1 Corintios 13:4 - Mixteco del suroeste de Tlaxiaco Oaxaca

⁴ Chi ñɨvɨ ya̱ ñúnúunꞌ‑u ɨɨn inka rá táꞌán‑a jee káꞌnú iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee va̱ꞌa iniꞌ‑i, jee ntu̱ví u̱ꞌvi̱ꞌ iniꞌ‑i, jee ñɨvɨ ya̱ ñúnúunꞌ‑u inka ñɨvɨ jee ntu̱ví káꞌánꞌ téyɨ́ɨ́‑ɨ, jee ntu̱ví jiáni téyɨ́ɨ́ iniꞌ‑i,

1 Corintios 13:4 ပူးပေါင်းရင်းမြစ်များ

Génesis 30:1

Jee sáá niniꞌ Raquel ya̱ ntu̱ví kúvi koo se̱ꞌya ña, jee ni̱yo tu̱nkuíñɨ́ iniꞌ ña nne̱ꞌyá ña ku̱ꞌvi̱ꞌ ña, jee nkachiꞌ ña nu̱u̱nꞌ Jacob: ―Saꞌá ya̱ koo se̱ꞌya ni̱ꞌ jín nú, chi retú ntu̱ví jee kuviꞌ ni̱ꞌ ―nkachiꞌ ña.

Génesis 37:11

Jee ntaꞌvi iniꞌ rá ñaniꞌ re̱ꞌ néꞌyá ráa re̱ꞌ, soo tátáꞌ re̱ꞌ jee jiáni víꞌí iniꞌ‑i jie̱ꞌe̱ꞌ rá tu̱ꞌun yaꞌá.

Mateo 27:18

chi niniꞌ re̱ꞌ ya̱ ñúꞌún u̱ꞌvi̱ꞌ iniꞌ ráa néꞌyá ráa Jesús saáva nna̱ku̱ꞌva ráa maa nu̱u̱nꞌ re̱ꞌ.

Hechos 7:9

’Jee rá tátáꞌ nu̱u̱nꞌ‑ó vá, nta̱ꞌvi̱ꞌ iniꞌ ráa nne̱ꞌyá ráa ñaniꞌ ráa, José. Jee nxi̱kó ráa maa nu̱u̱nꞌ rá ñɨvɨ, ya̱ ña̱na̱ka ráa re̱ꞌ nu̱u̱nꞌ nación Egipto, sáva xi̱kó ráa re̱ꞌ sáva kuvi re̱ꞌ musúꞌ keꞌen rá ñɨvɨ yukuán. Soo ni̱ñɨ Ndiosíꞌ jín re̱ꞌ

Romanos 1:29

Jee chítú ráa jín ntáká tiñu ya̱ ntu íyó na̱a̱ꞌ, [jín kúkuáchi ráa jín ñɨvɨ ya̱ ntu ntánáꞌá jín ráa], máá kánéꞌí ví ráa, máá kuíni víꞌí ráa ka̱ꞌ, manúniváꞌa sáꞌá ráa, chítú ráa jín máá tiñu uꞌvi iniꞌ ráa, sáꞌá ráa ni̱yɨ, sáꞌá ráa tuntíxín, máñáꞌ ráa, sukuáni ñúꞌún niva̱ꞌa iniꞌ ráa, máá tuntúꞌún káꞌánꞌ xi̱ni̱ꞌ táꞌán ráa,

Romanos 13:13

Jee kueꞌnu na̱a̱ꞌ‑ó kuéntáꞌ kaka‑ó nuví jee nsú kuéntáꞌ nu̱u̱nꞌ neenꞌ. Jee koto sáꞌá‑ó rá viko néꞌí, jín ya̱ koto jíꞌi‑ó ku̱ni‑ó, jín ya̱ koto kúsíkɨ́ iniꞌ‑ó tiñu téní, jín ya̱ koto sáꞌá néꞌí‑ó, jín ya̱ koto kántáꞌán‑ó, jín ya̱ koto kóo u̱ꞌvi̱ꞌ iniꞌ‑ó.

1 Corintios 3:3

chi jiáꞌnu i̱i̱ꞌ ránú sáni níyo iniꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Ndiosíꞌ, chi íyó rán jín tu̱ꞌun kuíñɨ́ iniꞌ, jín tu̱ꞌun tuntíxín, [jee tásáva rán kúsɨ́ɨ́n rán nu̱u̱nꞌ táꞌán rán]. Jee saáva, ¿á nsáꞌ kúvi rán kuéntáꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ jee jiáꞌnu rán sáni níyo iniꞌ rá ñɨvɨ ñɨ̱vɨ́ rúja?

