1 Corintios 1:5 - Mixteco del suroeste de Tlaxiaco Oaxaca

⁵ chi jie̱ꞌe̱ꞌ yɨ́ꞌɨ́ rán nu̱u̱nꞌ Jesús jee nta̱ká nu̱u̱nꞌ nku̱kúká rán jín nɨꞌɨ tu̱ꞌun káꞌánꞌ va̱ꞌa rán jín nɨꞌɨ ya̱ jíníꞌ rán jie̱ꞌe̱ꞌ Ndiosíꞌ.

1 Corintios 1:5 ပူးပေါင်းရင်းမြစ်များ

Hechos 2:4

Jee Ta̱chi̱ꞌ Ííꞌ Ndiosíꞌ nki̱vɨ re̱ꞌ iniꞌ ntáká ráa, jee nchi̱tú re̱ꞌ iniꞌ ráa. Jee nka̱jiéꞌé ráa káꞌánꞌ ráa inka rá tu̱ꞌun ya̱ ntu káꞌánꞌ ráa, sáni njia̱ꞌa Ta̱chi̱ꞌ Ííꞌ Ndiosíꞌ nu̱u̱nꞌ ráa sákachiꞌ ráa.

Romanos 11:12

Soo jie̱ꞌe̱ꞌ njia̱ꞌa ráa nu̱u̱nꞌ tu̱ꞌun nkachiꞌ Ndiosíꞌ jee nkenta ya̱ níꞌinꞌ rá inka ka̱ꞌ ñɨvɨ ñɨ̱vɨ́ ta̱ꞌvi̱ꞌ yɨ́yáꞌvi, jee jie̱ꞌe̱ꞌ nstívɨ́ ráa maáráa nu̱u̱nꞌ re̱ꞌ jee nni̱ꞌi̱nꞌ inka ñɨvɨ ya̱ ntu kúvi Israel ta̱ꞌvi̱ꞌ yɨ́yáꞌvi. Jee ya̱ nkuvi sukuán, jee saꞌ víꞌí káꞌ ni̱ꞌi̱nꞌ ráa ta̱ꞌvi̱ꞌ yɨ́yáꞌvi sáá nanikó ntáká ráa nu̱u̱nꞌ Ndiosíꞌ.

Romanos 15:14

Soo ránoꞌó ñanitáꞌán maáníꞌ, nuꞌuꞌ chi jínúꞌ iniꞌ ni̱ꞌ ya̱ íyó mániꞌ nasɨ́kuitɨꞌ iniꞌ rán néꞌyá rán táꞌán rán, jee jíníꞌ va̱ꞌa rán nɨꞌɨ tu̱ꞌun na̱a̱ꞌ Ndiosíꞌ ya̱ nníꞌinꞌ rán, jee kúvi náxiníꞌvɨ́ꞌ iniꞌ rán ɨɨn inka táꞌán rán saꞌá rán sáni káchíꞌ Tu̱ꞌun Ndiosíꞌ.

Romanos 15:4

Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ.

1 Corintios 12:10

Jee nu̱u̱nꞌ inka‑ó ka̱ꞌ táji re̱ꞌ fuersáꞌ níꞌin níso re̱ꞌ sáva kuvi saꞌá‑a rá tiñu a̱nasɨ́ váꞌa, jee nu̱u̱nꞌ inka‑ó ka̱ꞌ táji re̱ꞌ ya̱ kuvi nakani‑i tu̱ꞌun kéne yuꞌú maá Ndiosíꞌ, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ sáva nakuniꞌ‑i ntáká ya̱ váji nu̱u̱nꞌ Ta̱chi̱ꞌ Ííꞌ áxí retú nu̱u̱nꞌ ta̱chi̱ꞌ kíni va̱ji rá tu̱ꞌun vá. Jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi kaꞌanꞌ‑a kéꞌín nu̱u̱nꞌ tu̱ꞌun ya̱ ntu jiáku̱ꞌun iniꞌ‑i, jee nu̱u̱nꞌ inka‑ó ka̱ꞌ táji re̱ꞌ ta̱ꞌvi̱ꞌ ya̱ kuvi nakachiꞌ‑i ná kúníꞌ kachiꞌ rá tu̱ꞌun káꞌánꞌ ñɨvɨ súnika̱ꞌ ntu jiáku̱ꞌun iniꞌ‑i vá.

1 Corintios 12:8

Chi nu̱u̱nꞌ sava‑ó táji Ta̱chi̱ꞌ Ííꞌ ta̱ꞌvi̱ꞌ ya̱ káꞌánꞌ‑a tu̱ꞌun níchí ya̱ va̱ji ne̱ nu̱u̱nꞌ Ndiosíꞌ. Jee nu̱u̱nꞌ inka‑ó ka̱ꞌ táji ɨɨn ni Ta̱chi̱ꞌ Ííꞌ vá ta̱ꞌvi̱ꞌ ya̱ sátíñú re̱ꞌ iniꞌ‑i sáva jíníꞌ va̱ꞌa‑a Tu̱ꞌun Ndiosíꞌ jee xínéꞌénꞌ‑e vá nu̱u̱nꞌ rá ñanitáꞌán‑ó.

