1 Corintios 1:10 - Mixteco del suroeste de Tlaxiaco Oaxaca

¹⁰ Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.

1 Corintios 1:10 ပူးပေါင်းရင်းမြစ်များ

Mateo 9:16

’Ni ɨɨn ñɨvɨ ntu náchuꞌun kúté saꞌma jiáá ya̱ ntiáꞌan naniyɨ nu̱u̱nꞌ ɨɨn saꞌma túꞌú ntéꞌneꞌ nakoto‑o vá, chi naniyɨ saꞌma jiáá vá, jee natá‑a ka̱ꞌ jee kukáꞌnú ka̱ꞌ nu̱u̱nꞌ téꞌnéꞌ saꞌma túꞌú vá.

Marcos 2:21

Ni ɨɨn ñɨvɨ ntu náchuꞌun kúté saꞌma jiáá ya̱ ntiáꞌan naniyɨ nu̱u̱nꞌ ɨɨn saꞌma túꞌú ntéꞌneꞌ nakoto‑o vá. Chi naniyɨ saꞌma jiáá vá jee nátáꞌ‑a ka̱ꞌ vá, jee kukáꞌnú ka̱ꞌ nu̱u̱nꞌ téꞌné saꞌma túꞌú vá.

Marcos 3:24

Retú rá ñɨvɨ ɨɨn nación sáꞌá sɨ́ɨ́n ráa maáráa jee kenta si̱kɨ̱ꞌ táꞌán ráa, jee nku̱níꞌin nación vá.

Juan 10:19

Jee tukuni sɨ́ɨ́n sɨ́ɨ́n íñɨ́ ɨɨn inka rá te̱e kúñáꞌnú nu̱u̱nꞌ Israel jie̱ꞌe̱ꞌ rá tu̱ꞌun yaꞌá ya̱ nkachiꞌ Jesús.

Juan 17:23

Nuꞌuꞌ, jee yɨ́ꞌɨ́ ni̱ꞌ iniꞌ ráa, jee noꞌó, yɨ́ꞌɨ́ nú iniꞌ nuꞌuꞌ, sáva kenta kuna̱a̱ꞌ nuún koo iniꞌ ráa, sáva kuniꞌ rá ñɨvɨ ñɨ̱vɨ́ ya̱ maánú nchu̱ichí nú nuꞌuꞌ, jín ya̱ ñúnúunꞌ nú ráa kuéntáꞌ ñúnúunꞌ nú nuꞌuꞌ.

Juan 7:43

Jee sɨ́ɨ́n sɨ́ɨ́n íñɨ́ ɨɨn inka ráa jie̱ꞌe̱ꞌ Jesús.

Juan 9:16

Saájee sava rá te̱e fariseo vá nkachiꞌ: ―Te̱e vá nsú ne̱ nu̱u̱nꞌ Ndiosíꞌ va̱ji re̱ꞌ, chi ntu̱ví néñu̱ꞌun re̱ꞌ ki̱vɨ̱ꞌ nájiáví. Jee sava rá inka ka̱ꞌ nkachiꞌ: ―¿Na̱sa kúvi saꞌá te̱e íyó kua̱chi seña a̱nasɨ́ ííꞌ suꞌva rúja? ―nkachiꞌ ráa. Jee sɨ́ɨ́n sɨ́ɨ́n jiáni iniꞌ ɨɨn inka ráa jie̱ꞌe̱ꞌ Jesús.

Hechos 4:32

Jee rá ñɨvɨ kue̱ꞌe̱ꞌ ya̱ kúneí iniꞌ ráa Jesús, jee nuún ánímaꞌ ráa jee nuún ñúꞌún iniꞌ ráa. Ni ɨɨn ráa ntu káchíꞌ ya̱ kua̱chi maáréꞌ ví i̱toꞌoꞌ xí na̱ni nantíñú re̱ꞌ. Chi nñu̱ꞌun iniꞌ ráa ya̱ nɨꞌɨ nantíñú ráa kúvi nantíñú nkáꞌnú ráa.

Romanos 1:13

Soo, ránoꞌó ñanitáꞌán ni̱ꞌ, kuíni ni̱ꞌ ya̱ kúkáꞌnú iniꞌ rán ya̱ kue̱ꞌe̱ꞌ íchí nñu̱ꞌun iniꞌ ni̱ꞌ kua̱jiane̱ꞌyá ni̱ꞌ ránoꞌó, soo ne̱ vitan íyó ya̱ chítuvi‑i nu̱u̱nꞌ nuꞌuꞌ. Kuíni ni̱ꞌ kua̱jiane̱ꞌyá ni̱ꞌ ránoꞌó sáva taji ni̱ꞌ Tu̱ꞌun Ndiosíꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ re̱ꞌ tiñu iniꞌ ánímaꞌ rán, kuéntáꞌ nsa̱ꞌá ni̱ꞌ nteñu rá ñɨvɨ rá inka nación.

