Pangamologa E Pe Ae Mak Paꞌe 10:51 - Mengen

⁵¹ Nae Iesus ke ballage roma, “Ko bai ta iau maingamia kone?” Na matasu laeala ke role kia roma, “Rabai, iau ka bai ta kelanga muni!”

Pangamologa E Pe Ae Mak Paꞌe 10:51 ပူးပေါင်းရင်းမြစ်များ

Matiu 23:7

Keke materaumane ragau ta ri kalangapaga rea ka ineke lele nge ri nga malle re nga banga ka kaning. Ba keke materaumane ragau ta ri patongo rea kae ‘Apangalomatanakana.’

Matiu 23:8

“Ava nge miau, sana ngaka matea ta ragau patongo miau kae ‘Apangalomatanakana.’ Iau ka role minmina kurumea, ka kamiau ka Apangalomatanakana kena mana, ba miau kinung ka miau ra koli.

Matiu 6:8

Sana nga tongamiau me ri kurumea, pala ta miau balinglagange Tamamiau ka orume, na i ka lonamatana tapu ka oru re nga kalaunga miau.

Matiu 7:7

“Ngaka ballage Nutu, na i ke la tungnge oru ra miau ka ballage tao. Ngaka tange Nutu, na kaka la kaling pakia. Ngaka tute biunga, nae Nutu ke la pulangpatalinge.

Pangamologa E Pe Ae Mak Paꞌe 10:36

Nae Iesus ke ballage ri pana lua roma, “Onemea kaka matea ta iau kumangng ka taru te miau?”

Pangamologa E Pe Ae Mak Paꞌe 10:50

Na matasu laeala ke tamalipatali ka lungapaga ae i e ngapotu ba ke tugutaopatae, na ke atu te Iesus.

Pangamologa E Pe Ae Ion Paꞌe 20:16

Nae Iesus ke role kia roma, “Maria!” Nae Maria ke kampiliu ba ke role kia nga kaling ae Iburume roma, “Raboni!” (ka mirana roma, Apangalomatanakana).

Aposelme 23:19

Minmina na kelangpatali nga ra balingkana ke kampite taulai laeala kamana na ke loa kia balakala isura, ba agau te ke sane longe ine ballage roma, “Ko bai ta turung pakau ka taru?”

Pilipai 4:6

Sana nga lomiaupupu ta otte. Ke sa. Nga orume kinung miau ngaka balaglage Nutu ka kavangamiaungana te i ba kalangapaga ngamiaungana kia. Ngaka turupote balinglaga rae miau te i.