1 Corintios 13:3 - Mixteco del suroeste de Tlaxiaco Oaxaca

³ Jee súnika̱ꞌ retánꞌ tasáva ni̱ꞌ nɨꞌɨ kuitɨꞌ ni̱ꞌ rá nantíñú kúmí ni̱ꞌ sajiaꞌ ni̱ꞌ maa nu̱u̱nꞌ rá ñɨvɨ nóꞌo láꞌví, jee súnika̱ꞌ retánꞌ ku̱ꞌva ni̱ꞌ maáníꞌ ne̱ teñuꞌunꞌ rá ñɨvɨ yɨkɨkúñu ni̱ꞌ, jee retú ntu̱ví ñúnúunꞌ ni̱ꞌ rá ñɨvɨ, saájee ni ntu̱náꞌ va̱ꞌa nániꞌinꞌ ni̱ꞌ.

1 Corintios 13:3 ပူးပေါင်းရင်းမြစ်များ

Mateo 23:5

’Jee ntáká rá tiñu sáꞌá ráa vá, sáꞌá ráa maa sáva kuniꞌ rá ñɨvɨ maa, jee nakuetúꞌún ñɨvɨ ráa. Jee káꞌnú sáꞌá ráa rá kajúnꞌ lúlí ñúꞌún pedasúꞌ tutuꞌ níso Tu̱ꞌun Ndiosíꞌ ya̱ ténuꞌniꞌ néꞌín ráa yutéénꞌ ráa jín yɨkɨ náꞌá ráa. Jee sáꞌá kání ráa ka̱ꞌ yuxi yuꞌú saꞌma ñúꞌún ráa.

Lucas 18:22

Jee sáá nteso̱ꞌo Jesús ya̱ nkachiꞌ‑i, jee nkachiꞌ re̱ꞌ nu̱u̱nꞌ‑u: ―Kúmániꞌ ɨɨn ka̱ꞌ tiñu íyó saꞌá nú. Xi̱kó nú nɨꞌɨ rá nantíñú kúmí nú, jee ku̱ꞌva xu̱ꞌún vá nu̱u̱nꞌ rá ñɨvɨ láꞌví, saájee ni̱ꞌi̱nꞌ nú ta̱ꞌvi̱ꞌ váꞌa ka̱ꞌ yɨ́yáꞌvi víꞌí ne̱ antivɨ́ súkún. Jee neꞌenꞌ kunikɨnꞌ nú nuꞌuꞌ ―nkachiꞌ Jesús.

Lucas 18:28

Saájee nkachiꞌ Pedro: ―Kune̱ꞌyá, ránuꞌuꞌ chi nxi̱nóo ránꞌ ya̱ kúmí ránꞌ jee níkɨ́nꞌ ránꞌ noꞌó ―nkachiꞌ‑i.

Lucas 19:8

Saájee nnakui̱ñɨ̱ꞌ nichiꞌ Zaqueo, jee nkachiꞌ‑i nu̱u̱nꞌ I̱toꞌoꞌ‑ó: ―Kune̱ꞌyá nú I̱toꞌoꞌ ni̱ꞌ, chi ku̱ꞌva ni̱ꞌ sava rá nantíñú kúmí ni̱ꞌ nu̱u̱nꞌ rá ñɨvɨ láꞌví, jee retú si̱kɨ̱ꞌ ka̱ꞌ nsi̱káa ni̱ꞌ nka̱neeꞌ ni̱ꞌ xu̱ꞌún néni ɨɨn rá ñɨvɨ, jee ku̱mi̱ꞌ íchí ka̱ꞌ naku̱ꞌva ni̱ꞌ maa nu̱u̱nꞌ ráa ―nkachiꞌ‑i.

Juan 12:43

Nsa̱ꞌá rá te̱e kúñáꞌnú sukuán, chi táꞌánꞌ ka̱ꞌ iniꞌ ráa ya̱ sáꞌá rá ñɨvɨ ya̱ kúñáꞌnú ráa, nsú ya̱ saꞌá Ndiosíꞌ ya̱ kúñáꞌnú ráa.

Juan 13:37

Jee nkachiꞌ Pedro nu̱u̱nꞌ re̱ꞌ: ―I̱toꞌoꞌ, ¿na̱ kuvi chi ntu kúvi kunikɨnꞌ ni̱ꞌ noꞌó ntañúꞌún? Chi íyó túꞌva ni̱ꞌ súka̱ꞌ kuviꞌ ni̱ꞌ jie̱ꞌe̱ꞌ nú ―nkachiꞌ Pedro.