Romanos 12:1

Saáva, ránoꞌó ñanitáꞌán ni̱ꞌ, jie̱ꞌe̱ꞌ ya̱ nníꞌinꞌ yó ya̱ náꞌví iniꞌ Ndiosíꞌ yó, jee saáva náxinániꞌvɨꞌ ni̱ꞌ iniꞌ rán ya̱ nasokoꞌ tékúꞌ rán maárán nu̱u̱nꞌ Ndiosíꞌ sáva kɨtíñú rán nu̱u̱nꞌ re̱ꞌ ya̱ kusɨ́ɨ́n rán kene rán nu̱u̱nꞌ ya̱ niváꞌa, jín ya̱ kueꞌnu rán sáni kúváꞌa iniꞌ re̱ꞌ néꞌyá re̱ꞌ maa. Yukuán kúvi nijia ya̱ néñu̱ꞌun rán re̱ꞌ jín ánímaꞌ rán.

Romanos 12:16

Jee nuún koo iniꞌ ɨɨn inka rán jín táꞌán rán, jee koto sáꞌá téyɨ́ɨ́ rán maárán, chisaꞌ ɨɨn nuún saꞌá rán maárán jín rá ñɨvɨ láꞌví jee ɨɨn nuún nutútú rán jín ráa. Jee koto kúkaꞌvi iniꞌ rán ya̱ tu̱ꞌva víꞌí rán ka̱ꞌ nsú káꞌ rá ñanitáꞌán rán.

Romanos 15:30

Jee ntañúꞌún ránoꞌó ñanitáꞌán ni̱ꞌ, jie̱ꞌe̱ꞌ yɨ́tíñú‑ó nu̱u̱nꞌ I̱toꞌoꞌ‑ó Jesús ya̱ kúvi Cristo, jín jie̱ꞌe̱ꞌ ya̱ ñúnúunꞌ‑ó ɨɨn inka‑ó sáꞌá Ta̱chi̱ꞌ Ííꞌ re̱ꞌ, saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ chineí chituvi rán nuꞌuꞌ ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ nuꞌuꞌ,

Romanos 16:17

Jee ránoꞌó ñanitáꞌán ni̱ꞌ, jíkánꞌ táꞌvíꞌ ni̱ꞌ ya̱ nito koo rán maárán nu̱u̱nꞌ rá ñɨvɨ ya̱ sáꞌá ráa ya̱ kusɨ́ɨ́n rá táꞌán‑ó jín xíkíninkava ráa táꞌán‑ó jín tu̱ꞌun ya̱ ntu kétáꞌán jín tu̱ꞌun ya̱ ya nku̱tu̱ꞌva rán. Jee kuiyo rán nu̱u̱nꞌ ráa.

1 Corintios 1:11

Jee káchíꞌ ni̱ꞌ rá yaꞌá nu̱u̱nꞌ ránoꞌó ñanitáꞌán maáníꞌ, chi rá ñɨvɨ táꞌán veꞌi Cloé nsi̱kúkáꞌnú ráa iniꞌ ni̱ꞌ ya̱ íyó tuntíxín nteñu ránoꞌó.

1 Corintios 11:18

Chi xíꞌnañúꞌún ka̱ꞌ kachiꞌ ni̱ꞌ rá tu̱ꞌun sukuán jín rán, chi tésóꞌo ni̱ꞌ tu̱ꞌun ya̱ sáá nútútú rán, jee sáꞌá sɨ́ɨ́n rán maárán nteñu rá táꞌán rán. Jee sava tu̱ꞌun vá ínúꞌ iniꞌ ni̱ꞌ.

1 Corintios 12:25

Jee sukuán nsa̱ꞌá Ndiosíꞌ sáva ntu kusɨ́ɨ́n rá pedasúꞌ yɨkɨkúñu, chisaꞌ sáva íyó chineí táꞌán ráa.

1 Corintios 3:3

chi jiáꞌnu i̱i̱ꞌ ránú sáni níyo iniꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Ndiosíꞌ, chi íyó rán jín tu̱ꞌun kuíñɨ́ iniꞌ, jín tu̱ꞌun tuntíxín, [jee tásáva rán kúsɨ́ɨ́n rán nu̱u̱nꞌ táꞌán rán]. Jee saáva, ¿á nsáꞌ kúvi rán kuéntáꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ jee jiáꞌnu rán sáni níyo iniꞌ rá ñɨvɨ ñɨ̱vɨ́ rúja?

1 Corintios 4:16

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ kunikɨnꞌ rán kueꞌnu rán ichi kuéntáꞌ jiáꞌnu nuꞌuꞌ.

