Pangapota 7:10 - Mengen

¹⁰ Ba keke kikiu kaligi ka kalangapaga ngareangana kae Nutu roma, “Nutu ae ita e tarapai nga tarang e kapunu kala nge Sipsip Goekia keke ravulele ita.”

Pangapota 7:10 ပူးပေါင်းရင်းမြစ်များ

Pangamologa E Pe Ae Luk Paꞌe 3:6

minmina na ragau kinung keke la kelange Nutu ravunglelengana.’ ”

Pangamologa E Pe Ae Ion Paꞌe 1:29

Me ngangaila, nae Ion ke kele Iesus ine tatu, na ke role roma, “Ngaka kele. Sipsip Goekia ae Nutu ore atu ta ravunglelepatali ka re nga mogalo laekia e ngape nga baingarea reke sosoali ikolong e tatu!

Pangamologa E Pe Ae Ion Paꞌe 1:36

Na i ke kele Iesus ine tatao na ke role roma, “Ngaka kele. Sipsip Goekia ae Nutu iala e tatao.”

Pangamologa E Pe Ae Ion Paꞌe 4:22

Miau ra Sameriame kaka kalapagpage oru a sana lomiaumatana kia. Mangng ra Iurame ka kalapagpage oru a mangng lomangngmatana kia kurumea, Nutu ravunglelengana ka ragau ka puna nge mangng ra Iurame.

Epesus 2:8

Iau ka role minmina kurumea, Nutu ke ravulele miau ka lopengana ae i a i tungumane te miau kurumea lomiaupatokonangana te Karais. Ba ollaeala ke sane pa nge miau muni. Ke sa. Ka i a tunga orae Nutu tungumane.

Pangapota 12:10

Na iau ae Ion ka longe kaling te ine kiu kaligi nga Nutu mallena nga tava roma, “Sonrau nae Nutu ae ita ravunglelengana ka ragau, ba ginggingngana, ba kelangpatalingana, bae Karais ae i ginggingngana keke pota mannangana, ta keke tamalipisigi ka i e turupagpaga kolingara memena karea ngamuga nge Nutu ae ita ka kae ba ka rigo.

Pangapota 19:1

Ngarume nga oru nginngina, na iau ae Ion ka longe otte a maina bollau ma ragau barana tane bollau kalingngareame ineke kura roma, “Aleluia! Nutu ae ita ora kana ka olamana e toakala ba gingginga e bollau raumana ke ravulele ita.

Pangapota 21:5

Na i e tattarapai nga tarang e kapunu e nga kelangpatali ke role roma, “Sonrau, na iau ka kumkuma ka orume kinung pau.” Ba ke role kau roma, “Ngo paꞌe pangamologa kokorai nga lau laekolong, ta ri ka kaomannmannangana ki ba keke la momong passavele.”

Pangapota 22:3

Oru soalingana laeala a Nutu pulia nga ragau ba nga mogalo pala kurumea pana lua longasa ngareangana ke rongo. Ba tarang ae Nutu bae Sipsip Goekia e nga kelangpatali ke la momong ngallo nga maga kunna laeala e bollau. Na ra kumangngatulu rae Nutu kanna keke la kiningpataea giana nga inaeala.

Pangapota 4:6

Ba otte a kelangana ma pelau ora sinna ma kelang e lelle mannangana ke momo ngamuga nga tarang e kapunu bole. Ba oru tugulu reke mauli keke momo ka tarangatotokalangarea ka tarang e kapunu. Oru tugulu nginngina reke mauli ka matarea kanreame keke momo kalaoveka nga mirareame. Keke momo nga mirarea ina re nga muga ba re nga rume bole.

Pangapota 5:7

Nae Sipsip Goekia laeala ke loa, na ke rave lau laeala nga i e tarapai nga tarang e kapunu kamana e pe.