Matiu 9:2 - Mengen

² Ngarume na ragau palu keke atu ka agau te a giname ke mate te Iesus. Ba agau laeala ke kenkeno nga nia. Ka inae Iesus kele lopatokona ae ri, na ke role ka agau a giname ke mate roma, “Tugu, maningsa mataunga. Iau ka osurure baingang reke sosoali.”

Matiu 9:2 ပူးပေါင်းရင်းမြစ်များ

Matiu 14:27

Ava bolvole mana nae Iesus ke role kerea roma, “Ngaka momo masi! Iau ikia. Sana ngaka matau.”

Matiu 4:24

Minmina nae Iesus kana turung ke sasa ta iname kinung ngallo ngae Siria. Na keke loa ka ragau kinung ra karea ka soalingme te i. Keke lola ka ragau ra karea ka soaling matantana ba laling matantana, ba ragau ra kannu reke sosoali ke lupaga rea, ba ragau reke baigaugau, ba ragau ra gireame ke mate, nae Iesus ke pape rea.

Matiu 6:12

Ba ngo osurure bainga reke sosoali ra mangng bavai rea te one, basema ina mangng bole ka osururu tape bainga reke sosoali ra ragau ke bai rea te mangng.

Matiu 8:10

Na ka inae Iesus longe pangamologa a kelangpatali laeala kanna, na pangamologa laeala ke pamagioe raumana. Minmina na i ke role ka ragau reke tataokurumea roma, “Iau nga role kamiau ka kaomannmannangana roma, iau ka sana kalipa ka te nga re ngae Israel ora lopatokona ae i bollau me aekia.

Matiu 8:16

Ba ka ina kae barelu tapu, na keke atu ka ragau papatu ra kannu reke sosoali ke lupaga rea te Iesus. Na i ke taomalage kannu nginngina ka pangamologangana. Ba ke papea ragau kinung ra karea ka soaling.

Matiu 9:22

Nae Iesus ke kampiliu na ke kele, na ke role kia roma, “Tugu piau, sano ngo matau. Lopatokona ae one ke pape one.” Ba ka panna laeala mana, na avale laeala ke pe.

Matiu 9:5

Pangamologa a taru nge ate ta iau rolenge? Ngaroma iau nga role kae aekia roma, ‘Aekolong, iau ka osurure baingangame reke sosoali’? O ngaroma iau nga role kia roma, ‘Sigipaga na ngo tao’? Te miau sonrau, nga pangamologa lua nginngina na taru ke ate ta iau rolenge?

Matiu 9:6

Ava nga baina miau ngaka kelapatokona roma, Agau Tuna ka kana ka gingginga nakai nga mogalo laekia ngape ta i osungrurunge ragau baingarea reke sosoali” —na i ke role ka agau laeala a giname ke mate roma—, “Sigipaga, na ngo rave nia ae one ba ngo loa te one ta bale.”

Pangamologa E Pe Ae Mak Paꞌe 1:32

Ka laio, ka ina kae barelu tapu, na keke atu ka ragau kinung ra karea soaling ba ragau ra kannu reke sosoali ke lupaga rea te Iesus.

Pangamologa E Pe Ae Mak Paꞌe 10:49

Nae Iesus ke maisi ba ke role ka ragau roma, “Ka kiue nasong.” Minmina na keke kiue matasu laeala ka rolengarea kia roma, “Nga longsereng bo sigipaga! I ke kiu one ta loanga te i!”

Pangamologa E Pe Ae Mak Paꞌe 5:34

Nae Iesus ke role kia roma, “Tugu piau, lopatokona ae one ke pape one. Ngo loa ka lomannmannangana. Mirang lalingana sane la pulangkala one muni.”

Pangamologa E Pe Ae Mak Paꞌe 6:50

Keke reli kaligi kurumea, ri kinung keke kele ba keke matautau. Ava ka pannasa, nae Iesus ke role kerea roma, “Ngaka momo masi! Iau ikia. Sana ngaka matau.”

Pangamologa E Pe Ae Ion Paꞌe 16:33

“Iau ka role paka miau ka oru kokorai, ta baina ngaka kalapita nge iau, na momongpengana nge momo ngallo nga lomiaume. Miau kaka la kaningmainge maenangme ina miau ka mommo nga mogalo laekia e ngape. Ava ngaka meisgingging, ta iau ka ulopisigia oru re nga mogalo laekia e ngape tapu.”

Pangamologa E Pe Ae Ion Paꞌe 2:25

I ke sane momalle agau te ta i turunglomatana te i ka ragau baingareanganame kurumea, i ka lonamatana tapu ka oru reke momo ngallo nga ragau.

Pangamologa E Pe Ae Ion Paꞌe 21:5

Minmina nae Iesus ke kiu te ri roma, “Koli memena, ka sana kamiau lea ae?” Na keke ale roma, “Iii.”

Aposelme 14:9

Ba apanung laeala ke tattara ba ke longlonge Pol pangamologanganame. Minmina na ka inae Pol kela tupu te i ba ke kele lopatokona ae i ta i penga,

Aposelme 19:12

Minmina na ragau keke kalkali kae Pol ka malo iname ba angasipme. Na keke lola ki ta ra karea ka soaling ta baina soaling nge ri ngeke rongo ba kannu reke sosoali reke momo nge ri ngeke kapatali rea.

Aposelme 23:11

Ba me ngangaila ka rigo nae Iesus Avolau ke maisi nga Pol bavana ba ke role kia roma, “Sana nga longsoali ta one ko la turungpota iau ta ragau nga maga kunna e bollau ae Rom base ino turupota iau nakai ngae Ierusalem.”

Lau Ae Pol Paꞌe Ta Re Ngae Rom 5:11

Ba ke sane minmina mana. Ke sa. Ngallo nge Iesus Karais A Avolaukita a i a baingaꞌiu laeala rongngana, ita ka lorasereng raumana kae Nutu sonrau bole.

Iems 2:18

Ava palu nge miau sana ka la ngatangngkalange pangamologa laeala a kanau. Na te ke la roleng kau roma, “One ka kang ka bainga reke pepe ba iau ka kau ka lopatokona.” Na iau ala nga ale agau laeala roma, ngaroma one nga kang ka lopatokona ava ko sano kumkuma ka bainga reke pepe, na iau ka la kelangapatokone lopatokona ae one mina ngaetai? Iau ka sana laumatana roma, lopatokona laekolong ae one ka kaomannmannangana kia o ke sa. Ava nga ino ngo kele baingau reke pepe na one ko la kelangapatokona roma, lopatokona ae iau ka kaomannmannangana kia.