Pangamologa E Pe Ae Mak Paꞌe 8:23 - Mengen

²³ Minmina nae Iesus ke kapita ka matasu laeala kamana, na ke loa kia lagapotu nga maga. Ba ka ine ripi nga matana kanname tapu, na i ke ulopaia kamaname nge i ba ke ballage roma, “Ko kele otte, o ke sa?”

Pangamologa E Pe Ae Mak Paꞌe 8:23 ပူးပေါင်းရင်းမြစ်များ

Pangamologa E Pe Ae Mak Paꞌe 5:23

ba ke tanikale kaligi roma, “Tugu piau e sina ke kokoro ta i mateng. One ngo atu ba ngo pulipaia kamangme nge i ta baina i nge pe ba nge mauli.”

Pangamologa E Pe Ae Mak Paꞌe 7:33

Minmina nae Iesus ke rave agau laeala, na ri pana lua keke kaꞌe ragau ta ri momong mana me ri. Nae Iesus ke kalalue kamana ririname ta agau laeala longaname. Ba ka ine ripi nga kamana ririna te tapu, na i ke kali ka agau laeala tengtengkia.

Pangamologa E Pe Ae Mak Paꞌe 8:24

Na agau laeala ke kelapatae, na ke role roma, “Ka kele ragau palu. Ka kelangarea ma bega reke tatao.”

Pangamologa E Pe Ae Mak Paꞌe 8:26

Nae Iesus ke baꞌe ta bale ae i ka rolengana kia roma, “Sano ngo loalu ta maga.”

Aposelme 23:19

Minmina na kelangpatali nga ra balingkana ke kampite taulai laeala kamana na ke loa kia balakala isura, ba agau te ke sane longe ine ballage roma, “Ko bai ta turung pakau ka taru?”

Aposelme 9:8

Nae Sol ke sigipaga nga mogalo, ava ka ine kinpole matana kanname na ke sane kele otte. Ka baina keke kampite kamana na keke taoamuga kia tae Ramaskus.

Iburume 8:9

Ba piunga ba bonga laeala a iau la kumangng kia kala nge ri ka sana la tongana kena ma na iau kuma kia kala nga sisiukerea memena ka ina iau kamopite kamarea ta taongamuga kerea malaga ngae Isip. Na pau sana la tongana kena ma ne kapunu kurumea, ri ke sane ke loakurumea piunga ba bonga laeala e kapunu a iau kuma kia kala nge ri. Minmina na iau ka bali ka gigu te ri. Nutu Avolau ke role minmina.

Pangapota 3:18

Minmina na iau nga potopaga miau ta atung te iau, na ngaka kolia gol eke palellepaꞌe nga sia, ta baina nga miau ra kilipukana mannangana. Ba ngaka kolia lungapaga reke kavauvaunga na ngaka lupaga rea. Ngaka kuma minmina ta baina miau ngaka kangkale miramiaume, na balengangamiaungana ka losokamiaume sane nge pota. Ba ngaka kolia saulang ta ulonge nga matamiau kanname, ta baina ngaka kela.