1 Corintios 13:2

Jee retánꞌ kúvi nakani ni̱ꞌ tu̱ꞌun kéne yuꞌú máá maá Ndiosíꞌ, jín retánꞌ jíníꞌ va̱ꞌa ni̱ꞌ ntáká rá tu̱ꞌun yɨ́yuꞌuꞌ re̱ꞌ, jín retánꞌ jíníꞌ ni̱ꞌ kua̱íyó ya̱ íyó, jee retánꞌ kúneí nasɨ́kuitɨꞌ nijia iniꞌ ni̱ꞌ Ndiosíꞌ ne̱ kuvi tatúníꞌ ni̱ꞌ nu̱u̱nꞌ ɨɨn yuku ya̱ kuiyo‑o nu̱u̱nꞌ íñɨ́‑ɨ jee kuiyo‑o, soo retú ntu̱ví ñúnúunꞌ ni̱ꞌ rá ñɨvɨ, saájee ntu̱náꞌ tiñu kuitɨꞌ ni̱ꞌ.

1 Corintios 13:8

Jee ñɨvɨ ya̱ ñúnúunꞌ‑u táꞌán‑a, jee ni nsáꞌ ji̱nu ñúnúunꞌ‑u. Vitan jee nákani ñɨvɨ rá tu̱ꞌun kéne yuꞌú máá maá Ndiosíꞌ, soo kenta ki̱vɨ̱ꞌ ya̱ sijínu re̱ꞌ maa. Áxí jiáꞌa re̱ꞌ ta̱ꞌvi̱ꞌ ya̱ káꞌánꞌ ñɨvɨ inka nu̱u̱nꞌ rá tu̱ꞌun ya̱ ntu jiáku̱ꞌun iniꞌ ráa, soo kenta ya̱ xinɨ́ꞌɨ re̱ꞌ maa. Áxí jiáꞌa re̱ꞌ ta̱ꞌvi̱ꞌ nu̱u̱nꞌ ñɨvɨ ya̱ jíníꞌ va̱ꞌa víꞌí‑i jee xínéꞌénꞌ‑e vá, soo sijínu re̱ꞌ maa.

1 Corintios 14:26

Saájee ránoꞌó ñaniꞌ jín ku̱ꞌva, ¿ná kúvi ya̱ saꞌá‑ó? Sáá nútútú rán, jee ta ɨɨn rán kuvi saꞌá ɨɨn tiñu, ɨɨn kata yaaꞌ ííꞌ ya̱ káꞌánꞌ Tu̱ꞌun Ndiosíꞌ, áxí ɨɨn xinéꞌénꞌ‑e Tu̱ꞌun Ndiosíꞌ, áxí ɨɨn nakani‑i tu̱ꞌun ni̱stúvi Ndiosíꞌ nu̱u̱nꞌ‑u, áxí ɨɨn kaꞌanꞌ inka rá tu̱ꞌun ya̱ ntu jiáku̱ꞌun iniꞌ‑i, áxí ɨɨn nakachiꞌ‑i ná kuíni káchíꞌ rá tu̱ꞌun ya̱ káꞌánꞌ ñanitáꞌán vá. Soo íyó saꞌá rán ntáká rá tiñu yaꞌá sáva sikújia rán iniꞌ rá ñɨvɨ ya̱ yɨ́ꞌɨ́ nu̱u̱nꞌ Ndiosíꞌ sáá kueꞌnu ráa jín tu̱ꞌun re̱ꞌ.

1 Corintios 8:11

Jee sukuán sijíta nú ñanitáꞌán nú ya̱ táyáꞌ iniꞌ‑i jie̱ꞌe̱ꞌ ya̱ sáꞌá nú tiñu ya̱ jíníꞌ nú ya̱ íyó núne saꞌá nú maa. Jee kúvi‑i ñanitáꞌán‑ó jie̱ꞌe̱ꞌ ni̱ꞌi̱ꞌ Cristo.

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

2 Corintios 6:10

jín sáá kúkuéká iniꞌ ránꞌ, soo sukuáni íyó tu̱ꞌun kúsɨ́ɨꞌ iniꞌ ánímaꞌ ránꞌ, jín te̱e láꞌví kúvi ránꞌ, soo jiáꞌa ránꞌ nu̱u̱nꞌ kue̱ꞌe̱ꞌ ñɨvɨ ya̱ yɨ́yáꞌvi ka̱ꞌ ya̱ jiáꞌa Ndiosíꞌ, jín sáá ni ntu̱náꞌ kúmí ránꞌ, soo kúmí ránꞌ nɨꞌɨ ya̱ yɨ́yáꞌvi ka̱ꞌ ya̱ níꞌínꞌ ránꞌ nu̱u̱nꞌ Ndiosíꞌ.