Juan 15:13

Ni ɨɨn ñɨvɨ ntu ñúnúunꞌ‑u ka̱ꞌ nsú káꞌ yaꞌá: ya̱ ku̱ꞌva‑a maáa jee kuviꞌ‑i jie̱ꞌe̱ꞌ ya̱ váꞌa rá ñɨvɨ ya̱ kámani jín‑i.

Juan 6:63

Chi Ta̱chi̱ꞌ Ííꞌ Ndiosíꞌ ví ya̱ sáꞌá ya̱ kutekuꞌ ñɨvɨ nɨ́ɨ́nkání jín Ndiosíꞌ. Soo máá yɨkɨkúñu ntu̱náꞌ íyótiñu‑u saꞌá‑a sukuán. Rá tu̱ꞌun nkachiꞌ ni̱ꞌ sáꞌá‑a kívɨ Ta̱chi̱ꞌ Ííꞌ Ndiosíꞌ iniꞌ ñɨvɨ jee jiáꞌa‑a ya̱ kutekuꞌ ñɨvɨ nɨ́ɨ́nkání jín Ndiosíꞌ.

Hechos 21:13

Saájee nna̱xiníkó re̱ꞌ: ―¿Na̱kui chi náꞌyúꞌ rán jee jiáxin rán ánímaꞌ ni̱ꞌ? Chi nsáꞌ kua̱chi íyó túꞌva ni̱ꞌ ya̱ kunuꞌniꞌ ni̱ꞌ, chisaꞌ suni íyó túꞌva ni̱ꞌ kuviꞌ ni̱ꞌ ranika̱ꞌ nu̱u̱nꞌ ñuunꞌ Jerusalén jie̱ꞌe̱ꞌ I̱toꞌoꞌ‑ó Jesús.

Gálatas 5:26

Koto ñúꞌún vi̱xi̱ꞌ iniꞌ‑ó, ni nsíkítɨ́ꞌ‑ó iniꞌ ɨɨn inka‑ó, jee ni nkóo uꞌvi iniꞌ‑ó kune̱ꞌyá‑ó rá nantíñú ɨɨn inka‑ó.

Filipenses 2:3

Jee koto ná sáꞌá rán ni ɨɨn tiñu ya̱ sáꞌá uꞌvi iniꞌ rán, ni ya̱ sáꞌá téyɨ́ɨ́ rán. Chisaꞌ kani láꞌví iniꞌ rán, jee tɨɨn ta ɨɨn rán kuéntáꞌ ya̱ kúñáꞌnú ka̱ꞌ ɨɨn inka rán nsú káꞌ maárán.

1 Timoteo 4:8

Chi sikújia‑ó yɨkɨkúñu‑ó jee íyótiñu yakuꞌ, soo retú kueꞌnu‑ó ichi na̱a̱ꞌ sáni kuíni Ndiosíꞌ íyótiñu nɨꞌɨ nu̱u̱nꞌ. Chi suꞌva ni̱ꞌi̱nꞌ‑ó ya̱ váꞌa ya̱ nchi̱sóyuꞌú Ndiosíꞌ taji re̱ꞌ ni ya̱ tékúꞌ‑ó tiempúꞌ vitan, jín tiempúꞌ kiji ichinúúnꞌ sáá kutekuꞌ‑ó nɨ́ɨ́nkání jín re̱ꞌ.

Hebreos 13:9

Íyó kéꞌín tu̱ꞌun xínéꞌénꞌ ñɨvɨ ya̱ ntu kúnuún jín Tu̱ꞌun Ndiosíꞌ. Jee koto jiáꞌa rán ya̱ nastúꞌva rá tu̱ꞌun vá ránoꞌó nu̱u̱nꞌ‑u. Chi íyó váꞌa ya̱ nukutú ánímaꞌ‑ó saꞌá Ndiosíꞌ chi íyó mániꞌ iniꞌ re̱ꞌ yó, nsú káꞌ jie̱ꞌe̱ꞌ tu̱ꞌun ya̱ tátúníꞌ jie̱ꞌe̱ꞌ ya̱ yájíꞌ‑ó, chi ni ntu̱náꞌ váꞌa nsa̱ꞌá tu̱ꞌun tátúníꞌ vá nu̱u̱nꞌ rá ñɨvɨ ya̱ nyɨ̱tíñú ráa nsa̱ꞌá ráa maa.