1 Corintios 1:14 - Mixteco del suroeste de Tlaxiaco Oaxaca

¹⁴ Jee jiáꞌa ni̱ꞌ ya̱ kútaꞌviꞌ nu̱u̱nꞌ Ndiosíꞌ ya̱ ni ɨɨn ránoꞌó ntu̱ví nsi̱kuánuté ni̱ꞌ, chisaꞌ kua̱chi Crispo jín Gayo ví ya̱ nsi̱kuánuté ni̱ꞌ,

1 Corintios 1:14 ပူးပေါင်းရင်းမြစ်များ

Hechos 18:8

Jee Crispo ví te̱e kúñáꞌnú sinagoga. Suvire̱ꞌ jín nɨꞌɨ táꞌán veꞌi re̱ꞌ nku̱neí iniꞌ ráa I̱toꞌoꞌ‑ó. Jee sáá nteso̱ꞌo kue̱ꞌe̱ꞌ ñɨvɨ ñuunꞌ Corinto tu̱ꞌun yaꞌá, jee ni̱nu̱ꞌ iniꞌ ráa jee ña̱nuté ráa.

Romanos 16:23

Jee Gayo, ya̱ táji re̱ꞌ veꞌi re̱ꞌ nééꞌ nuꞌuꞌ, Pablo, jee nɨꞌɨ rá ñɨvɨ kúneí iniꞌ ráa Cristo kútútú ráa veꞌi re̱ꞌ, jee tájí re̱ꞌ tu̱ꞌun jíkátu̱ꞌún re̱ꞌ nu̱u̱nꞌ rán. Jee Erasto, ya̱ kúvi te̱e tɨ́ɨn xu̱ꞌún ñuunꞌ yaꞌá, jín ñanitáꞌán‑ó Cuarto tájí ráa tu̱ꞌun jíkátu̱ꞌún ráa nu̱u̱nꞌ ránoꞌó.

1 Tesalonicenses 5:18

Ntáká jie̱ꞌe̱ꞌ kúvi, ku̱ꞌva rán ya̱ kútaꞌviꞌ nu̱u̱nꞌ Ndiosíꞌ, chi sukuán kuíni re̱ꞌ saꞌá rán, ya̱ yɨ́ꞌɨ́ rán nu̱u̱nꞌ Cristo Jesús.

Colosenses 3:17

Jee néni ɨɨn tu̱ꞌun káꞌánꞌ rán, áxí néni ɨɨn tiñu ya̱ sáꞌá rán, jee saꞌá va̱ꞌa rán nɨꞌɨ nu̱u̱nꞌ súví I̱toꞌoꞌ‑ó Jesús. Jee ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ya̱ nsa̱ꞌá Cristo jie̱ꞌe̱ꞌ ránoꞌó.

Colosenses 3:15

Jee ku̱ꞌva rán ya̱ tatúníꞌ Cristo iniꞌ ánímaꞌ rán sáva kuneeꞌ ñunkúún rán jín ɨɨn inka rán. Chi nkana Ndiosíꞌ ránoꞌó sáva koo rán suꞌva, sáva ɨɨn nuún koo iniꞌ rán, kuéntáꞌ ɨɨn ni yɨkɨkúñu kúvi rán. Jee koo ya̱ kútaꞌviꞌ rán nu̱u̱nꞌ Ndiosíꞌ.

Efesios 5:20

Jee nu̱u̱nꞌ súví I̱toꞌoꞌ‑ó Jesús ya̱ kúvi Cristo, sukuáni íyó ku̱ꞌva rán ya̱ kútaꞌviꞌ rán nu̱u̱nꞌ Tátáꞌ‑ó Ndiosíꞌ, jie̱ꞌe̱ꞌ ntáká na̱janu̱u̱nꞌ.

2 Corintios 2:14

Soo kútaꞌviꞌ ni̱ꞌ nu̱u̱nꞌ Ndiosíꞌ, chi suvire̱ꞌ vá sukuáni náka re̱ꞌ ránuꞌuꞌ sáva stúvi re̱ꞌ ya̱ kúneí re̱ꞌ si̱kɨ̱ꞌ nɨꞌɨ jie̱ꞌe̱ꞌ ya̱ nsa̱ꞌá re̱ꞌ jín ránuꞌuꞌ, kuéntáꞌ ɨɨn desfile stúvi‑i ya̱ nku̱neí ɨɨn general sáá nka̱ntáꞌán re̱ꞌ. Náka Ndiosíꞌ ránuꞌuꞌ sukuán jie̱ꞌe̱ꞌ yɨ́ꞌɨ́ ránꞌ nu̱u̱nꞌ Cristo. Jee jiátíñú re̱ꞌ ránuꞌuꞌ sáva sikúténuun ránꞌ tu̱ꞌun váꞌa Cristo nta̱ká ichi, sáva kuvi kuniꞌ rá ñɨvɨ iniꞌ re̱ꞌ, kuéntáꞌ kua̱ꞌ jiéténuun xikoꞌ jiávi̱xi̱ꞌ.

1 Corintios 14:18

Jee nuꞌuꞌ chi, jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ya̱ káꞌánꞌ ni̱ꞌ inka nu̱u̱nꞌ tu̱ꞌun ntu jiáku̱ꞌun iniꞌ ni̱ꞌ kue̱ꞌe̱ꞌ ka̱ꞌ nsú ka̱ꞌ ránoꞌó.

1 Corintios 1:4

Sukuáni jiáꞌa ni̱ꞌ ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, chi ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee ntaji re̱ꞌ ya̱ váꞌa nu̱u̱nꞌ ránoꞌó jie̱ꞌe̱ꞌ yɨ́ꞌɨ́ rán nu̱u̱nꞌ Cristo Jesús,

Filemón 1:4

Sáá káꞌánꞌ ni̱ꞌ jín Ndiosíꞌ jee káꞌánꞌ ni̱ꞌ jie̱ꞌe̱ꞌ noꞌó jee sukuáni jiáꞌa ni̱ꞌ ya̱ kútaꞌviꞌ ni̱ꞌ nu̱u̱nꞌ Ndiosíꞌ ni̱ꞌ,

1 Timoteo 1:12

Jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ I̱toꞌoꞌ‑ó Cristo Jesús, ya̱ chíneí chítuvi re̱ꞌ nuꞌuꞌ. Jee jiáꞌa ni̱ꞌ, ya̱ kútaꞌviꞌ ni̱ꞌ nu̱u̱nꞌ re̱ꞌ, chi nku̱neí iniꞌ re̱ꞌ ya̱ síkúnkuvi ni̱ꞌ nta̱ká tiñu, ya̱ tátúníꞌ re̱ꞌ nu̱u̱nꞌ nuꞌuꞌ, jee ñani re̱ꞌ nuꞌuꞌ saꞌá ni̱ꞌ tiñu yaꞌá.

Hechos 10:48

I̱ña̱jée nta̱túníꞌ re̱ꞌ ya̱ kuanuté ráa sáva stúvi ráa nu̱u̱nꞌ nɨꞌɨ, ya̱ kúneí iniꞌ ráa Jesús ya̱ kúvi Cristo. Jee ni̱ka̱nꞌ ráa ya̱ kino̱o Pedro jín ráa kéꞌín ki̱vɨ̱ꞌ.

1 Corintios 1:15

sáva ni ɨɨn rán ntu kachiꞌ ya̱ ña̱nuté nu̱u̱nꞌ súví ni̱ꞌ sáva stúvi ya̱ yɨ́ꞌɨ́ rán nu̱u̱nꞌ ni̱ꞌ sáá ña̱nuté rán.