Pangamologa E Pe Ae Ion Paꞌe 8:47 - Mengen

⁴⁷ Agau ae Nutu ke longlonge onrae Nutu rorole rea. Ava miau ka sana ka longlongo rea, ta ka sana miau ra ragau rae Nutu.”

Pangamologa E Pe Ae Ion Paꞌe 8:47 ပူးပေါင်းရင်းမြစ်များ

Pangamologa E Pe Ae Ion Paꞌe 12:48

Ava akalingnanakana te ke momo, ba i ke la kalingnanange agau e tangulele iau be sane longo ta pangamologa ra kanau. Ka i a pangamologa nginngina ra kanau mana onra ri ke la kalingnanange agau laeala nga kae a ronga.

Pangamologa E Pe Ae Ion Paꞌe 18:37

Minmina nae Pilatus ke ballage roma, “Na ka one a kelangapatali ae?” Nae Iesus ke ale roma, “One ko role masi roma ka iau a kelangpatali. Nga ollaeala mana na nau ke toapisigi iau. Ba nga ollaeala mana na iau ka atu ta mogalo laekia e ngape, ta baina iau nga turulomatana ta ragau ka pangamologa a kaomannmannangana kia. Ragau kinung reke momo nga pangamologa a kaomannmannangana kia keke longlonge kalingau.”

Pangamologa E Pe Ae Ion Paꞌe 5:25

Iau nga role kamiau ka kaomannmannangana roma, kae a reke mate ta ri longnge Nutu Tuna kalingngana ke tatu. Ba reke longe keke la mauling. Ba kae laeala ke lele ikia tapu.

Pangamologa E Pe Ae Ion Paꞌe 6:65

Ba i ke role bole roma, “Iau ka laumatana tapu ka miau, minmina na iau ama role kamiau pala roma, ngaroma Tamau nge pasigipage agau lona ta i atung te iau, na i ale nge atu te iau. Ava nge sa, na agau laeala sana nga omona ta i atung.”

Pangamologa E Pe Ae Ion Paꞌe 8:37

Iau ka laumatana kamiau roma, ka miau rae Abaram sivuna memena. Ava kaka bai ta samungpunu iau kurumea, pangamologa a kanau ke sane momo ngallo nge miau.

Pangamologa E Pe Ae Ion Paꞌe 8:43

Miau ka sana lomiaumatana ka oru ra iau rorole rea kurumea, miau kaka longpalikovauu ka pangamologangau.

Pangamologa E Pe Ae Ion Paꞌe 8:45

Ava miau ka sana lomiaupatokona ta pangamologangau kurumea, iau ka rorolea pangamologa ora kaomannmannangana kia.

1 Ion 3:10

Ba ita ka loramatana ka taime ka ri ra goe rae Nutu ba taime ka ri ra goe rae Satan minakai roma: Agau e sane baia bainga reke tupu nge Nutu raguna ka sana i a goe ae Nutu. Ba agau e sane materaumane alopatokonakana tetoto ka sana i a goe ae Nutu bole.

1 Ion 5:1

Agau a lonapatokona roma, Iesus ka i a Mesaia ae Nutu ka i a goe ae Nutu. Ba agau e materaumane goe tamana ke materaumane goe laeala bole.

2 Ion 1:9

Agau e sane mommo ngallo nga pangalomatana rae Karais kanna ava ke pulialamane pangalomatana palu ta pangalomatana nginngina, agau laeala ke sane pagiu kala nge Nutu. Agau e mommo ngallo nga pangalomatana rae Karais kanna ke pagiu kala nge Nutu bae Tuna kinung.

3 Ion 1:11

One a iau materaumana one, sano ngo taokurumea agau e kuma ka bainga reke sosoali. Ke sa. One ngo taokurumea agau e kuma ka bainga reke pepe. Agau e kumkuma ka bainga reke pepe ka i a goe ae Nutu. Agau e kumkuma ka bainga reke sosoali ka sana lonamatana kae Nutu.