1 Corintios 1:13 - Mixteco del suroeste de Tlaxiaco Oaxaca

¹³ ¿Á nku̱sáva Cristo rúja? ¿Á nuꞌuꞌ Pablo ni̱ꞌi̱ꞌ ni̱ꞌ nu̱u̱nꞌ kurúsiꞌ jie̱ꞌe̱ꞌ ránoꞌó rúja? Áxí, ¿á ña̱nuté ránoꞌó nu̱u̱nꞌ súví nuꞌuꞌ sáva stúvi ya̱ yɨ́ꞌɨ́ rán xi̱ntíín ni̱ꞌ rúja? ¡Ntu̱ví!

1 Corintios 1:13 ပူးပေါင်းရင်းမြစ်များ

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Mateo 3:6

Jee sáá néne yuꞌú ráa kua̱chi ráa nu̱u̱nꞌ Ndiosíꞌ, jee síkuánuté Juan ráa nu̱u̱nꞌ ntekáꞌnú Jordán.

Hechos 10:48

I̱ña̱jée nta̱túníꞌ re̱ꞌ ya̱ kuanuté ráa sáva stúvi ráa nu̱u̱nꞌ nɨꞌɨ, ya̱ kúneí iniꞌ ráa Jesús ya̱ kúvi Cristo. Jee ni̱ka̱nꞌ ráa ya̱ kino̱o Pedro jín ráa kéꞌín ki̱vɨ̱ꞌ.

Hechos 19:5

Sáá nteso̱ꞌo ráa yaꞌá, jee ña̱nuté ráa, sáva stúvi ráa ya̱ kúneí iniꞌ ráa I̱toꞌoꞌ‑ó Jesús.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Hechos 8:16

Chi ntiáꞌan ki̱vɨ re̱ꞌ iniꞌ ni ɨɨn ráa. Chisaꞌ kua̱chi ña̱nuté ráa sáva stúvi ráa ya̱ ya nki̱vɨ ráa nu̱u̱nꞌ I̱toꞌoꞌ‑ó Jesús.

Romanos 14:9

Chi jie̱ꞌe̱ꞌ yukuán kúvi ya̱ níꞌiꞌ Cristo jee nna̱tekuꞌ i̱i̱ꞌ‑i, sáva kúvi‑i I̱toꞌoꞌ nu̱u̱nꞌ rá ñɨvɨ níꞌiꞌ jín nu̱u̱nꞌ rá ñɨvɨ tékúꞌ.

1 Corintios 1:15

sáva ni ɨɨn rán ntu kachiꞌ ya̱ ña̱nuté nu̱u̱nꞌ súví ni̱ꞌ sáva stúvi ya̱ yɨ́ꞌɨ́ rán nu̱u̱nꞌ ni̱ꞌ sáá ña̱nuté rán.

1 Corintios 10:2

Jee sukuán nchiꞌi ráa maáráa xi̱ntíín Moisés, kuéntáꞌ ña̱nuté ráa, chi nnikɨnꞌ ráa re̱ꞌ chi̱ji vi̱ko̱ꞌ, jín ya̱ njiáꞌa ráa jín re̱ꞌ ma̱ꞌñú nteñúꞌún.

2 Corintios 11:4

Chi ntɨɨn ránú Jesús jín Ta̱chi̱ꞌ Ííꞌ Ndiosíꞌ jín tu̱ꞌun váꞌa jie̱ꞌe̱ꞌ Jesús. Soo va̱ꞌa yɨ́netuꞌ rán, retú kenta ɨɨn ñɨvɨ jee sɨ́ɨ́n stékútu̱ꞌún‑u jie̱ꞌe̱ꞌ Jesús ya̱ nsú tu̱ꞌun na̱a̱ꞌ ya̱ nstékútu̱ꞌún ráníꞌ jie̱ꞌe̱ꞌ re̱ꞌ, áxí tɨɨn rán ɨɨn ta̱chi̱ꞌ ya̱ sɨ́ɨ́n kúvi‑i ya̱ nsú Ta̱chi̱ꞌ Ííꞌ Ndiosíꞌ ya̱ ya ntɨɨn rán, áxí tɨɨn rán ɨɨn tu̱ꞌun ya̱ sɨ́ɨ́n íyó ya̱ nsú tu̱ꞌun na̱a̱ꞌ váꞌa jie̱ꞌe̱ꞌ Jesús ya̱ ya ntɨɨn rán.

Gálatas 1:7

Soo ntu̱ví inka tu̱ꞌun váꞌa ya̱ síkáku‑u yó, naní evangelio. Chisaꞌ kua̱chi íyó ya̱ sava ñɨvɨ stáña̱ꞌán ránoꞌó, jee kuíni ráa sama ráa tu̱ꞌun váꞌa jie̱ꞌe̱ꞌ Cristo.

Efesios 4:5

Chi métúꞌún ni I̱toꞌoꞌ‑ó íyó, jee ɨɨn nuún kúneí iniꞌ ntáká‑ó métúꞌún Tu̱ꞌun Ndiosíꞌ ni, jee ɨɨn nuún jiánuté nta̱ká‑ó ya̱ stúvi ya̱ yɨ́ꞌɨ́‑ó nu̱u̱nꞌ métúꞌún Ndiosíꞌ ni.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.