1 Corintios 4:18

Soo ñúꞌún víꞌí tu̱ꞌun téyɨ́ɨ́ iniꞌ sava rán, chi jiáni iniꞌ ráa ya̱ nsáꞌ kua̱jiaaꞌ néꞌyá ni̱ꞌ ránoꞌó.

1 Corintios 4:6

Jee saáva ránoꞌó, ñaniꞌ jín ku̱ꞌva, káchíꞌ ni̱ꞌ rá tu̱ꞌun yaꞌá jie̱ꞌe̱ꞌ nuꞌuꞌ jín jie̱ꞌe̱ꞌ Apolos sáva kúvi ɨɨn ichi váꞌa nu̱u̱nꞌ rán, sáva sáá tésóꞌo ránú jie̱ꞌe̱ꞌ ránuꞌuꞌ jee kutu̱ꞌva rán ya̱ koto jiáꞌa rán ka̱ꞌ nu̱u̱nꞌ tu̱ꞌun níso nu̱u̱nꞌ Tutuꞌ níso Tu̱ꞌun Ndiosíꞌ sáva ntu kani téyíí iniꞌ rán jie̱ꞌe̱ꞌ ɨɨn ñɨvɨ jee kuniichiꞌ rán rá inka ka̱ꞌ.

1 Corintios 5:2

Jee súka̱ꞌ sukuán kúvi, jee ránoꞌó chi jiáni téyɨ́ɨ́ iniꞌ rán. ¿Á ntu váꞌa ka̱ꞌ retánꞌ jiáni iniꞌ rán tu̱ꞌun ñúkuíꞌyáꞌ iniꞌ, jín ya̱ tavaꞌ rán te̱e vá nteñu rán ya̱ nsa̱ꞌá tiñu yaꞌá résa?

1 Corintios 8:1

Ntañúꞌún jee káchíꞌ tuku ni̱ꞌ inka ka̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá nantíñú ya̱ ntu kúvi Ndiosíꞌ tékúꞌ. Nkachiꞌ ránú ya̱ “jíníꞌ‑ó ya̱ jíníꞌ ntáká‑ó na̱sa íyó tu̱ꞌun jie̱ꞌe̱ꞌ‑e.” Soo sáꞌá víxiꞌ ka̱ꞌá‑ó jie̱ꞌe̱ꞌ ya̱ káchíꞌ‑ó ya̱ jíníꞌ‑ó nɨꞌɨ. Soo jie̱ꞌe̱ꞌ ya̱ ñúnúunꞌ‑ó rá ñanitáꞌán‑ó, jee yaꞌá sáꞌá ya̱ jíjia iniꞌ‑ó íyó kutú‑ó jín tu̱ꞌun I̱toꞌoꞌ‑ó.

2 Corintios 12:20

Chi ñúꞌún yúꞌví iniꞌ ni̱ꞌ ya̱ sáá kenta ni̱ꞌ nu̱u̱nꞌ nééꞌ rán, jee sa̱naanꞌ naniꞌinꞌ ni̱ꞌ ya̱ ntu jiáꞌnu rán sáni kuíni ni̱ꞌ. Jee sukuán jee naniꞌinꞌ rán ya̱ saꞌá ni̱ꞌ jín rán nsú sáni kuíni rán. Ñúꞌún yúꞌví iniꞌ ni̱ꞌ ya̱ sa̱naanꞌ íyó tuntíxín nteñu rán, jín tu̱nkuíñɨ́ iniꞌ, jín ntu̱nkítɨ́ꞌ iniꞌ, jín ya̱ íyó sɨ́ɨ́n ta grupo nteñu rán, jín kákuíyuꞌú sava rán si̱kɨ̱ꞌ ɨɨn inka rán, jín káꞌánꞌ xi̱ni̱ꞌ táꞌán sava rán, jín sava rán kútéyɨ́ɨ́ rán, jín ntu kunuún iniꞌ inka rán kénéꞌ ɨɨn inka ráa.

2 Corintios 6:6

jín jie̱ꞌe̱ꞌ ninuꞌun jiáꞌnu ránꞌ, jín jie̱ꞌe̱ꞌ jíníꞌ va̱ꞌa ránꞌ sáni kuíni Ndiosíꞌ, jín jie̱ꞌe̱ꞌ ya̱ káꞌnú víꞌí íyó iniꞌ ránꞌ jiéꞌnéꞌ iniꞌ ránꞌ nu̱u̱nꞌ tu̱nóꞌó va̱ji si̱kɨ̱ꞌ ránꞌ, jín jie̱ꞌe̱ꞌ kúváꞌa iniꞌ ránꞌ jín ñɨvɨ, jín jie̱ꞌe̱ꞌ yɨ́ꞌɨ́ Ta̱chi̱ꞌ Ííꞌ iniꞌ ránuꞌuꞌ, jín jie̱ꞌe̱ꞌ saɨn ñúꞌún iniꞌ ránꞌ ñúnúunꞌ ránꞌ ñɨvɨ,

Gálatas 5:26

Koto ñúꞌún vi̱xi̱ꞌ iniꞌ‑ó, ni nsíkítɨ́ꞌ‑ó iniꞌ ɨɨn inka‑ó, jee ni nkóo uꞌvi iniꞌ‑ó kune̱ꞌyá‑ó rá nantíñú ɨɨn inka‑ó.

