Pangamologa E Pe Ae Ion Paꞌe 6:5 - Mengen

⁵ Ka inae Iesus ilapaga ba ke kele malua e bollau e tatu te i, na i ke role kae Pilip roma, “Ita kaka la koling ra kokorai karea beret aetai ta ri kaningi rea?”

Pangamologa E Pe Ae Ion Paꞌe 6:5 ပူးပေါင်းရင်းမြစ်များ

Matiu 15:33

Na barangalele ra kanna keke role kia roma, “Ita kaka momo nga malle a sana kaning ngia ba ragau kokorai ka ri papatu raumana, minmina na ita kaka la ravunge beret ngaetai nga baina ri kinung ngeke kani?”

Pangamologa E Pe Ae Mak Paꞌe 6:32

Minmina na ri kasikerea keke taepatae nga manang te, na keke loa ta malle a sana ragau ngia.

Pangamologa E Pe Ae Luk Paꞌe 9:10

Na ka ina aposel rae Iesus ke galiu, na keke ture oru ra ri ke kuma ki te Iesus. Na i ke loa kerea, ba keke kaꞌe maluame, na keke loa ta maga kunna e bollau a giana ngae Betsaira.

Pangamologa E Pe Ae Ion Paꞌe 1:43

Ka kae tetoto nae Iesus ke bai ta kulungtapu tae Galili. Na i ke kalipa kae Pilip, na ke role kia roma, “Atu kurume iau.”

Pangamologa E Pe Ae Ion Paꞌe 1:44

Bae Pilip kala nge Anru bae Pita ka ri re nga maga kunna e bollau ae Betsaira.

Pangamologa E Pe Ae Ion Paꞌe 1:45

Nae Pilip ke kalipa kae Nataniel, na ke role kia roma, “Mangng ka kalipa ka agau amae Moses pa te pala ngallo nga Bangapagame. Ba ka i a agau ama ragau reke toe Nutu kaona ke pa te bole. Ka i ae Iesus e ngae Nasaret a i ae Iosep tuna.”

Pangamologa E Pe Ae Ion Paꞌe 1:46

Nae Nataniel ke magio, na ke ballaga galiu roma, “Koee! Ka otte e pe ke pa nge Nasaret?” Nae Pilip ke ale roma, “Atu, ngo kele.”

Pangamologa E Pe Ae Ion Paꞌe 1:48

Minmina nae Nataniel ke ballage roma, “Ko maimia ka longmatanangang kau?” Nae Iesus ke ale roma, “Pala, ka ino momo nga bega a pik siana inae Pilip sane kiu te one tale, na iau ka kela one.”

Pangamologa E Pe Ae Ion Paꞌe 4:35

Sana ngaka role roma, ‘Ka inna tugulu muni na kae e nga lalang kaning nge lele.’ Iau ka la roleng kamiau roma, ngaka kele. