Pangamologa E Pe Ae Mak Paꞌe 12:9 - Mengen

⁹ Nae Iesus ke ballage reke longlonge pangateningkala laeala roma, “Minmina na, ura tamana ke la maingamia ka ragau nginngina ra i paꞌtalo rea? I ke la atung, na ke la samungpunu rea. Na ke la tungnge ura laeala ta ragau pattoto.

Pangamologa E Pe Ae Mak Paꞌe 12:9 ပူးပေါင်းရင်းမြစ်များ

Matiu 12:45

Minmina na i nge loa, na nge ngalue kannu reke sosoali raumana nge i ka ri lima ba lua muni. Na ri keke kinung ngeke rave malle ngallo nga agau laeala. Ba momongolungarea nga agau laeala nge soali raumana nga kannu kena e soali momongana ngallo nge i pala. Ragau reke momo sonrau onra baingareame ke sosoali ka la tongarea kena mana ma ollaeala.”

Matiu 21:34

Ngarume, ka ina kae e nga lalang ke kokoro, na i ke baꞌe ra kumangngatulu ra kanna ta ragau nginngina ra i paꞌtalo rea, ta baina ri ngeke tunge kana kaning palu.

Matiu 21:43

“Minmina na iau nga role kamiau roma, Nutu ke la ravungpatali ka kelangpatalingana nge miau, na ke la tungnge ta ragau barana te onre la kumangng kurumea lonangana.

Matiu 22:7

Na kelangpatali laeala ka iukia raumana. Minmina na i ke baꞌe galiau rae i re nga baling, na keke loa eke balipune ra nginngina reke sapune ra kumangngatulu ra kanna. Ba keke tune maga kunna ae ri e bollau.

Pangamologa E Pe Ae Mak Paꞌe 12:10

Ke meimia, miau ka sana ka kele pangamologa laeala eke paꞌe pala nga Lau Ae Nutu Kanna ae? Ke role roma, “‘Lollo ama ra popongpita ke tangulelea ke lele i a lollo kena a kana ka gingginga ma maisi e maisgingging ka bale;

Pangamologa E Pe Ae Mak Paꞌe 12:8

Minmina na keke sapune, na keke gulaemalaga kia nga ura.”

Pangamologa E Pe Ae Luk Paꞌe 19:27

Ava nga ra nginngina reke baiꞌiu kau ba ka sana omorea ta iau kelangpatali te ri—ngaka atu kerea nasai na ngaka sapunu rea nga ragugu.’”

Lau Ae Pol Paꞌe Ta Re Ngae Rom 10:20

Bae Aisaia ke role gingging pala ine paꞌe Nutu pangamologangana roma, “Ragau re sane ke sissili iau keke kalipa kau, ba iau ka pota kau nga ragau re sane ke balaglaga te iau.”