1 Corintios 14:1 - Mixteco del suroeste de Tlaxiaco Oaxaca

¹ Jee saáva nunasɨ́ rán kunikɨnꞌ rán kunu̱u̱nꞌ rán rá ñanitáꞌán rán, jee suni kuꞌun kúvi iniꞌ rán rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ rán, jee ta̱ꞌvi̱ꞌ ñáꞌnú ka̱ꞌ taji re̱ꞌ nu̱u̱nꞌ rán ví ya̱ chíneí re̱ꞌ nakani rán nu̱u̱nꞌ rá ñɨvɨ tu̱ꞌun kéne yuꞌú Ndiosíꞌ.

1 Corintios 14:1 ပူးပေါင်းရင်းမြစ်များ

1 Corintios 14:39

Jee saáva ránoꞌó ñaniꞌ jín ku̱ꞌva maáníꞌ, kuꞌun kúvi iniꞌ rán nakani rán tu̱ꞌun nkene yuꞌú Ndiosíꞌ, jee koto jíníi̱yo rán ya̱ káꞌánꞌ rá ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ rán.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.

1 Timoteo 4:14

Koto xínóo nú saꞌá nú tiñu Ndiosíꞌ ya̱ kúvi ta̱ꞌvi̱ꞌ ntaji Ta̱chi̱ꞌ Ííꞌ Ndiosíꞌ nu̱u̱nꞌ nú ya̱ chíneí re̱ꞌ noꞌó sáꞌá nú maa, chi rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ rává Cristo nchi̱só ráa naꞌá ráa xi̱ni̱ꞌ nú, sáva kani ráa noꞌó kuniso nú tiñu vá, jee ɨɨn ráa nna̱kani‑i tu̱ꞌun nkene yuꞌú Ndiosíꞌ ya̱ taji re̱ꞌ ta̱ꞌvi̱ꞌ vá nu̱u̱nꞌ nú.

1 Corintios 16:14

Jee ntáká tiñu sáꞌá rán, jee saꞌá rán maa jie̱ꞌe̱ꞌ ñúnúunꞌ rán rá ñanitáꞌán‑ó jín inka ñɨvɨ.

1 Corintios 12:1

I̱ña̱jée ránoꞌó ñaniꞌ jín ku̱ꞌva, íyó jie̱ꞌe̱ꞌ ya̱ kuíni ni̱ꞌ ya̱ kukáꞌnú iniꞌ rán, jie̱ꞌe̱ꞌ rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ ta ɨɨn ɨɨn‑ó, sáva chineí re̱ꞌ yó saꞌá‑ó tiñu nu̱u̱nꞌ Ndiosíꞌ.

1 Corintios 13:13

Jee saáva íyó u̱ni̱ꞌ tu̱ꞌun ya̱ kínóo kutú‑u jín‑ó nɨ́ɨ́nkání: ya̱ kúneí nijia iniꞌ‑ó Ndiosíꞌ, jín íyó tu̱neí iniꞌ‑ó ya̱ síkúnkuvi Ndiosíꞌ ya̱ nchi̱sóyuꞌú re̱ꞌ, jín ya̱ kunu̱u̱nꞌ‑ó táꞌán‑ó. Soo ya̱ ñáꞌnú ka̱ꞌ nu̱u̱nꞌ ni núníꞌ rá yaꞌá ví ya̱ kunu̱u̱nꞌ‑ó rá ñanitáꞌán‑ó.

1 Tesalonicenses 5:20

Koto kúníichiꞌ rán rá tu̱ꞌun nákani ñɨvɨ ya̱ kene yuꞌú Ndiosíꞌ.

1 Timoteo 6:11

Soo noꞌó, te̱e yɨ́tíñú nu̱u̱nꞌ Ndiosíꞌ, ya̱chi̱ꞌ kuiyo nú chusává maánú nu̱u̱nꞌ nɨꞌɨ ya̱ níváꞌa yaꞌá. Jee kunikɨnꞌ ni̱ꞌin nú, ya̱ kino̱o na̱a̱ꞌ nú, ya̱ kunikɨnꞌ nú ichi na̱a̱ꞌ sáni kuíni Ndiosíꞌ, ya̱ kuneí iniꞌ nú Cristo, ya̱ kunu̱u̱nꞌ nú Ndiosíꞌ jín ñɨvɨ, ya̱ kuni̱ꞌin nú ya̱ kuiñɨ ni̱ꞌin nú jín Cristo, ya̱ koo másúꞌ iniꞌ nú.

1 Corintios 14:37

Retú ɨɨn ñɨvɨ jiáni iniꞌ re̱ꞌ ya̱ kúvi re̱ꞌ ɨɨn te̱e nákani tu̱ꞌun kéne yuꞌú Ndiosíꞌ, áxí jiáni iniꞌ re̱ꞌ ya̱ nníꞌinꞌ re̱ꞌ ɨɨn ta̱ꞌvi̱ꞌ ya̱ njia̱ꞌa Ta̱chi̱ꞌ Ííꞌ sáá sáꞌá re̱ꞌ, soo íyó tɨɨn kuéntáꞌ re̱ꞌ ya̱ rá tu̱ꞌun tée ni̱ꞌ yaꞌá nu̱u̱nꞌ rán, kúvi rá tu̱ꞌun ya̱ nta̱túníꞌ maá I̱toꞌoꞌ‑ó nu̱u̱nꞌ‑ó.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

1 Corintios 12:31

Soo kuꞌun kúvi iniꞌ rán rá ta̱ꞌvi̱ꞌ ya̱ ñáꞌnú ka̱ꞌ, jee saájee naxinéꞌénꞌ ni̱ꞌ nu̱u̱nꞌ rán ichi váꞌa máá ñáꞌnú ka̱ꞌ.

