Pangamologa E Pe Ae Luk Paꞌe 22:57 - Mengen

⁵⁷ Avae Pita ke kaulikala ka rolengana roma, “Avale laekolong, iau ka sana laumatana kia.”

Pangamologa E Pe Ae Luk Paꞌe 22:57 ပူးပေါင်းရင်းမြစ်များ

Matiu 10:33

Ava ngaroma agau te nge kausikala iau nga ragau ragureame sonrau, na iau ka la kausingkale nge Tamau e momo nga mallena nga tava raguna ngarume.

Matiu 26:70

Avae Pita ke kaulikale malaui laeala pangamologangana nga ragau kinung reke mommo nga inaeala ragureame roma, “Iau ka sana laumatana ka taru a one rorole te.”

Pangamologa E Pe Ae Luk Paꞌe 12:9

Ava ngaroma agau te nge kausikala iau nga ragau ragureame sonrau, na iau ka la kausingkale nga anggelo rae Nutu ragureame ngarume.

Pangamologa E Pe Ae Luk Paꞌe 22:56

Na malaui te akumangngatulu ke kele Pita ine tattara nga sia lamana, na ke kelananne ba ke role roma, “Pala na agau laekolong ke momo kala nge Iesus bole.”

Pangamologa E Pe Ae Luk Paꞌe 22:58

Ngarume muni, na agau tetoto ke kela pakae Pita ba ke role kia roma, “One ko loakurumea Iesus bole.” Avae Pita ke ale roma, “Ke sa!”

Pangamologa E Pe Ae Ion Paꞌe 18:25

Nae Saimon Pita ke meisinsi ba ke mallmallu tale, minmina na reke meisinsi kala nge i keke ballage roma, “Ka one a barangalele a kanna te bole ae?” Nae i ke kausikala ka rolengana roma, “Iau, ke sa.”

Pangamologa E Pe Ae Ion Paꞌe 18:27

Nae Pita ke kausikala muni, ba ka panna laeala mana na kukulega ke toako.

Aposelme 3:19

Minmina na miau ngaka pulivalakale baingamiau reke sosoali na ngaka tunge lomiaumatengana te Nutu. Ba ngaka kampiliu te Nutu ta baina i nge osurure baingamiau reke sosoali na ala i a kae ora Nutu panne maulingamiaungana.

1 Ion 1:9

Ava ngaroma ita ngaka turunane baingara reke sosoali te Nutu, nae Nutu e kumkuma kurumea pangamologangana mannangana ba baingana reke tupu ke la osungrurunge baingara reke sosoali. Ba ke la pangalellepa ita nga baingame kinung re sane ke tupu nga raguna.