1 Corintios 11:2 - Mixteco del suroeste de Tlaxiaco Oaxaca

² Nákuetúꞌún ni̱ꞌ ránoꞌó [rá ñaniꞌ jín ku̱ꞌva], chi níní sukuáni nákúꞌun iniꞌ rán nuꞌuꞌ, jee kuiñɨ kutú rán jín Tu̱ꞌun Ndiosíꞌ sánikua̱ꞌ nxi̱néꞌénꞌ ni̱ꞌ ránoꞌó.

1 Corintios 11:2 ပူးပေါင်းရင်းမြစ်များ

Lucas 1:6

Jee ni núvíꞌ ráa nkuvi ñɨvɨ na̱a̱ꞌ ichinúúnꞌ Ndiosíꞌ, chi na̱a̱ꞌ va̱ꞌa ñaꞌnu ráa sánikua̱ꞌ ntáká tiñu ya̱ nta̱túníꞌ I̱toꞌoꞌ‑ó Ndiosíꞌ jín rá tiñu ñakɨnꞌ re̱ꞌ, jee ntu íyó na̱ jie̱ꞌe̱ꞌ chikua̱chi ñɨvɨ si̱kɨ̱ꞌ ráa jie̱ꞌe̱ꞌ vá.

1 Corintios 11:17

Soo siáꞌa ni̱ꞌ inka ka̱ꞌ jie̱ꞌe̱ꞌ tu̱ꞌun ya̱ tatúníꞌ ni̱ꞌ nu̱u̱nꞌ rán, jee jie̱ꞌe̱ꞌ vá ntu̱ví nákuetúꞌún ni̱ꞌ ránoꞌó. Chi sáá nútútú rán jee ntu̱ví sáꞌá váꞌa rán chisaꞌ sáꞌá niva̱ꞌa rán.

1 Corintios 11:22

Soo ¿á ni ntu̱ví íyó veꞌi rán nu̱u̱nꞌ kajiꞌ rán jín nu̱u̱nꞌ koꞌo rán rúja? Chi ya̱ sáꞌá rán sukuán jee, ¿á nsáꞌ kúníichiꞌ iniꞌ rán rá ñɨvɨ ya̱ jínúꞌ iniꞌ ráa Ndiosíꞌ rúja? Jee sukuán jiáꞌa rán tu̱nkánuun nu̱u̱nꞌ rá ñɨvɨ ya̱ ntu̱náꞌ íyó ya̱ kajiꞌ ráa. Jee, ¿ná kúvi ya̱ kachiꞌ ni̱ꞌ nu̱u̱nꞌ rán rúsa? ¿Á nakuetúꞌún ni̱ꞌ ránoꞌó ya̱ sáꞌá rán sukuán? Nsáꞌ nakuetúꞌún ni̱ꞌ ránoꞌó jie̱ꞌe̱ꞌ ya̱ sáꞌá rán sukuán.

1 Corintios 15:2

Jee suni jín tu̱ꞌun váꞌa vá ví ya̱ natavaꞌ re̱ꞌ ránoꞌó nu̱u̱nꞌ kua̱chi rán síkáku re̱ꞌ ránoꞌó, retú íñɨ́ ni̱ꞌin rán níkɨ́nꞌ rán tu̱ꞌun vá ya̱ nstékútu̱ꞌún ni̱ꞌ nu̱u̱nꞌ rán jee ni̱nu̱ꞌ iniꞌ rán ntɨɨn rán maa, soo retú ntu̱ví, jee kua̱chi ni̱nu̱ꞌ ka̱ꞌá iniꞌ rán maa.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

1 Corintios 7:17

Saájee ta ɨɨn ɨɨn rán íyó kueꞌnu rán sánikua̱ꞌ ntaji I̱toꞌoꞌ‑ó sáá koo rán, jín sánikua̱ꞌ ya̱ íyó rán sáá nkana Ndiosíꞌ ránoꞌó kɨꞌɨ rán nu̱u̱nꞌ re̱ꞌ, jee ni̱nu̱ꞌ iniꞌ rán nka̱níjiá rán. Jee suꞌva tátúníꞌ ni̱ꞌ nu̱u̱nꞌ ntáká rá grupo rá ñɨvɨ jínúꞌ iniꞌ ráa káníjiá ráa Jesús.

1 Tesalonicenses 1:6

Jee nkenta sáꞌá ránú mákua sáꞌá ráníꞌ jín mákua sáꞌá I̱toꞌoꞌ‑ó, chi nuún násaꞌá ránoꞌó jín ránuꞌuꞌ, chi ntɨɨn rán tu̱ꞌun jie̱ꞌe̱ꞌ Cristo, súka̱ꞌ nóꞌo víꞌí rán, [ya̱ jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá]. Jee ne̱ iniꞌ ánímaꞌ rán nku̱sɨ̱ɨ̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

1 Tesalonicenses 3:6

Soo ntañúꞌún jee, nnene Timoteo nu̱u̱nꞌ nééꞌ ránú nni̱kó re̱ꞌ nu̱u̱nꞌ ránuꞌuꞌ. Jee nna̱kani re̱ꞌ tu̱ꞌun váꞌa jie̱ꞌe̱ꞌ ya̱ kúneí i̱i̱ꞌ iniꞌ ránú Cristo, jee ñúnúunꞌ ɨɨn inka rán táꞌán rán. Jee nkachiꞌ re̱ꞌ ya̱ sukuáni jiáni ñunkúún iniꞌ rán jie̱ꞌe̱ꞌ ránuꞌuꞌ. Jee níyo iniꞌ rán ya̱ kune̱ꞌyá rán ránuꞌuꞌ, sáni níyo iniꞌ ránꞌ ya̱ kune̱ꞌyá ránꞌ ránoꞌó.

2 Tesalonicenses 2:15

Saáva, ránoꞌó ñanitáꞌán, kuiñɨ ni̱ꞌin rán jín tu̱ꞌun nxi̱néꞌénꞌ ránꞌ ránoꞌó, jee tɨɨn ni̱ꞌin rán maa, va̱ni tu̱ꞌun yuꞌú ránꞌ nkachiꞌ ránꞌ nu̱u̱nꞌ ránoꞌó áxí va̱ni ntee ránꞌ maa nu̱u̱nꞌ tutuꞌ nta̱jí ránꞌ nu̱u̱nꞌ ránoꞌó.

2 Tesalonicenses 3:6

Ránoꞌó ñanitáꞌán, jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, jee tátúníꞌ ráníꞌ nu̱u̱nꞌ ránoꞌó, ya̱ kusɨ́ɨ́n ránú nu̱u̱nꞌ nta̱ká ñaniꞌ jíka kúxí jee ya̱ ntu sáꞌá ráa sáni tu̱ꞌun níꞌinꞌ rán nu̱u̱nꞌ ránuꞌuꞌ.