1 Corintios 13:1 - Mixteco del suroeste de Tlaxiaco Oaxaca

¹ Chi retánꞌ kúvi káꞌánꞌ ni̱ꞌ rá tu̱ꞌun ya̱ ntu jiáku̱ꞌun iniꞌ ni̱ꞌ ya̱ káꞌánꞌ rá ñɨvɨ ñɨ̱vɨ́, áxí jín rá tu̱ꞌun ya̱ káꞌánꞌ rá najiáꞌáꞌ ííꞌ Ndiosíꞌ, jee retú ntu̱ví ñúnúunꞌ ni̱ꞌ rá ñɨvɨ, saájee rá tu̱ꞌun ya̱ káꞌánꞌ ni̱ꞌ kúvi‑i kuéntáꞌ ɨɨn ka̱a ya̱ káxín naxín saɨn, áxí ɨɨn platillo káxín naxín saɨn.

1 Corintios 13:1 ပူးပေါင်းရင်းမြစ်များ

Mateo 25:45

’Saájee naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán, ya̱ mákua sukuán ntu nsáꞌá rán maa jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee suni ntu nsáꞌá rán maa nu̱u̱nꞌ nuꞌuꞌ”, kachiꞌ ni̱ꞌ nu̱u̱nꞌ ráa.

Marcos 16:17

Jee rá seña yaꞌá koo jín rá ñɨvɨ, ya̱ kúneí iniꞌ ráa nuꞌuꞌ, sáva stúvi‑i ya̱ íñɨ́ ni̱ꞌ jín ráa: ya̱ nu̱u̱nꞌ súví ni̱ꞌ taníkɨ́nꞌ ráa rá ta̱chi̱ꞌ néꞌí yɨ́ꞌɨ́ ñɨvɨ. Jee kaꞌanꞌ ráa inka ka̱ꞌ nu̱u̱nꞌ tu̱ꞌun, ya̱ ntu jiáku̱ꞌun iniꞌ ráa.

Romanos 14:15

Jee retú ɨɨn ñanitáꞌán nú kuníní iniꞌ‑i jie̱ꞌe̱ꞌ neyu ya̱ yájíꞌ nú, saájee ya̱ ntu ka̱ꞌ ñúnúunꞌ nú maa jie̱ꞌe̱ꞌ ya̱ sáꞌá nú. Jee koto stívɨ́ nú ɨɨn ñanitáꞌán nú jie̱ꞌe̱ꞌ neyu ya̱ yájíꞌ nú ya̱ jiáni iniꞌ‑i ya̱ kua̱chi kúvi vá, chi suni ne̱ jie̱ꞌe̱ꞌ ñanitáꞌán nú vá ví ya̱ níꞌiꞌ Cristo.

1 Corintios 12:10

Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

1 Corintios 12:16

Jee retú so̱ꞌo‑ó kachiꞌ‑i: “Chi jie̱ꞌe̱ꞌ ya̱ nsú nchinúún kúvi ni̱ꞌ, jee saáva ntu̱ví kúvi ni̱ꞌ pedasúꞌ yɨkɨkúñu”, soo súka̱ꞌ sukuán kachiꞌ so̱ꞌo vá, soo ¿á nsáꞌ níní kúvi‑i pedasúꞌ yɨkɨkúñu rúja?

1 Corintios 12:8

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

1 Corintios 13:8

Jee ñɨvɨ ya̱ ñúnúunꞌ‑u táꞌán‑a, jee ni nsáꞌ ji̱nu ñúnúunꞌ‑u. Vitan jee nákani ñɨvɨ rá tu̱ꞌun kéne yuꞌú máá maá Ndiosíꞌ, soo kenta ki̱vɨ̱ꞌ ya̱ sijínu re̱ꞌ maa. Áxí jiáꞌa re̱ꞌ ta̱ꞌvi̱ꞌ ya̱ káꞌánꞌ ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ ráa, soo kenta ya̱ xinɨ́ꞌɨ re̱ꞌ maa. Áxí jiáꞌa re̱ꞌ ta̱ꞌvi̱ꞌ nu̱u̱nꞌ ñɨvɨ ya̱ jíníꞌ va̱ꞌa víꞌí‑i jee xínéꞌénꞌ‑e vá, soo sijínu re̱ꞌ maa.

1 Corintios 14:2

Chi ñɨvɨ ya̱ káꞌánꞌ‑a inka nu̱u̱nꞌ tu̱ꞌun ya̱ ni maáa ntu jiáku̱ꞌun iniꞌ‑i, jee ntu káꞌánꞌ‑a jín ñɨvɨ, chisaꞌ jín maá Ndiosíꞌ káꞌánꞌ‑a, chi ntu̱ví jiáku̱ꞌun iniꞌ rá inka ñɨvɨ né ɨɨn nu̱u̱nꞌ tu̱ꞌun káꞌánꞌ‑a, chi jiáꞌa Ta̱chi̱ꞌ Ííꞌ tu̱ꞌun nu̱u̱nꞌ‑u sákachiꞌ‑i ya̱ kúvi tu̱ꞌun yɨ́séꞌí nu̱u̱nꞌ rá ñɨvɨ.

