1 Corintios 11:5 - Mixteco del suroeste de Tlaxiaco Oaxaca

⁵ Soo ntáká ñaꞌan ya̱ retú ntu násɨ́ꞌ xi̱ni̱ꞌ ña sáá káꞌánꞌ ña jín Ndiosíꞌ, áxí sáá káchítu̱ꞌún ña tu̱ꞌun kéne yuꞌú Ndiosíꞌ, jee suni tu̱nkánuun jiáꞌa ña maáña ya̱ retú núne xi̱ni̱ꞌ ña. Chi ɨɨn ni kúvi‑i jín ya̱ kuéntáꞌ retánꞌ nse̱té ñɨɨ́n ña xi̱ni̱ꞌ ña.

1 Corintios 11:5 ပူးပေါင်းရင်းမြစ်များ

Lucas 2:36

Jee suni yukuán íñɨ́ ɨɨn ñaꞌan naní Ana ya̱ kúvi ɨɨn ñaꞌan ya̱ nákani ña tu̱ꞌun kéne yuꞌú máá maá Ndiosíꞌ, jee kúvi ña se̱ꞌya Fanuel, jee kúvi ña tataꞌ Aser. Jee nyɨɨ ña nku̱ñáꞌnú víꞌí ña, jee ne̱ súchí núún ña nta̱na̱ꞌá ña, jee nneeꞌ ña jín yɨɨ́ ña u̱xa̱ꞌ kui̱ya̱ꞌ.

Hechos 2:17

Yaꞌá vá kuvi rá ki̱vɨ̱ꞌ nu̱u̱nꞌ nɨ́ꞌɨ, káchíꞌ Ndiosíꞌ, jee chisó ni̱ꞌ Ta̱chi̱ꞌ Ííꞌ ni̱ꞌ nu̱u̱nꞌ nta̱ká ñɨvɨ. Rá se̱ꞌya yɨ́ɨ́ rán jín rá se̱ꞌya sɨ́ꞌɨ́ rán, nakani ráa tu̱ꞌun kene yuꞌú ni̱ꞌ. Kájíkuitɨꞌ kuniꞌ rá te̱e súchí rán, ya̱ xinéꞌénꞌ nu̱u̱nꞌ ni̱ꞌ nu̱u̱nꞌ ráa, jee rá tájííꞌ rán kujia̱a̱ní ráa rá ña̱ní ya̱ xinéꞌénꞌ nu̱u̱nꞌ ni̱ꞌ nu̱u̱nꞌ ráa.

Hechos 21:9

Íyó ku̱mi̱ꞌ se̱ꞌya sɨ́ꞌɨ́ nu̱u̱nꞌ re̱ꞌ ya̱ ntiáꞌan tana̱ꞌá ráa jee káꞌánꞌ ráa Tu̱ꞌun Ndiosíꞌ ya̱ njia̱ꞌa‑a nu̱u̱nꞌ ráa.

1 Corintios 11:4

Jee saáva ntáká te̱e ya̱ násɨ́ꞌ xi̱ni̱ꞌ re̱ꞌ sáá káꞌánꞌ re̱ꞌ jín Ndiosíꞌ, áxí retú sáá káchítu̱ꞌún re̱ꞌ tu̱ꞌun kéne yuꞌú Ndiosíꞌ nu̱u̱nꞌ rá ñɨvɨ nútútú ya̱ jínúꞌ iniꞌ ráa Ndiosíꞌ, jee yukuán sáre jiáꞌa re̱ꞌ tu̱nkánuun maáréꞌ ya̱ retú sáꞌá re̱ꞌ sukuán.

1 Corintios 11:6

Saájee retú ntu̱ví jiásɨ́ꞌ ɨɨn ñaꞌan xi̱ni̱ꞌ ña, jee va̱ꞌa ka̱ꞌ ví ña ya̱ íchí keꞌneꞌ ña ixi ña. Jee retú kúkanuun ña ya̱ jiéꞌnéꞌ ña ixi ña, áxí retú sété ñɨɨ́n ña xi̱ni̱ꞌ ña, jee retú sukuán jee va̱ꞌa ka̱ꞌ ya̱ íyó kasɨꞌ ña xi̱ni̱ꞌ ña.

1 Corintios 14:34

jee suni sukuán koo jín ntáká rá ñaꞌan ya̱ nútútú jín‑ó, ya̱ níín kuneeꞌ ráña chi ntu̱ví yɨ́netuꞌ kaꞌanꞌ ráña, chisaꞌ íyó chiꞌi ña maáña xi̱ntíín yɨɨ́ ña sánikua̱ꞌ suni káchíꞌ tu̱ꞌun ntee Moisés ya̱ kúvi ley.