Pangamologa E Pe Ae Mak Paꞌe 10:47 - Mengen

⁴⁷ Ba ka ine longe roma, Iesus e ngae Nasaret ke la kavesinglelea, na i ke paturu ta kiunga kaligi roma, “Iesus! One ae Revit Sivuna! Nga longnanna iau!”

Pangamologa E Pe Ae Mak Paꞌe 10:47 ပူးပေါင်းရင်းမြစ်များ

Matiu 1:1

Panganana inaekia ke panana te Iesus Karais sisiukia memena. Iesus ka i ae Revit sivuna, ba ka i ae Abaram sivuna. Ba panganana e te Iesus sisiukia memename kinung ke loa minakai roma:

Matiu 12:23

Na ragau kinung keke kallo raumana ba keke role roma, “Aekia ka i ae Revit Sivuna laeala ameke paꞌe pangamologa te i pala ae?”

Matiu 15:22

Na avale te e ngae Kenan ke lelemalaga nga inaeala, na ke loa te Iesus ka kiungana te i roma, “Avolau, one ae Revit sivuna, nga longnana iau! Kannu reke sosoali keke luia tugu piau, ba keke umma ta baingasoalinge raumana.”

Matiu 2:23

Na i ke loa ba ke momo nga maga kunna e bollau eke patoe kae Nasaret. Minmina na pangamologa a ragau reke toe Nutu kaona ke rolea pala ke lele mannangana ineke role roma: “Keke la patonge kae Nasaret te.”

Matiu 20:30

Ba rapanung lua ra matarea kanname ke su keke tattara nga pamau laeala bavana. Ba ka ineke longo roma, Iesus ke umma ta kavesinglele rea, na keke reli kaligi roma, “Avolau, One ae Revit Sivuna, nga longnana mangng!”

Matiu 21:11

Na maluame keke role roma, “Aekia ka i ae Iesus a i a agau laeala e toe Nutu kaona e ngae Nasaret ngallo ngae Galili.”

Matiu 21:9

Ba malua reke tatao ngamuga nge i, ba ne nge ngarume keke kikiu kaligi roma, “Osana te Revit Sivuna!” “Nutu ke kavitulu raumane aekia e atu nge Nutu Avolau giana!” “Osana te Nutu e momo ngailu raumana!”

Matiu 26:71

Ba ngarume, ka inae Pita lelemalaga ta bale laeala kana savanau kaona, na malaui te muni ora kumangngatulu ke kele, na ke role ka ragau reke mommo nga inaeala roma, “Agau laekolong ke momo kala nge Iesus e ngae Nasaret pala.”

Matiu 9:27

Ka inae Iesus umma ta kange inaeala ba ke tatao e lola, na rapanung lua ra matasu keke lolakurumea ba keke kiu kaligi ka rolengarea roma, “Revit Sivuna, nga longnana mangng!”

Pangamologa E Pe Ae Mak Paꞌe 1:24

“Aekolong ae Iesus e ngae Nasaret! Ko bai ta maingamia ka mangng? Ko atu ta baingasoali mangng? Ka laumatana kone, ka one a agau e tupu orae Nutu baꞌe.”

Pangamologa E Pe Ae Luk Paꞌe 4:16

Ngarume na i ke loa ta magapuna ae i ae Nasaret. Ba ka kae a Sabat, na i ke lu lakallo ta sinagog kurumea Iurame baingareangana te. Na ke maisi ta patonge pangamologame nga Lau Ae Nutu Kanna.

Pangamologa E Pe Ae Ion Paꞌe 1:46

Nae Nataniel ke magio, na ke ballaga galiu roma, “Koee! Ka otte e pe ke pa nge Nasaret?” Nae Pilip ke ale roma, “Atu, ngo kele.”

Pangamologa E Pe Ae Ion Paꞌe 19:19

Ba keke katupite turunglomatana te nga maiskovu ae Pilatus paꞌe pala ore role roma: iesus e nga nasaret, kelangpatali ae iurame

Pangamologa E Pe Ae Ion Paꞌe 7:41

Ba palu keke role roma, “Ka i ae Karais.” Ba palu muni keke role roma, “Karais sane nge pa ngae Galili,

Pangamologa E Pe Ae Ion Paꞌe 7:52

Na keke ale ka mologangarea kia roma, “Ka one e ngae Galili bole ikolong ae? Ngo kela nga Lau Ae Nutu Kanna, na ka la longmatana roma, ka sana agau te e toe Nutu kaona ore pa ngae Galili.”

Aposelme 6:14

Mangng ka longe ine role roma, Iesus e ngae Nasaret ke la rurunge tempel ba ke la kamongpiliunge bainga rae Moses tungu rea te ita.”

Pangapota 22:16

“Iau ae Iesus ka baꞌe anggelo ae iau ta tungnge turungpota laekia ora kaomannmannangana kia te miau raka momo nga ra lopatokonakana ginungareame. Ka iau a Revit sivuna, ba ka iau a mata e toakala ore lele ka kae marara.”