1 Corintios 14:4

Jee ñɨvɨ ya̱ káꞌánꞌ inka nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee kua̱chi násáneí‑i iniꞌ maáa ni. Soo ñɨvɨ ya̱ nákani tu̱ꞌun kéne yuꞌú Ndiosíꞌ sáá kútútú rá ñanitáꞌán‑ó, jee sáꞌá‑a ya̱ jíjia iniꞌ ráa sáá kueꞌnu ráa jín Tu̱ꞌun Ndiosíꞌ.

1 Corintios 14:5

Jee saáva na̱ ka̱ꞌ kúvi iniꞌ ni̱ꞌ ya̱ retánꞌ sukuán ntáká kuitɨꞌ rán kúvi káꞌánꞌ rán rá inka nu̱u̱nꞌ tu̱ꞌun ntu jiáku̱ꞌun iniꞌ rán nékúvi, soo ya̱ na̱ ka̱ꞌ kúvi víꞌí ka̱ꞌ iniꞌ ni̱ꞌ ví ya̱ retánꞌ sukuán jee ntáká rán nakani tu̱ꞌun nkene yuꞌú Ndiosíꞌ. Chi ya̱ ñáꞌnú ka̱ꞌ ví ya̱ nákani ñɨvɨ tu̱ꞌun kéne yuꞌú Ndiosíꞌ, nsú ka̱ꞌ ɨɨn ñɨvɨ ya̱ káꞌánꞌ rá inka nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, áxí nika̱ꞌ retú íyó ñɨvɨ ya̱ kúvi nákachiꞌ‑i rá tu̱ꞌun káꞌánꞌ ñɨvɨ vá sú ntu jiáku̱ꞌun iniꞌ tu̱ꞌun vá, sáva kuvi kootiñu tu̱ꞌun káꞌánꞌ ñɨvɨ vá, sáva sikújia‑a iniꞌ rá ñɨvɨ ya̱ yɨ́ꞌɨ́ nu̱u̱nꞌ Cristo.

1 Corintios 8:1

Ntañúꞌún jee káchíꞌ tuku ni̱ꞌ inka ka̱ꞌ tu̱ꞌun jie̱ꞌe̱ꞌ rá sókóꞌ rá ñɨvɨ nu̱u̱nꞌ rá nantíñú ya̱ ntu kúvi Ndiosíꞌ tékúꞌ. Nkachiꞌ ránú ya̱ “jíníꞌ‑ó ya̱ jíníꞌ ntáká‑ó na̱sa íyó tu̱ꞌun jie̱ꞌe̱ꞌ‑e.” Soo sáꞌá víxiꞌ ka̱ꞌá‑ó jie̱ꞌe̱ꞌ ya̱ káchíꞌ‑ó ya̱ jíníꞌ‑ó nɨꞌɨ. Soo jie̱ꞌe̱ꞌ ya̱ ñúnúunꞌ‑ó rá ñanitáꞌán‑ó, jee yaꞌá sáꞌá ya̱ jíjia iniꞌ‑ó íyó kutú‑ó jín tu̱ꞌun I̱toꞌoꞌ‑ó.

2 Corintios 12:4

Nsiíyo Cristo re̱ꞌ ña̱ꞌa̱nꞌ re̱ꞌ nu̱u̱nꞌ antivɨ́. Jee yukuán nteso̱ꞌo re̱ꞌ rá tu̱ꞌun ya̱ ntu kúvi kachiꞌ ni ɨɨn ñɨvɨ maa, jee jíníi̱yo Ndiosíꞌ kachiꞌ ñɨvɨ maa.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

1 Pedro 4:8

Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.

Apoclipsis 14:2

Jee ne̱ súkún nteso̱ꞌo ni̱ꞌ ɨɨn nusuyuꞌú kuéntáꞌ kua̱ꞌ nɨ́ꞌɨn káyu kue̱ꞌe̱ꞌ víꞌí rá ntekáꞌnú, jín kuéntáꞌ kua̱ꞌ kúvi nu̱u̱nꞌ nɨ́ꞌɨn kani tajia. Jee nusuyuꞌú ya̱ nteso̱ꞌo ni̱ꞌ kúvi kuéntáꞌ kue̱ꞌe̱ꞌ víꞌí rá ñɨvɨ vá tée ráa arpa sáꞌá ráa yaaꞌ.