Pangamologa E Pe Ae Ion Paꞌe 6:7 - Mengen

⁷ Nae Pilip ke ale roma, “Ngaroma ita ngaka kolia beret ka lollokanna papatu, na beret laeala sane la totorong ta pangakaninge ri karolu. Palu keke la kaning, ba palu sana la karea.”

Pangamologa E Pe Ae Ion Paꞌe 6:7 ပူးပေါင်းရင်းမြစ်များ

Matiu 18:28

“Ava akumangngatulu laeala ke lelemalaga, na ke kalipa ka kumangngkena ae i te ore pulia rinao tune sina nge i, ore basema lollokanname ka ri tangulelu mana. Na i ke kamopite kumangngkena laeala ba ke roge, na ke role kia gingging roma, ‘Ngo alagaliue rinao amo pulia nge iau.’

Pangamologa E Pe Ae Mak Paꞌe 6:37

Avae Iesus ke ala rea roma, “Miau ngaka tungu karea kaning.” Na barangalele ra kanna keke role kia roma, “Ava ka ri papatu raumana. Agau te nge kuma basema inname ka ri lima ba mologi ta ravunge lollokanna ta koling karea kaning. Ko rorole roma, mangng nga loa na nga tamali ka lollokanna minmina ta koling karea kaning ae?”

Pangamologa E Pe Ae Ion Paꞌe 1:43

Ka kae tetoto nae Iesus ke bai ta kulungtapu tae Galili. Na i ke kalipa kae Pilip, na ke role kia roma, “Atu kurume iau.”

Pangamologa E Pe Ae Ion Paꞌe 1:44

Bae Pilip kala nge Anru bae Pita ka ri re nga maga kunna e bollau ae Betsaira.

Pangamologa E Pe Ae Ion Paꞌe 1:45

Nae Pilip ke kalipa kae Nataniel, na ke role kia roma, “Mangng ka kalipa ka agau amae Moses pa te pala ngallo nga Bangapagame. Ba ka i a agau ama ragau reke toe Nutu kaona ke pa te bole. Ka i ae Iesus e ngae Nasaret a i ae Iosep tuna.”

Pangamologa E Pe Ae Ion Paꞌe 1:46

Nae Nataniel ke magio, na ke ballaga galiu roma, “Koee! Ka otte e pe ke pa nge Nasaret?” Nae Pilip ke ale roma, “Atu, ngo kele.”

Pangamologa E Pe Ae Ion Paꞌe 1:48

Minmina nae Nataniel ke ballage roma, “Ko maimia ka longmatanangang kau?” Nae Iesus ke ale roma, “Pala, ka ino momo nga bega a pik siana inae Pilip sane kiu te one tale, na iau ka kela one.”

Pangamologa E Pe Ae Ion Paꞌe 12:5

“Ke meimia na ke sane ke ba ka saulang laekolong ta ravunge kana lollokanna, nga baina ngeke tungu rea ta ra sillolo? Ta saulang laekolong kunna ke rave kuru ra ragau ke rarave ka pesingmatana kena bavakena.”