Efesios 4:2

Jín ya̱ máá tu̱ꞌun kuꞌun láꞌví iniꞌ rán, jín ya̱ kuꞌun másúꞌ iniꞌ rán, jín ya̱ káꞌnú koo iniꞌ rán keꞌneꞌ iniꞌ rán nu̱u̱nꞌ ɨɨn inka táꞌán rán jee sukuán íyó kunu̱u̱nꞌ rán ɨɨn inka rán.

Efesios 4:32

Chisaꞌ íyó koo va̱ꞌa ñunkúún iniꞌ rán jín ɨɨn inka táꞌán rán, jee koo ya̱ náꞌví iniꞌ rán, jee kunekáꞌnú iniꞌ rán kune̱ꞌyá rán ɨɨn inka táꞌán rán, kuéntáꞌ kua̱ꞌ sáni nne̱káꞌnú iniꞌ Ndiosíꞌ nne̱ꞌyá re̱ꞌ ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Filipenses 1:15

Íyó nijia ya̱ sava ráa sáꞌá maá, jie̱ꞌe̱ꞌ ya̱ kúkuíñɨ́ iniꞌ ráa néꞌyá ráa nuꞌuꞌ, jee kuíni ráa kutíxín ráa jín ni̱ꞌ. Soo sava ráa ka̱ꞌ stékútu̱ꞌún ráa tu̱ꞌun Cristo, chi kúváꞌa iniꞌ ráa.

Colosenses 1:11

Jee jíkánꞌ táꞌvíꞌ ránꞌ ya̱ taji re̱ꞌ fuersáꞌ nu̱u̱nꞌ rán, ya̱ váji ne̱ nu̱u̱nꞌ nɨꞌɨ fuersáꞌ ííꞌ níꞌin níso re̱ꞌ, ya̱ na̱ ka̱ꞌ kúñáꞌnú, sáva kuni̱ꞌin rán kaka rán ichi re̱ꞌ jee káꞌnú koo iniꞌ rán.

Colosenses 2:18

Jee koto jiáꞌa rán ya̱ xináꞌví ni ɨɨn ñɨvɨ ránoꞌó ya̱ kasɨꞌ ráa ni̱ꞌi̱nꞌ rán ta̱ꞌvi̱ꞌ rán, chi yɨ́tuvi ráa ya̱ xtúvi láꞌví ráa iniꞌ rán, jín ya̱ kuneñu̱ꞌun ráa rá najiáꞌáꞌ ííꞌ Ndiosíꞌ. Jee kíní ráa maáráa nu̱u̱nꞌ tiñu ya̱ ntu jíníꞌ kájíkuitɨꞌ ráa. Jee jiáni ka̱ꞌá téyɨ́ɨ́ iniꞌ ráa, chi antúníꞌ ráa yɨ́ꞌɨ́ xi̱ntíín ya̱ níyo néꞌén iniꞌ ráa, ya̱ ntu yɨ́ꞌɨ́‑ɨ naꞌá Ndiosíꞌ.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

1 Timoteo 6:4

jee vi̱xi̱ꞌ ñɨvɨ vá, jee ntu̱náꞌ jiáku̱ꞌun iniꞌ‑i. Kúꞌvíꞌ xi̱ni̱ꞌ‑i níní káꞌánꞌ‑a jie̱ꞌe̱ꞌ rá kue̱ꞌe̱ꞌ tu̱ꞌun jee kantátúꞌun‑u, jee nu̱u̱nꞌ yaꞌá va̱ji ya̱ sáꞌá úꞌvi iniꞌ ñɨvɨ, jee kútíxín ráa, jee kákuíyuꞌú ráa, jee jiáni niva̱ꞌa iniꞌ ɨɨn inka ráa,

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

2 Timoteo 3:10

Soo noꞌó, nnikɨnꞌ nú nku̱mí va̱ꞌa nú tu̱ꞌun xínéꞌénꞌ ni̱ꞌ, na̱sa jiáꞌnu ni̱ꞌ ichi na̱a̱ꞌ, ná kúvi ya̱ ñúꞌún iniꞌ ni̱ꞌ saꞌá ni̱ꞌ, na̱sa kúneí iniꞌ ni̱ꞌ I̱toꞌoꞌ‑ó, na̱sa íyó káꞌnú iniꞌ ni̱ꞌ, na̱sa ñúnúunꞌ ni̱ꞌ ñɨvɨ jín Ndiosíꞌ, jín na̱sa kúníꞌin ni̱ꞌ íñɨ́ ni̱ꞌ jín Cristo.

