Pangamologa E Pe Ae Luk Paꞌe 8:2 - Mengen

² Ba ravale palu ra i taomalage kannu reke sosoali pala nge ri, ba ravale palu ra i papea soaling nga ri keke tataokurume rea bole. Ravale nginngina giareame nge: Maria eke patoe kae Magaralene e pala nae Iesus ke taomalage kannu reke sosoali ka ri lima ba lua nge i;

Pangamologa E Pe Ae Luk Paꞌe 8:2 ပူးပေါင်းရင်းမြစ်များ

Matiu 4:24

Minmina nae Iesus kana turung ke sasa ta iname kinung ngallo ngae Siria. Na keke loa ka ragau kinung ra karea ka soalingme te i. Keke lola ka ragau ra karea ka soaling matantana ba laling matantana, ba ragau ra kannu reke sosoali ke lupaga rea, ba ragau reke baigaugau, ba ragau ra gireame ke mate, nae Iesus ke pape rea.

Pangamologa E Pe Ae Mak Paꞌe 16:1

Na ka ina kae a Sabat rongo tapu, nae Maria Magaralene, bae Maria laeala a i ae Iems naname kala nge Salome keke rave oru ra koirea lolo ta baina ri ngeke saule Iesus lavusakia ki.

Pangamologa E Pe Ae Mak Paꞌe 16:9

Na ka inae Iesus sigipaga nga mateng ka sinro luluna ka kae e kapunu nga kumangnga maina laeala, nae Maria Magaralene ka i a agau e kapunu ta kelange. Ka i a avale laeala orae Iesus taomalage kannume ka ri lima ba lua reke sosoali nge i ka kae te e pala.

Pangamologa E Pe Ae Luk Paꞌe 23:27

Na ragau papatu keke lolakurume rea, ba ravale palu nge ri keke tantania Iesus kaligi.

Pangamologa E Pe Ae Luk Paꞌe 23:49

Na ragau ra loreamatana kae Iesus, kala nga ravale reke tatao kurumea ka kae re pala, keke meisinsi ngatauga isuru ba keke elle oru nginngina reke lele.

Pangamologa E Pe Ae Luk Paꞌe 23:55

Na ravale reke atukurumea Iesus ine lelemalaga ngae Galili keke loakurumea Iosep, na keke kele ine pullue Iesus nga baveng.

Pangamologa E Pe Ae Luk Paꞌe 8:30

Ka bainae Iesus ke ballage roma, “Giang nge tai?” Na i ke ale roma, “Barana.” I ke role minmina kurumea, kannu barana reke sosoali keke luia mirana.

Pangamologa E Pe Ae Ion Paꞌe 19:25

Nae Iesus naname, bae naname teiteikia, bae Maria tetoto a i ae Kilopas napengana, bae Maria Magaralene kala nga ragau pattoto keke meisinsi kokoro nga maiskovu ae Iesus bole.

Aposelme 1:14

Ra nginngina ba ravale palu kala nge Iesus naname ae Maria bae Iesus kolingana memena keke katukala kinung ba keke kavkava palimule te Nutu.