3 Juan 1:11

Noꞌó Gayo, ya̱ ñúnúunꞌ ni̱ꞌ, koto nuún sáꞌá nú kuéntáꞌ ya̱ niváꞌa sáꞌá ñɨvɨ. Chisaꞌ nuún saꞌá nú kuéntáꞌ ya̱ váꞌa sáꞌá ñɨvɨ. Chi ñɨvɨ ya̱ sáꞌá ya̱ váꞌa jee ñɨvɨ Ndiosíꞌ ví nijia‑a. Soo ñɨvɨ ya̱ sáꞌá tiñu niváꞌa, jee ntiáꞌan kuniꞌ‑i Ndiosíꞌ.

2 Pedro 1:7

Jee jie̱ꞌe̱ꞌ ya̱ yɨ́tíñú rán nu̱u̱nꞌ Cristo jee nachisó rán ya̱ kunu̱u̱nꞌ rán ɨɨn inka ñanitáꞌán rán ya̱ yɨ́ꞌɨ́ ráa nu̱u̱nꞌ Cristo, jee jie̱ꞌe̱ꞌ ñúnúunꞌ rán rá ñanitáꞌán jee nachisó rán ya̱ kunu̱u̱nꞌ rán rá ñɨvɨ.

Romanos 12:6

Jee suni sukuán íyó sɨ́ɨ́n sɨ́ɨ́n rá ta̱ꞌvi̱ꞌ‑ó sáni nsi̱kútaꞌviꞌ Ndiosíꞌ nu̱u̱nꞌ ta ɨɨn ɨɨn‑ó chíneí re̱ꞌ sáꞌá‑ó tiñu re̱ꞌ. Retú ni̱ꞌi̱nꞌ nú ta̱ꞌvi̱ꞌ ya̱ nakani nú tu̱ꞌun kene yuꞌú Ndiosíꞌ, saꞌá maa sánikua̱ꞌ chúkúꞌva Ndiosíꞌ jiáꞌa re̱ꞌ ya̱ kúneí iniꞌ nú re̱ꞌ.

2 Timoteo 2:22

Kunu nú chusává maánú nu̱u̱nꞌ ya̱ níyo iniꞌ nú ya̱ sɨ̱ɨ̱ꞌ iniꞌ ɨɨn te̱e súchí. Jee kunikɨnꞌ nú ichi ya̱ kino̱o na̱a̱ꞌ nú nu̱u̱nꞌ Ndiosíꞌ, ya̱ tu̱ꞌun kuneí iniꞌ nú Cristo, ya̱ tu̱ꞌun kunu̱u̱nꞌ nú Ndiosíꞌ jín ñɨvɨ, jín ya̱ tu̱ꞌun kuneeꞌ ñunkúún nú jín táꞌán nú. Jee saꞌá nú suꞌva jín rá ñɨvɨ ya̱ ni̱ka̱nꞌ táꞌvíꞌ ráa jín ánímaꞌ noo nu̱u̱nꞌ Cristo, ya̱ kuvi re̱ꞌ I̱toꞌoꞌ ráa.

Romanos 9:30

¿Ná kúvi ya̱ kachiꞌ‑ó, résa? Káchíꞌ‑ó ya̱ rá ñɨvɨ ya̱ ntu̱ví kúvi ráa Israel, ya̱ ntu nnúkú ráa na̱sa kino̱o na̱a̱ꞌ ráa nu̱u̱nꞌ Ndiosíꞌ jee nni̱ꞌi̱nꞌ ráa ya̱ kino̱o na̱a̱ꞌ ráa nu̱u̱nꞌ re̱ꞌ. Soo nsa̱ꞌá re̱ꞌ ya̱ kino̱o na̱a̱ꞌ ráa nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa re̱ꞌ.

Romanos 14:19

Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.

1 Corintios 14:22

Jee saáva ta̱ꞌvi̱ꞌ níꞌinꞌ ñɨvɨ ya̱ kuvi kaꞌanꞌ‑a inka rá tu̱ꞌun ya̱ ntu jiáku̱ꞌun iniꞌ‑i, jee yaꞌá kúvi ɨɨn seña ya̱ stúvi Ndiosíꞌ tiñu sáꞌá re̱ꞌ jín‑ó jee suꞌva stúvi re̱ꞌ maa nu̱u̱nꞌ rá ñɨvɨ ya̱ ntu̱ví jínúꞌ iniꞌ ráa Cristo, jee nsú nu̱u̱nꞌ ñɨvɨ ya̱ jínúꞌ iniꞌ ráa re̱ꞌ. Soo sáá nákani ɨɨn ñɨvɨ tu̱ꞌun kéne yuꞌú máá maá Ndiosíꞌ, jee yukuán kúvi seña ya̱ stúvi Ndiosíꞌ tiñu sáꞌá re̱ꞌ jín‑ó nu̱u̱nꞌ rá ñɨvɨ ya̱ jínúꞌ iniꞌ Cristo, jee nsú nu̱u̱nꞌ ñɨvɨ ya̱ ntu̱ví jínúꞌ iniꞌ.