2 Timoteo 4:2

Saáva tétíñú ni̱ꞌin ni̱ꞌ nu̱u̱nꞌ noꞌó ya̱: Kachitu̱ꞌún nú tu̱ꞌun váꞌa jie̱ꞌe̱ꞌ re̱ꞌ. Naniꞌvɨꞌ iniꞌ nú kachitu̱ꞌún nú maa nu̱u̱nꞌ ñɨvɨ sáá íyó tiempúꞌ núne jee súnika̱ꞌ ntu̱ví tiempúꞌ núne. Naxinákutíñú nú nu̱u̱nꞌ rá ñɨvɨ ya̱ sáꞌá niva̱ꞌa, jee kuxeenꞌ nú nu̱u̱nꞌ ráa, jee nasáneí nú iniꞌ ráa, jín nɨꞌɨ ya̱ káꞌnú íyó iniꞌ nú jín ya̱ xinéꞌénꞌ nú.

Tito 3:3

Chi nékúvi sunisaá maáó nkuvi‑ó ñɨvɨ naanꞌ, jee nku̱jiááꞌ iniꞌ‑ó, jee maáó nika̱ꞌ ni̱nu̱ꞌ iniꞌ rá tu̱ꞌun xínáꞌví, jee nyɨ̱ꞌɨ‑ó chi̱ji xi̱ntíín kéꞌín ya̱ níyo iniꞌ jín xi̱ntíín kéꞌín ya̱ sɨ̱ɨ̱ꞌ iniꞌ, jee niva̱ꞌa ñaꞌnu‑ó, jee ni̱yo uꞌvi iniꞌ‑ó, jee nta̱ꞌvi̱ꞌ iniꞌ ñɨvɨ nne̱ꞌyá ráa yó, jee nta̱ꞌvi̱ꞌ iniꞌ‑ó nne̱ꞌyá‑ó ɨɨn inka‑ó.

Santiago 4:5

Áxí, ¿á káꞌvi iniꞌ rán ya̱ ka̱ꞌá káchíꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ: “Ta̱chi̱ꞌ Ííꞌ ya̱ nchuꞌun Ndiosíꞌ iniꞌ yó sáva kuꞌun‑u iniꞌ yó, suvivá nééꞌ nu̱u̱nꞌ‑u yó ne̱ ñúꞌún kuíñɨ́ iniꞌ‑i yó”?

1 Pedro 2:1

Jee saáva, xinóo rán ntáká rá tiñu níváꞌa ñúꞌún iniꞌ rán saꞌá rán, jín ntáká tu̱ꞌun xínáꞌví káꞌánꞌ rán, jín ya̱ sansuꞌva íyó rán, jín tiñu sáꞌá u̱ꞌvi̱ꞌ iniꞌ, jín ntáká tu̱ꞌun níváꞌa káꞌánꞌ si̱kɨ̱ꞌ táꞌán rán.

1 Pedro 3:8

Jee nu̱u̱nꞌ nɨꞌɨ ɨɨn nuún ni kuꞌun iniꞌ ɨɨn inka ntáká rán, kunáꞌví iniꞌ rán táꞌán rán ré na̱kuáꞌ nóꞌo‑o, kunu̱u̱nꞌ rán ɨɨn inka ñanitáꞌán rán, kuñunkúún iniꞌ ánímaꞌ rán jee kuꞌun láꞌví iniꞌ rán.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

2 Pedro 1:7

Jee jie̱ꞌe̱ꞌ ya̱ yɨ́tíñú rán nu̱u̱nꞌ Cristo jee nachisó rán ya̱ kunu̱u̱nꞌ rán ɨɨn inka ñanitáꞌán rán ya̱ yɨ́ꞌɨ́ ráa nu̱u̱nꞌ Cristo, jee jie̱ꞌe̱ꞌ ñúnúunꞌ rán rá ñanitáꞌán jee nachisó rán ya̱ kunu̱u̱nꞌ rán rá ñɨvɨ.

1 Juan 4:11

Ránoꞌó ya̱ ñúnúunꞌ ni̱ꞌ, nu̱u̱nꞌ nñunu̱u̱nꞌ Ndiosíꞌ yó suꞌva, jee suni íyó kunu̱u̱nꞌ‑ó ɨɨn inka táꞌán‑ó.