1 Corintios 10:1 - Mixteco del suroeste de Tlaxiaco Oaxaca

¹ Ránoꞌó ñaniꞌ jín ku̱ꞌva, kuíni ni̱ꞌ ya̱ kuniꞌ rán ya̱ na̱sa nika rá tátáꞌ jííꞌ ráníꞌ ya̱ ni̱yo ne̱ yanaꞌán nasɨ́kuitɨꞌ. Chi ntáká ráa nika chi̱ji vi̱ko̱ꞌ ya̱ nstúvi‑i nu̱u̱nꞌ ráa né ɨɨn ichi kɨ̱ꞌɨ̱nꞌ ráa. Jee ntáká kuitɨꞌ ráa njia̱ꞌa nteñu nu̱u̱nꞌ nnine ma̱ꞌñú nteñúꞌún, ya̱ naní nteñúꞌún kuéꞌé.

1 Corintios 10:1 ပူးပေါင်းရင်းမြစ်များ

Juan 4:20

Rá jííꞌ ráníꞌ yanaꞌán víꞌí ya̱ kúvi rá ñɨvɨ Samaria, jee nneñu̱ꞌun ráa Ndiosíꞌ nu̱u̱nꞌ yuku yaꞌá. Soo ránoꞌó ya̱ kúvi rán ñɨvɨ Israel, jee kachiꞌ rán ya̱ Jerusalén ví nu̱u̱nꞌ íyó kuneñu̱ꞌun‑ó Ndiosíꞌ ―nkachiꞌ ña.

Romanos 1:13

Soo, ránoꞌó ñanitáꞌán ni̱ꞌ, kuíni ni̱ꞌ ya̱ kúkáꞌnú iniꞌ rán ya̱ kue̱ꞌe̱ꞌ íchí nñu̱ꞌun iniꞌ ni̱ꞌ kua̱jiane̱ꞌyá ni̱ꞌ ránoꞌó, soo ne̱ vitan íyó ya̱ chítuvi‑i nu̱u̱nꞌ nuꞌuꞌ. Kuíni ni̱ꞌ kua̱jiane̱ꞌyá ni̱ꞌ ránoꞌó sáva taji ni̱ꞌ Tu̱ꞌun Ndiosíꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ re̱ꞌ tiñu iniꞌ ánímaꞌ rán, kuéntáꞌ nsa̱ꞌá ni̱ꞌ nteñu rá ñɨvɨ rá inka nación.

Romanos 11:21

Chi retú ntu nnékáꞌnú iniꞌ Ndiosíꞌ rá ñɨvɨ ñuunꞌ Israel, ya̱ nkáji re̱ꞌ ráa sáva kuvi ráa ñɨvɨ re̱ꞌ kuéntáꞌ naꞌá máá maá yutun olivo stíláꞌ, jee suni ni noꞌó nsáꞌ kunekáꞌnú iniꞌ re̱ꞌ noꞌó retú ntu kúneí iniꞌ nú Cristo.

Romanos 4:11

Jee nni̱ꞌi̱nꞌ re̱ꞌ seña vá nu̱u̱nꞌ yɨkɨkúñu re̱ꞌ, ya̱ kúvi ɨɨn seyúꞌ ya̱ stúvi‑i ya̱ naáꞌ ya̱ kínóo na̱a̱ꞌ re̱ꞌ nu̱u̱nꞌ Ndiosíꞌ jie̱ꞌe̱ꞌ ya̱ nku̱neí iniꞌ re̱ꞌ maa, sáá ntiáꞌan kuniso re̱ꞌ seña vá. Jee sukuán íyó sáva kúvi Abraham tátáꞌ ntáká rá ñɨvɨ ya̱ kúneí iniꞌ ráa Ndiosíꞌ, sú ntu níso ráa seña vá. Chi kúneí iniꞌ ráa Cristo, sáva kuna̱a̱ꞌ iniꞌ Ndiosíꞌ ya̱ kínóo na̱a̱ꞌ ráa nu̱u̱nꞌ re̱ꞌ.

1 Corintios 12:1

I̱ña̱jée ránoꞌó ñaniꞌ jín ku̱ꞌva, íyó jie̱ꞌe̱ꞌ ya̱ kuíni ni̱ꞌ ya̱ kukáꞌnú iniꞌ rán, jie̱ꞌe̱ꞌ rá ta̱ꞌvi̱ꞌ ya̱ táji Ta̱chi̱ꞌ Ííꞌ Ndiosíꞌ nu̱u̱nꞌ ta ɨɨn ɨɨn‑ó, sáva chineí re̱ꞌ yó saꞌá‑ó tiñu nu̱u̱nꞌ Ndiosíꞌ.

1 Corintios 14:38

Soo retú ntu̱ví íyó maniꞌ re̱ꞌ nu̱u̱nꞌ tu̱ꞌun káchíꞌ ni̱ꞌ yaꞌá, jee suni nkóo maniꞌ Ndiosíꞌ maáréꞌ.

Gálatas 3:29

Chi retú yɨ́ꞌɨ́ rán nu̱u̱nꞌ Cristo, ña̱re se̱ꞌya ichiyúkúnꞌ Abraham kúvi rán. Jee ni̱ꞌi̱nꞌ rán ta̱ꞌvi̱ꞌ táji Ndiosíꞌ sáni nchi̱sóyuꞌú re̱ꞌ.

Hebreos 11:29

Jee suni jie̱ꞌe̱ꞌ ya̱ ni̱nu̱ꞌ iniꞌ rá ñɨvɨ Israel nku̱neí iniꞌ ráa Ndiosíꞌ, jee njia̱ꞌa ráa ma̱ꞌñú nteñúꞌún naní Nteñúꞌún Kuéꞌé, chi nine Ndiosíꞌ nute vá jee natu̱vi ñuꞌun íchí jee njia̱ꞌa ráa íyo ka̱ꞌ ichi. Jee sáá nnu̱nasɨ́ rá te̱e ñuunꞌ Egipto jia̱ꞌa ráa nékúvi, soo nna̱jisoꞌ nteñúꞌún vá ya̱ta̱ꞌ ráa, jee nkaꞌaꞌ ráa jee ni̱ꞌi̱ꞌ ráa.