Matiu 19:3 - Mengen

³ Nae Parisio palu keke loa te i ta baina ri avange. Minmina na keke ballage roma, “Bangapagame keke ngatakale agau te ta i pelenge napengana kurumea lonangana, o ke sa?”

Matiu 19:3 ပူးပေါင်းရင်းမြစ်များ

Matiu 16:1

Na ra pangalomatanakana nga bangapagame bae Parisio palu keke loa te Iesus, ba keke bai ta avange. Minmina keke ballage ta i kumangng ka killa te e bollau, ta baina i nge pakosining rea roma, i ke kumkuma nga Nutu ginggingngana ka kaomannmannangana.

Matiu 22:35

Na te e nge ri a i a alomatanakana ka bangapagame ke bai ta avange Iesus ka balinglaga te. Minmina na i ke ballage roma,

Pangamologa E Pe Ae Mak Paꞌe 10:2

Nae Parisio palu keke atu te i ba keke bai ta avange. Minmina na keke ballage roma, “Bangapagame keke ngatakale agau te ta i pelenge napengana, o ke sa?”

Pangamologa E Pe Ae Mak Paꞌe 12:13

Ngarume na ri keke baꞌe Parisio palu kala nga ragau palu onreke pato rea kae Erotome ta ri launge Iesus ka pangamologanganame.

Pangamologa E Pe Ae Mak Paꞌe 12:15

Ita ngaka tungtungu rea, o ke sa?” Avae Iesus ka lonamatana roma, keke gogaꞌe ta launge ka pangamologangana mana. Minmina na i ke ballaga rea roma, “Ke maimia aka amva ta launga iau ka balinglaga a kanmiau? Ka atu ka lollokanna te nasorong, nga iau kele.”

Pangamologa E Pe Ae Ion Paꞌe 8:6

Ava ri keke ballage minmina ta avange nga baina ngeke kalipa ka pangamologangana te, na ngeke turupaga kana kia. Avae Iesus ke magolo lagape, na ke paꞌe pangamologa nga mogalo ka kamana ririna.

1 Korin 7:10

Ava ta ragau reke kamapitakama tapu iau ka tunge potong laekia te ri, ava iau ka sana tunge, Iesus A Avolau ke tunge ka rolengana roma, avale sane nge kaꞌe natale.

Iburume 3:9

Sisiukamiau memena keke ava iau raumana nga inaeala, ba keke kele kumangng ra iau kumkuma ki ngaliua nge ri ka pesingmataname ka ri giaukaina lua.