1 Corintios 12:1 - Mixteco del suroeste de Tlaxiaco Oaxaca

¹ I̱ña̱jée ránoꞌó ñaniꞌ jín ku̱ꞌva, íyó jie̱ꞌe̱ꞌ ya̱ kuíni ni̱ꞌ ya̱ kukáꞌnú iniꞌ rán, jie̱ꞌe̱ꞌ rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ ta ɨɨn ɨɨn‑ó, sáva chineí re̱ꞌ yó saꞌá‑ó tiñu nu̱u̱nꞌ Ndiosíꞌ.

1 Corintios 12:1 ပူးပေါင်းရင်းမြစ်များ

1 Corintios 14:37

Retú ɨɨn ñɨvɨ jiáni iniꞌ re̱ꞌ ya̱ kúvi re̱ꞌ ɨɨn te̱e nákani tu̱ꞌun kéne yuꞌú Ndiosíꞌ, áxí jiáni iniꞌ re̱ꞌ ya̱ nníꞌinꞌ re̱ꞌ ɨɨn ta̱ꞌvi̱ꞌ ya̱ njia̱ꞌa Ta̱chi̱ꞌ Ííꞌ sáá sáꞌá re̱ꞌ, soo íyó tɨɨn kuéntáꞌ re̱ꞌ ya̱ rá tu̱ꞌun tée ni̱ꞌ yaꞌá nu̱u̱nꞌ rán, kúvi rá tu̱ꞌun ya̱ nta̱túníꞌ maá I̱toꞌoꞌ‑ó nu̱u̱nꞌ‑ó.

Efesios 4:11

Jee maáréꞌ njia̱ꞌa re̱ꞌ nu̱u̱nꞌ sava te̱e tiñu kúvi apóstol ya̱ nchu̱ichí re̱ꞌ ráa nstúvi ráa tu̱ꞌun jie̱ꞌe̱ꞌ Jesús, jee nu̱u̱nꞌ sava rá ka̱ꞌ njia̱ꞌa re̱ꞌ tiñu nákani ráa tu̱ꞌun kéne yuꞌú Ndiosíꞌ, jee nu̱u̱nꞌ sava rá ka̱ꞌ njia̱ꞌa re̱ꞌ nu̱u̱nꞌ ráa stékútu̱ꞌún ráa tu̱ꞌun váꞌa jie̱ꞌe̱ꞌ re̱ꞌ ya̱ nkiji re̱ꞌ sáva natavaꞌ re̱ꞌ ñɨvɨ nu̱u̱nꞌ kua̱chi ráa jee kána ráa ñɨvɨ ki̱vɨ naꞌá re̱ꞌ, jee nu̱u̱nꞌ sáva rá ka̱ꞌ njia̱ꞌa re̱ꞌ nu̱u̱nꞌ ráa tiñu kuvi ya̱ néen kuéntáꞌ ráa rá ñɨvɨ kúneí iniꞌ ráa re̱ꞌ jín ya̱ xínéꞌénꞌ ráa tu̱ꞌun re̱ꞌ.

2 Pedro 3:8

Soo ránoꞌó ñanitáꞌán ya̱ ñúnúunꞌ ni̱ꞌ, koto náánꞌ iniꞌ rán tu̱ꞌun yaꞌá: ya̱ nu̱u̱nꞌ I̱toꞌoꞌ‑ó jee ɨɨn ki̱vɨ̱ꞌ kúvi kuéntáꞌ ɨɨn mil kui̱ya̱ꞌ, jee ɨɨn mil (1000) kui̱ya̱ꞌ kúvi kuéntáꞌ ɨɨn ki̱vɨ̱ꞌ ni.

1 Tesalonicenses 4:13

Ránoꞌó ñanitáꞌán, ntu kuíni ránꞌ ya̱ nku̱níꞌ rán jie̱ꞌe̱ꞌ rá ñɨvɨ níꞌiꞌ, sáva nkúkuéká víꞌí iniꞌ rán, kuéntáꞌ rá inka ñɨvɨ ya̱ ntu yɨ́ꞌɨ́ ráa nu̱u̱nꞌ Jesús, jee ntu̱né íyó tu̱neí iniꞌ ráa ya̱ natekuꞌ ñunéꞌyúꞌ ráa.

2 Corintios 1:8

Ránoꞌó ñanitáꞌán, kuíni ráníꞌ ya̱ kukáꞌnú iniꞌ ránú jie̱ꞌe̱ꞌ rá tu̱nóꞌó ya̱ nkiji si̱kɨ̱ꞌ ránuꞌuꞌ ni nneeꞌ ránꞌ ichi rá ñuunꞌ tɨ́ɨn Asia. Chi nnoꞌo ránꞌ tu̱nóꞌó maá ve̱i nasɨ́kuitɨꞌ nsú kua̱ꞌ kuneí ránꞌ ka̱ꞌ jín fuersáꞌ ránꞌ, ya̱ ni ntu̱ví níyo ka̱ꞌ tu̱neí iniꞌ ránꞌ ya̱ kutekuꞌ ránꞌ.

1 Corintios 10:1

Ránoꞌó ñaniꞌ jín ku̱ꞌva, kuíni ni̱ꞌ ya̱ kuniꞌ rán ya̱ na̱sa nika rá tátáꞌ jííꞌ ráníꞌ ya̱ ni̱yo ne̱ yanaꞌán nasɨ́kuitɨꞌ. Chi ntáká ráa nika chi̱ji vi̱ko̱ꞌ ya̱ nstúvi‑i nu̱u̱nꞌ ráa né ɨɨn ichi kɨ̱ꞌɨ̱nꞌ ráa. Jee ntáká kuitɨꞌ ráa njia̱ꞌa nteñu nu̱u̱nꞌ nnine ma̱ꞌñú nteñúꞌún, ya̱ naní nteñúꞌún kuéꞌé.

Romanos 1:13

Soo, ránoꞌó ñanitáꞌán ni̱ꞌ, kuíni ni̱ꞌ ya̱ kúkáꞌnú iniꞌ rán ya̱ kue̱ꞌe̱ꞌ íchí nñu̱ꞌun iniꞌ ni̱ꞌ kua̱jiane̱ꞌyá ni̱ꞌ ránoꞌó, soo ne̱ vitan íyó ya̱ chítuvi‑i nu̱u̱nꞌ nuꞌuꞌ. Kuíni ni̱ꞌ kua̱jiane̱ꞌyá ni̱ꞌ ránoꞌó sáva taji ni̱ꞌ Tu̱ꞌun Ndiosíꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ re̱ꞌ tiñu iniꞌ ánímaꞌ rán, kuéntáꞌ nsa̱ꞌá ni̱ꞌ nteñu rá ñɨvɨ rá inka nación.