Lau Ae Pol Paꞌe Ta Re Ngae Rom 9:6 - Mengen

⁶ Ava ita sana ngaka role roma, Nutu ke sane loakurumea patongkalangana te sisiukerea memena. Ke sa. Ta ka sana Israel sivuna memena kinung ka ri ra Israel sivuna memena mannangana.

Lau Ae Pol Paꞌe Ta Re Ngae Rom 9:6 ပူးပေါင်းရင်းမြစ်များ

Matiu 24:35

Tava ba mogalo keke la ronga, ava pangamologa ra kanau ke sane ke la ronga.

Pangamologa E Pe Ae Ion Paꞌe 1:47

Ka inae Iesus kele Nataniel ine tatu te i, na ke role roma, “Ngaka kele. Israel te mannangana ora sana otte a goanga momo nge i.”

Pangamologa E Pe Ae Ion Paꞌe 10:35

Nga pangamologa laeala Nutu ke patoe ragau reke rave pangamologa a kanna ka ‘nutume’ (ba pangamologa reke momo nga Lau Ae Nutu Kanna ka sana nga inte ngeke osurure).

Lau Ae Pol Paꞌe Ta Re Ngae Rom 3:3

Ke meimia, ka inae Iura palu ka loreakalasa, na loreakalasangana laeala nge bai kae Nutu ta i sane nge loakurumea pangamologa a kanna ae?

Lau Ae Pol Paꞌe Ta Re Ngae Rom 9:4

Ka ri ra sisiukamangng ae Israel sivuna memena bae Nutu ke pato rea ka goe rae i. Ba pala na i ke pakosining ka olamana e toakala ae i te ri. Ba ke kuma ka piunga ba bongame kala nge ri, ba ke tunge Bangapaga ra kanna te ri. Ba i ke palomatana rea ka bainga re nga kumangng ka kumangng a kanna nga tempel, ba ke role kerea ka oru papatu ra i bai ta kumangng ki nge ri.

Galesia 6:16

Ba momongpengana ba lonana ae Nutu ke la momongpai nga ragau reke tataokurumea lomatana laeala. Ke la momongpai nga ragau rae Nutu onra ri ra ragau re ngae Israel mannangana.

Pilipai 3:3

Iau ka role minmina kurumea, ri ka loreangana roma, ka ri ra ragau rae Nutu kurumea loangakurume ngareangana ka bainga e nga totongtaliu. Ava ke sa. Ka ita ra ragau rae Nutu mannangana onreke kalapagpage Nutu kae Kannu ae Nutu. Ba lopatokona ae ita ka puna nge Karais Iesus. Ka sana puna nga killa a ita ka kuma kia nga mirara.

2 Timoti 2:13

Ngaroma ita ngaka patokala ta loangakurumea ava ita ka sana ka kuma kurumea pangamologa laeala ae ita, na i ke sane la baling ka gina ta patongkala ra i role rea pala. Ke sa. I ke la kumangng kurume rea tale, ta i ke kumkuma kurumea pangamologa ra kanna mannangana.