2 Corintios 8:7

Jee sánikua̱ꞌ kua̱ꞌa̱nꞌ kéne rán ka̱ꞌ ichinúúnꞌ jín nta̱ká nu̱u̱nꞌ, na̱sa kúneí iniꞌ rán Cristo, jín na̱sa káꞌánꞌ rán tu̱ꞌun, jín na̱sa jíníꞌ víꞌí rán jie̱ꞌe̱ꞌ Ndiosíꞌ, jín na̱sa ñúkáñá iniꞌ rán chineí rán, jín na̱sa ñúnúunꞌ rán ránuꞌuꞌ. Jee suni sukuán kua̱ꞌa̱nꞌ kene rán ka̱ꞌ ichinúúnꞌ jín tiñu yaꞌá ya̱ koo ma̱ni̱ꞌ iniꞌ rán chineí rán rá láꞌví.

2 Corintios 9:11

Jee sáva ntáká nu̱u̱nꞌ sákúká re̱ꞌ ánímaꞌ ránoꞌó sáva koo ma̱ni̱ꞌ iniꞌ rán ku̱ꞌva víꞌí rán. Jee yaꞌá sáꞌá‑a ya̱ ku̱ꞌva ñɨvɨ ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ tiñu sáꞌá‑ó.

Efesios 1:17

Jíkánꞌ ni̱ꞌ nu̱u̱nꞌ Ndiosíꞌ ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo, jee kúvi re̱ꞌ Tátáꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ. Jíkánꞌ ni̱ꞌ nu̱u̱nꞌ re̱ꞌ sáva taji re̱ꞌ ya̱ ta̱nɨ̱ꞌ ka̱ꞌ xi̱ni̱ꞌ rán saꞌá Ta̱chi̱ꞌ Ííꞌ re̱ꞌ, jín ya̱ tɨɨn rán ya̱ naáꞌ ya̱ stúvi re̱ꞌ nu̱u̱nꞌ rán jie̱ꞌe̱ꞌ re̱ꞌ, sáva kuniꞌ rán ka̱ꞌ jie̱ꞌe̱ꞌ re̱ꞌ.

Efesios 2:7

Jee nsa̱ꞌá re̱ꞌ sukuán sáva stúvi nu̱u̱nꞌ rá ñɨvɨ tiempúꞌ kiji ichinúúnꞌ ka̱ꞌ ya̱ na̱ ka̱ꞌ ntántúníꞌ ka̱ꞌ íyó mániꞌ iniꞌ re̱ꞌ ya̱ ñúnkúún iniꞌ re̱ꞌ néꞌyá re̱ꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Efesios 6:19

Jee ka̱ka̱nꞌ táꞌvíꞌ rán jie̱ꞌe̱ꞌ nuꞌuꞌ, sáva taji ka̱ꞌ Ndiosíꞌ tu̱ꞌun nu̱u̱nꞌ ni̱ꞌ sáá kachiꞌ ni̱ꞌ, jee sáva nuneí ka̱ꞌ iniꞌ ni̱ꞌ kachitu̱ꞌún ni̱ꞌ nu̱u̱nꞌ rá ñɨvɨ tu̱ꞌun váꞌa jie̱ꞌe̱ꞌ Cristo ya̱ nyɨ̱yuꞌuꞌ nékúvi.

Filipenses 1:9

Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ saꞌ víꞌí káꞌ sáá kunu̱u̱nꞌ víꞌí rán ka̱ꞌ ñɨvɨ jín Ndiosíꞌ, jín ya̱ kujia víꞌí iniꞌ rán ka̱ꞌ, sáva kuniꞌ rán ka̱ꞌ tu̱ꞌun nááꞌ Ndiosíꞌ, jín sáva kuníchí xi̱ni̱ꞌ rán ka̱ꞌ jie̱ꞌe̱ꞌ ichi re̱ꞌ.

Colosenses 2:3

Chi iniꞌ Cristo ñúꞌún nta̱ká tu̱ꞌun yɨ́yáꞌvi ka̱ꞌ ya̱ kúvi tu̱ꞌun níchí Ndiosíꞌ, jín ya̱ kúvi kuniꞌ‑ó jie̱ꞌe̱ꞌ Ndiosíꞌ.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Santiago 3:13

¿Né ɨɨn ñɨvɨ vá níchí nteñu rán, jín ya̱ jiáku̱ꞌun víꞌí iniꞌ‑i? Íyó stúvi ñɨvɨ vá maa jie̱ꞌe̱ꞌ ya̱ jíka va̱ꞌa‑a jín rá tiñu váꞌa sáꞌá‑a ya̱ va̱ji ne̱ nu̱u̱nꞌ másúꞌ iniꞌ‑i jie̱ꞌe̱ꞌ ya̱ níchí‑i nu̱u̱nꞌ Ndiosíꞌ.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.