Lau Ae Pol Paꞌe Ta Re Ngae Rom 10:16 - Mengen

¹⁶ Avae iau ae Pol nga ale balinglaga nginngina roma, ragau keke loa ta pulingmalagange pangamologa e te Karais ta re ngae Israel, ava papatu nge ri ke sane ke ngatakale pangamologa laeala e pe. Ollaeala ke loakurumea pangamologa a Aisaia rolea pala roma, “Nutu one ae Avolau, ka sana agau te lonapatokona ta pangamologa a mangng pulimalage?”

Lau Ae Pol Paꞌe Ta Re Ngae Rom 10:16 ပူးပေါင်းရင်းမြစ်များ

Matiu 13:14

Minmina na pangamologa a agau e toe Nutu kaona ae Aisaia rolea pala ke lele mannangana ine rolea Nutu pangamologangana te ri roma: “‘Miau ngaka longlongo ta ngaka longlongo, ava sana la lomiaumatana; ba ngaka kelkela ta ngaka kelkela, ava ka sana ka la kelangapatokona.

Pangamologa E Pe Ae Ion Paꞌe 10:26

Ava miau ka sana lomiaupatokona te iau kurumea, ka sana miau ra sipsip rae iau.

Aposelme 28:24

Na palu nge ri keke ravumasia Pol pangamologangana, ava pattoto ka sana loreapatokona.

Lau Ae Pol Paꞌe Ta Re Ngae Rom 1:5

Ba ngallo nge Karais, Nutu ke tungumane lopengana ae i ba gingginga te mangng ta mangng leleng ra aposel. I ke kuma minmina ta baina mangng nga kinpataea Iesus giana ka ina mangng nga kiue ragau reke momo ngaliua nga ra sana ri ra Iura nga iname kinung ta ri ngeke longo te Nutu ba nga loreapatokona te Iesus.

Lau Ae Pol Paꞌe Ta Re Ngae Rom 11:17

Ka kaomanna, Nutu ke kamokole bega ae i a i a marana kamana palume. Ngarume na i ke ravu miau ra miau raka basema bega ora pinolo kamana, na ke pavulopita miau ngaliua nga bega a marana kamaname. Na kaka momo nga bega kaina laeala a marana kala nga kamaname. Ba miau kala nge ri kaka rarave oru reke pepe raumana nga bega kulana ine pasisiue kamaname.

Lau Ae Pol Paꞌe Ta Re Ngae Rom 16:26

ava sonrau na i ke papote. Ba pangamologa ra ragau reke toe Nutu kaona ke pa rea pala nga Lau Ae Nutu Kanna keke pulimalagapaꞌe nga karakarangana kurumea Nutu a momongana a sana lisina bangapagangana, ta baina ragau re nga magame kinung nga loreapatokona te Nutu, ba ngeke longo te i.

Lau Ae Pol Paꞌe Ta Re Ngae Rom 2:8

Ava i ke la kengalinge sianalalingana ba iukiangana nga ragau reke sissilia pamaume ta pangavolaunge ri muni giareame beke longosasa ta pangamologa a kaomannmannangana kia. Keke longlongo ta bainga re sane ke tupu nge Nutu raguna.

Lau Ae Pol Paꞌe Ta Re Ngae Rom 3:3

Ke meimia, ka inae Iura palu ka loreakalasa, na loreakalasangana laeala nge bai kae Nutu ta i sane nge loakurumea pangamologa a kanna ae?

Lau Ae Pol Paꞌe Ta Re Ngae Rom 6:17

Avae mangng ka lomangngpe kae Nutu kurumea, pala, na ka miau ra kumangngatulu nga bainga e nga bainge bainga reke sosoali nge Nutu raguna, ava sonrau na miau kaka pulia lomiaume mannangana ta longnga ta pangalomatana laeala a miau ka rave.

Galesia 3:1

Miau re ngae Galesia, ka miau ra ragau ra ramareasa. Mangng ka turulomatana te miau ta oru rae Iesus Karais kuma ki ka matengana nga maiskovu, ba mangng ka pulia oru nginngina kinung nga karakarangana. Ava ke kela basema agau te ke patugutao miau ba ke pataopa miau.

Galesia 5:7

Pala na miau kaka pirpira masi, ava tai ke bokala miau ta manemiausa longa ta pangamologa e te Karais ora kaomannmannangana kia?

2 Tesalonaika 1:8

Na ke la tungnge alanga e soali ta ragau ra sana loreamatana kae Nutu ba ragau re sane ke longo ta pangamologa e pe ae Iesus A Avolaukita.

Iburume 11:8

Ba pala, ka inae Nutu kiue Abaram, nae Abaram ka lonapatokona te i. Minmina na i ke longo te i, ba ke loa ta ina e ngatauga orae Nutu bai ta tunge te i. I ka sana lonamatana ka inaeala, ava ke longomana te Nutu na ke loa.

Iburume 4:2

Iau ka role minmina kurumea, ragau keke pulimalage pangamologa e pe te ita basema ragau re pala ineke pulimalage ta sisiukita memena nginngina. Ava pangamologa laeala a ri ke longe ke sane kalau rea kurumea, ri ka sana loreapatokona te.

Iburume 5:9

Minmina na, ka ine rongotapu ka kumangng ae Nutu tunge te i, na i ke rave malle e nga ravunglelenge ragau ta baina i nge ravulelea ragau kinung reke longlongo te i ta ri momongpenga passavele.

1 Pita 1:22

Ba sonrau na miau kaka palellepa miau ka longamiaungana ta pangamologa e te Karais ora kaomannmannangana kia. Kaka kuma minmina ta baina miau ngaka materaumane ra lopatokonakana pattoto ka mateng ora kaomannmannangana kia. Minmina na miau ngaka palimateraumana miau ka lomiaume mannangana.

1 Pita 2:8

Ba pangamologa tetoto ke role bole roma, “Ka i a lollo ore bavai ka ragau ta ri tagange kaerea, ba lollo puna ore bavai kerea ta ri sanangkalange.” Ba iau ae Pita ka la roleng kamiau roma, ragau keke tage kaerea nga lollo laeala kurumea, ri ka sana omorea ta longa ta pangamologa e te Karais ora ragau ke pulimalage te ri. Bae Nutu ke puli rea ta ri nga omoreasa ta longa ta pangamologa laeala bole.

1 Pita 3:1

Ba miau ra rapanung nareapengana memena nga tongamiau kena ma ragau nginngina ra kumangngatulu reke ulopisigia ri muni ngape nga ravollalaukerea memena, na ngaka ulopisigi miau muni ngape nga nemiautale memena. Ngaka kuma minmina ta baina, ngaroma palu nge ri sane nge longlongo ta pangamologa ae Nutu kanna, na nareapengana memena baingarea reke pepe ngeke utu rea ta ri nga loreapatokona bole. Ba ollaeala sane la loangakurumea longareangana ka nareapengana memena pangamologangarea ava,