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

2 Corintios 13:9

Chi kúsɨ́ɨꞌ iniꞌ ánímaꞌ ránꞌ sáá táyáꞌ iniꞌ ráníꞌ jee ránoꞌó íyó fuersáꞌ ránú ya̱ kúneí iniꞌ rán Cristo. Jee suni sukuán jíkánꞌ táꞌvíꞌ ránꞌ yaꞌá nu̱u̱nꞌ Ndiosíꞌ sáva kenta kujia ránú kuneí noo iniꞌ rán Cristo.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Gálatas 4:12

Jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ, ya̱ koo rán kuéntáꞌ maáníꞌ ya̱ nxi̱nóo ni̱ꞌ rá costumbre ley Moisés. Chi maáníꞌ nkenta kúvi ni̱ꞌ kuéntáꞌ ránoꞌó ya̱ ntu yɨ́ꞌɨ́ rán chi̱ji ley. Ntu̱náꞌ nsáꞌá kini rán nuꞌuꞌ.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

Filipenses 3:16

Soo kani iniꞌ‑ó jee kaka na̱a̱ꞌ‑ó sánikua̱ꞌ ya̱ nijia iniꞌ‑o.

1 Tesalonicenses 5:13

Jee íyó saꞌá ñáꞌnú víꞌí rán nu̱u̱nꞌ ráa jee íyó kunu̱u̱nꞌ rán ráa jie̱ꞌe̱ꞌ tiñu sáꞌá ráa. Jee ñunkúún kuneeꞌ ɨɨn inka rán.

2 Tesalonicenses 2:1

Ntañúꞌún káꞌánꞌ ránꞌ jie̱ꞌe̱ꞌ ya̱ niji I̱toꞌoꞌ‑ó Jesús ya̱ kúvi Cristo jín jie̱ꞌe̱ꞌ ya̱ nastútú re̱ꞌ yó jín re̱ꞌ. Ránoꞌó, ñanitáꞌán, jíkánꞌ ránꞌ ya̱

1 Timoteo 5:21

Ichinúúnꞌ Ndiosíꞌ, jín Cristo Jesús, jín rá najiáꞌáꞌ ííꞌ Ndiosíꞌ ya̱ nka̱ji re̱ꞌ ráa, tétuvi ni̱ꞌin ni̱ꞌ noꞌó, ya̱ sikúnkuvi nú tu̱ꞌun yaꞌá, jee koto jiáni ya̱chi̱ꞌ iniꞌ nú. Koto sáꞌá nú kuéntáꞌ né ɨɨn kúvi ñɨvɨ, sáá saꞌá nú maa, chisaꞌ ɨɨn nuún ni koo ñɨvɨ nu̱u̱nꞌ nú.

2 Timoteo 4:1

Tétíñú ni̱ꞌin ni̱ꞌ nu̱u̱nꞌ noꞌó ichinúúnꞌ Ndiosíꞌ jín Cristo Jesús, ya̱ keꞌneꞌ re̱ꞌ kua̱chi rá ñɨvɨ tékúꞌ jín rá níꞌiꞌ, jín ya̱ nenta re̱ꞌ ñɨ̱vɨ́ yaꞌá, sáva tatúníꞌ re̱ꞌ nu̱u̱nꞌ nɨꞌɨ.

1 Pedro 2:11

Ránoꞌó ñanitáꞌán ya̱ ñúnúunꞌ ni̱ꞌ, náxiníꞌvɨ́ꞌ ni̱ꞌ iniꞌ rán ya̱ koo rán kuéntáꞌ kua̱ꞌ retánꞌ kúvi rán to̱ꞌo̱ꞌ inka ñuunꞌ ya̱ váji íká rán jee ntu jiáꞌnu rán kuéntáꞌ jiáꞌnu rá ñɨvɨ ñɨ̱vɨ́ yaꞌá, jee saáva chusává rán rá tiñu ya̱ níyo iniꞌ rán saꞌá rán ya̱ ntu yɨ́ꞌɨ́ xi̱ntíín Ndiosíꞌ chi súkúta̱ꞌán‑a jín ánímaꞌ rán.

1 Pedro 5:10

Jee máá Ndiosíꞌ ya̱ nta̱ká íchí íyó mániꞌ nasɨ́kuitɨꞌ iniꞌ re̱ꞌ néꞌyá re̱ꞌ yó, ya̱ maáréꞌ nkana re̱ꞌ yó sáva viiꞌ kuñáꞌnú‑ó jín Cristo nɨ́ɨ́nkání jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo. Sáá jiáꞌa ya̱ kunoꞌo rán yakuꞌ ni̱ꞌ tiempúꞌ, soo máá Ndiosíꞌ saꞌá ya̱ kujia na̱a̱ꞌ va̱ꞌa iniꞌ rán nu̱u̱nꞌ tu̱ꞌun re̱ꞌ, jín ya̱ kuiñɨ ni̱ꞌin rán, jín ya̱ nachuneí re̱ꞌ iniꞌ ránoꞌó, jín ya̱ kukutú rán nu̱u̱nꞌ tu̱ꞌun re̱ꞌ.