Pangamologa E Pe Ae Luk Paꞌe 9:11 - Mengen

¹¹ Ava maluame ka loreamatana ka loangarea, na keke kutapu kurume rea. Nae Iesus ke tagukama kerea, ba ke pulimalage pangamologa e ta Nutu kelangapatalingana te ri. Ba i ke papea ragau re nge ri ra karea ka soaling.

Pangamologa E Pe Ae Luk Paꞌe 9:11 ပူးပေါင်းရင်းမြစ်များ

Matiu 12:15

Avae Iesus ka lonamatana ineke bai ta samungpununge, minmina na i ke kaꞌe malle laeala. Na ragau papatu keke loakurumea, na i ke papea ragau kinung re nge ri ra karea ka soaling.

Matiu 14:14

Na ka inae Iesus solele nga me a sivoli kaona ba ke kele maluame, na i ka lonavavai te ri ba ke papea ragau re nge ri ra karea ka soaling.

Matiu 21:31

“Na iau nga ballaga miau roma, tai nga goe lua nginngina ke longo te tamana?” Na reke longlonge pangateningkala laeala a Iesus kanna keke ale roma, “Ne kapunu.” Nae Iesus ke role kerea roma, “Iau nga role kamiau ka kaomannmannangana roma, ragau reke raravukinunge takisme ba ravale ra pamau luana keke la lunga lakallo ta Nutu kelangpatalingana pala nge miau.

Matiu 21:43

“Minmina na iau nga role kamiau roma, Nutu ke la ravungpatali ka kelangpatalingana nge miau, na ke la tungnge ta ragau barana te onre la kumangng kurumea lonangana.

Pangamologa E Pe Ae Luk Paꞌe 1:53

I ke paponue ragau ra matekarea siareame ka oru reke pepe, ba ragau ra kilipukana ke ba ala rea ka kamareame mana;

Pangamologa E Pe Ae Luk Paꞌe 5:31

Nae Iesus ke ala rea roma, “Ragau ra sana karea soaling ke sane ke lola ta apangapemirakana. Ke sa. Ragau ra karea ka soaling mana keke lola.

Pangamologa E Pe Ae Luk Paꞌe 8:1

Ngarume isura nga oru nginngina, nae Iesus ke tutapu ta taliunga nga maga kunna reke bollalau ba nga maga reke sisina bole. Na i ke pulimalaglage pangamologa e pe ore ta Nutu kelangpatalingana ba Pana Tangulelu Ba Lua keke tatao kala nge i.

Pangamologa E Pe Ae Luk Paꞌe 8:10

Minmina na i ke role kerea roma, “Nutu ke tunge lomatana te miau ta baina nga lomiaumatana ka oru re ta Nutu kelangpatalingana nga tava onreke kolulu. Ava iau nga patenikale pangamologa ta ragau pattoto ta baina: “‘ri ngeke kelkela, ava ke sane ngeke kelapatokona; ba ngeke longo, ava ka sana nga loreamatana.’

Pangamologa E Pe Ae Luk Paꞌe 9:10

Na ka ina aposel rae Iesus ke galiu, na keke ture oru ra ri ke kuma ki te Iesus. Na i ke loa kerea, ba keke kaꞌe maluame, na keke loa ta maga kunna e bollau a giana ngae Betsaira.

Pangamologa E Pe Ae Luk Paꞌe 9:12

Na ka laio ina kae barelulu, na Pana Tangulelu Ba Lua keke loa te Iesus, na keke role kia roma, “Ngo baꞌe maluame ngeke loa nga baina ri ngeke sili karea kaning kalaoka ba mallerea nga kenong nga maga nginngina, ta ita kaka momo nga malle a sana kaning ngia.”

Pangamologa E Pe Ae Luk Paꞌe 9:2

Ba i ke ba rea ta pulingmalagange pangamologa e ta Nutu kelangapatalingana ba ta ri pangapenge ragau ra karea ka soaling.

Pangamologa E Pe Ae Ion Paꞌe 4:34

Nae Iesus ke role kerea roma, “Kaning ae iau minakai roma, iau ka la kumangng kurumea i e ba iau lonamatenganame. Ba iau ka la rongatapu ka kumangng a kanna.

Pangamologa E Pe Ae Ion Paꞌe 6:37

Ragau kinung rae Tamau tungtungu rea te iau keke la atung te iau. Ba iau ka sana la taongamalagange agau te e atu te iau. Iau ka sana la kumangng minmina bavakena.

Aposelme 28:31

Ka sana agau te sanangalle, ba i ke sane matautau ine pulimalaglage pangamologa e ta Nutu kelangpatalingana, ba ine palomatantane ragau te Iesus Karais Avolau.

Lau Ae Pol Paꞌe Ta Re Ngae Rom 10:14

Avae iau ae Pol nga ballaga miau roma, Iurame keke la kiunga ta agau a ri sana loreapatokona te mina ngaetai? Ba ri nga loreapatokona ta agau a ri ke sane ke longe pangamologa e te i tale mina ngaetai? Ba ri keke la longnge pangamologa e ta agau ora apulingmalaga pangamologakana sane pulimalage pangamologa e te i tale mina ngaetai?

Lau Ae Pol Paꞌe Ta Re Ngae Rom 10:17

Minmina na iau ae Pol ka la roleng roma, lopatokona e te Karais ke lele kurumea ragau longareangana ka pangamologa e te Karais. Ba ragau longareangana ka pangamologa e te Karais ke lele kurumea ragau pattoto pulingmalaga ngareangana ka pangamologa laeala.

Lau Ae Pol Paꞌe Ta Re Ngae Rom 15:3

Iau ka role minmina ta Karais muni ke sane kuma ka oru ra i mate rea mana. Ke sa. I ke kuma kurumea pangamologa nga Lau Ae Nutu Kanna e role roma, “Rolengbainga ra ragau ke rolebainga ka one ae Nutu ki keke pupai nge iau.”

2 Timoti 4:2

One ngo pulimalage pangamologa rae Nutu kanna. Ngo pulimalage nga kae reke pepe ba nga kae reke sosoali kinung. One ngo tunge pangamologa re nga pangatupunge ragau, ba pangamologa re nga sagingpita rea, ba pangamologa re nga pangagingginge loreame. Ba nga ino ngo kumkuma minmina, na ngo potomasi rea, ba sano ngo bolvole ta nga iukone kerea.

Iburume 4:16

Minmina na ita sana ngaka matautau ta loanga ta tarang ae Nutu e nga kelangpatali kurumea, i ka lonasereng ta tungamane lopengana ae i te ita. Ita ngaka loa te i minmina ta baina ita ngaka rave lonana, ba ngaka kalipa ka lopengana ae i a i tungtungumane. Na lopengana laeala ae i ke la kalaunga ita nga ina ita nga likirasa.