Pangapota 7:16 - Mengen

¹⁶ Ba ka sana la matengkarea kaning muni, ba ka sana la matengkarea me muni bole. Ba kae ke sane la sinangapita rea, ba kae mammangana ke sane la pangamamma rea bole.

Pangapota 7:16 ပူးပေါင်းရင်းမြစ်များ

Matiu 13:21

Ava i ke kamopite ka panna inte mana kurumea, i ka tongana kena ma pailli ra kulareame ke sane ke sigilu lakallo ta mogalo. Ba ka ina maenangme ke lele o ka ina ragau ke pamiralalia kurumea lonapatokonangana ta pangamologa ae Nutu kanna, na i ke kaꞌe lopatokona ae i bolvole mana.

Matiu 13:6

Ava ka ina kae loapatae, na i ke sina rea na keke mate kurumea, kulareame ke sane ke sigilu lakallo ta mogalo.

Matiu 5:6

Ragau ra mate karea bainga reke tupu nge Nutu raguna nga loreasereng, ta Nutu ke la pangaponu rea.

Pangamologa E Pe Ae Mak Paꞌe 4:17

Ava ri ka tongarea kena ma bega onra kulareame ke sane ke sigilu lakallo ta mogalo. Keke momo ka panna inte mana. Ba nga ine ngeke kanimaia maenangme o ragau ngeke pamiralali rea kurumea loangakurume ngareangana ka pangamologa ae Nutu kanna, na keke kaꞌe lopatokona ae ri bolvole.

Pangamologa E Pe Ae Mak Paꞌe 4:6

Ava ka ina kae loapatae, na i ke sina rea na keke mate kurumea, kulareame ke sane ke sigilu lakallo ta mogalo.

Pangamologa E Pe Ae Luk Paꞌe 1:53

I ke paponue ragau ra matekarea siareame ka oru reke pepe, ba ragau ra kilipukana ke ba ala rea ka kamareame mana;

Pangamologa E Pe Ae Luk Paꞌe 6:21

Miau ra mate kamiau sonrau nga lomiausereng, ta ngarume nae Nutu ke la pangaponu miau. Miau raka tantani sonrau nga lomiausereng, ta ngarume na miau kaka la mangaliling.

Pangamologa E Pe Ae Ion Paꞌe 4:14

Ava agau e innue me a iau la tungnge te i ka sana la matengkana me muni. Ke sa. Me a iau la tungnge te i ke la leleng ngallo nge i ma me e pollolomalaga ta i a mauling e momo passavele.”

Iems 1:11

Ollaeala ka kaomanna kurumea, ita ka loramatana roma, nga ina kae nge lele, na bovole a mammana raumana nge mamapune pailli. Na pailli laeala nge manani bavakena, ba luguname ngeke kalolo ba kavingtulungarea ngeke solali. Minmina mana na agau a kana oru papatu ke la mateng mana ngaliuga nga kumangnga ra i kumkuma ki kinung.

Pangapota 21:4

Ba i ke la taungapunung patali ka matarea kanrea mename kinung. Ba ragau ke sane ke la mateng muni. Ba ka sana la loreatani, ba ke sane ke la taning o kaningmainge miralali muni kurumea, oru re pala keke sanrea bavakena.”