1 Corintios 11:3 - Mixteco del suroeste de Tlaxiaco Oaxaca

³ Soo kuíni ni̱ꞌ ya̱ kuniꞌ rán ya̱ yósóꞌ Cristo nu̱u̱nꞌ ntáká te̱e kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu. Jee yósóꞌ ɨɨn te̱e nu̱u̱nꞌ ñasɨ́ꞌɨ́ re̱ꞌ kuéntáꞌ yósóꞌ xi̱ni̱ꞌ. Jee yósóꞌ Ndiosíꞌ nu̱u̱nꞌ Cristo.

1 Corintios 11:3 ပူးပေါင်းရင်းမြစ်များ

Génesis 3:16

Nkachiꞌ Ndiosíꞌ nu̱u̱nꞌ ñaꞌan vá: ―Xiníꞌin yɨɨ́ ni̱ꞌ kuyajiꞌ iniꞌ nú sáá kuneeꞌ kue̱ꞌi̱ꞌ nú. Kuteꞌneꞌ iniꞌ nú sáá xtaꞌvíꞌ nú rá se̱ꞌya nú. Niyo iniꞌ nú kutóó nú yɨɨ́ nú. Jee maáréꞌ kosoꞌ re̱ꞌ nu̱u̱nꞌ nú.

Mateo 28:18

Saájee ña̱kuyatin Jesús nu̱u̱nꞌ ráa, jee nkachiꞌ re̱ꞌ nu̱u̱nꞌ ráa: ―Ntaji Tátáꞌ ni̱ꞌ Ndiosíꞌ ntáká tiñu ñáꞌnú kunisotíñú ni̱ꞌ antivɨ́ súkún jín iniꞌ ñɨ̱vɨ́ yaꞌá.

Juan 14:28

’Ya nteso̱ꞌo rán ya̱ nkachiꞌ ni̱ꞌ nu̱u̱nꞌ rán: “Kɨ̱ꞌɨ̱nꞌ ni̱ꞌ, jee niji ni̱ꞌ nu̱u̱nꞌ rán.” Jee retú ñúnúunꞌ rán nuꞌuꞌ, yukuán re íyó tu̱ꞌun kusɨ̱ɨ̱ꞌ iniꞌ ánímaꞌ rán ya̱ kɨ̱ꞌɨ̱nꞌ noꞌonꞌ ni̱ꞌ nu̱u̱nꞌ Tátáꞌ ni̱ꞌ. Chi Tátáꞌ ni̱ꞌ vá kúñáꞌnú nasɨ́kuitɨꞌ ka̱ꞌ nsú káꞌ nuꞌuꞌ.

1 Corintios 3:23

Jee ránoꞌó chi yɨ́ꞌɨ́ rán xi̱ntíín Cristo, jee Cristo chi yɨ́ꞌɨ́ re̱ꞌ xi̱ntíín Ndiosíꞌ.

Efesios 4:15

Chisaꞌ kunikɨnꞌ‑ó kaꞌanꞌ‑ó tu̱ꞌun na̱a̱ꞌ jín tu̱ꞌun kunu̱u̱nꞌ táꞌán‑ó, sukuán jee kueꞌnu‑ó jín ntáká tiñu kuíni Cristo, ya̱ yósóꞌ re̱ꞌ nu̱u̱nꞌ‑ó kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu.

Colosenses 1:18

Jee maáréꞌ kúñáꞌnú yósóꞌ re̱ꞌ nu̱u̱nꞌ maáó ya̱ kúneí iniꞌ‑ó re̱ꞌ, kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu, jee maáó kúvi‑ó kuéntáꞌ yɨkɨkúñu re̱ꞌ, ya̱ kúvi‑ó ñɨvɨ ya̱ nstútú Ndiosíꞌ. Jee Cristo ví ya̱ xitékúꞌ re̱ꞌ yó nɨ́ɨ́nkání jín re̱ꞌ, chi xíꞌnañúꞌún re̱ꞌ ví ya̱ nna̱tekuꞌ i̱i̱ꞌ re̱ꞌ jín yɨkɨkúñu re̱ꞌ nteñu rá níꞌiꞌ, sáva máá kúñáꞌnú nasɨ́kuitɨꞌ kúvi re̱ꞌ nu̱u̱nꞌ kua̱íyó kuitɨꞌ.

Colosenses 2:10

Jee kukánáa ánímaꞌ rán jín nɨꞌɨ kuitɨꞌ ya̱ váji ne̱ nu̱u̱nꞌ Ndiosíꞌ ne̱ natɨɨn rán iniꞌ maáréꞌ, jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo. Chi Cristo ví ya̱ kúñáꞌnú nu̱u̱nꞌ nta̱ká ya̱ nísotíñú ráa jín ya̱ kúñáꞌnú ráa, [va̱ni nu̱u̱nꞌ ñɨvɨ, va̱ni nu̱u̱nꞌ ta̱chi̱ꞌ, va̱ni nu̱u̱nꞌ najiáꞌáꞌ ííꞌ Ndiosíꞌ].

Colosenses 2:19

Chi ntu̱ví íñɨ́ ráa jín Cristo, ya̱ yósóꞌ‑o nu̱u̱nꞌ‑ó kuéntáꞌ kúvi re̱ꞌ xi̱ni̱ꞌ nu̱u̱nꞌ‑ó. Jee kúvi‑ó kuéntáꞌ yɨkɨkúñu re̱ꞌ, chi náketáꞌán‑ó jín re̱ꞌ, kuéntáꞌ nééꞌ táꞌán yɨkɨkúñu jín xi̱ni̱ꞌ jín rá nu̱u̱nꞌ ñútáꞌán jín rá tu̱chi fuersáꞌ. Jee táji re̱ꞌ ya̱ jíniñúꞌún‑ó sáva kujia iniꞌ‑ó sáni síkuéꞌnu Ndiosíꞌ yó.

Colosenses 3:18

Ránoꞌó ñaꞌan nta̱na̱ꞌá, chiꞌi rán maárán naꞌá yɨɨ́ rán, chi yaꞌá íyó na̱a̱ꞌ ya̱ suꞌva sáꞌá rá ñaꞌan ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó.

1 Pedro 3:1

Jee suni sukuán ránoꞌó ñaꞌan íyó yɨɨ́, koo maniꞌ rán chiꞌi rán maárán xi̱ntíín yɨɨ́ rán, sáva retú néni ɨɨn rá yɨɨ́ rán vá ntu jínúꞌ iniꞌ ráa ntu káníjiá ráa Tu̱ꞌun Ndiosíꞌ, jee sijínúꞌ rán iniꞌ rá yɨɨ́ rán jín máá ni tiñu na̱ja va̱ꞌa na̱a̱ꞌ jiáꞌnu rán jee nsú jín tu̱ꞌun káꞌánꞌ rán.