíꞌ jie̱ꞌe̱ꞌ Cristo ya̱ nkachitu̱ꞌún ni̱ꞌ nu̱u̱nꞌ rán. Jee tu̱ꞌun yaꞌá kúvi ya̱ ntɨɨn rán, jee suni íñɨ́ níꞌin rán níkɨ́nꞌ rán maa. အခန်းကိုကြည့်ပါ။ |
Chi súnika̱ꞌ koo ne̱ u̱ji̱ꞌ mil (10,000) te̱e ya̱ xínéꞌénꞌ tu̱ꞌun váꞌa Cristo nu̱u̱nꞌ ránoꞌó, soo nsáꞌ kue̱ꞌe̱ꞌ tátáꞌ rán íyó, chi kúvi ni̱ꞌ tátáꞌ rán ya̱ yɨ́ꞌɨ́ rán nu̱u̱nꞌ Cristo chi nuꞌuꞌ ví ya̱ nna̱kani ni̱ꞌ tu̱ꞌun váꞌa Jesús nu̱u̱nꞌ ránoꞌó jee nka̱níjiá rán ni̱nu̱ꞌ iniꞌ rán tu̱ꞌun vá jee sukuán nna̱kaku jiáá rán nsa̱ꞌá ni̱ꞌ.
Jee suni yɨ́táꞌán jiáꞌa ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ, chi ntɨɨn ránú tu̱ꞌun nteso̱ꞌo rán ya̱ nkachitu̱ꞌún ráníꞌ. Soo ntu̱ví ntɨ́ɨn ránú tu̱ꞌun vá kuéntáꞌ tu̱ꞌun káꞌánꞌ métúꞌún te̱e ni. Chisaꞌ ntɨɨn rán maá kuéntáꞌ Tu̱ꞌun Ndiosíꞌ kúvi‑i, ya̱ máá nááꞌ nijia ya̱ Tu̱ꞌun Ndiosíꞌ kúvi‑i. Jee tu̱ꞌun vá sátíñú iniꞌ ránoꞌó ya̱ kúneí iniꞌ rán Cristo.
Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.
Ñani‑ó Silvano, ya̱ jíníꞌ ni̱ꞌ ya̱ síkúnkuvi va̱ꞌa re̱ꞌ nɨꞌɨ, jee nchi̱neí re̱ꞌ nuꞌuꞌ tée ni̱ꞌ yakuꞌ ni tu̱ꞌun yaꞌá kua̱jiaaꞌ nu̱u̱nꞌ rán, sáva nasáneí ni̱ꞌ iniꞌ ránoꞌó jee sáva ku̱ꞌva ni̱ꞌ ya̱ nááꞌ ya̱ tu̱ꞌun ntee ni̱ꞌ nu̱u̱nꞌ tutuꞌ yaꞌá káꞌánꞌ jie̱ꞌe̱ꞌ ya̱ váꞌa ya̱ nááꞌ nijia sikútaꞌviꞌ Ndiosíꞌ yó ya̱ íyó mániꞌ iniꞌ re̱ꞌ néꞌyá re̱ꞌ yó. Kuiñɨ kutú rán jín‑i.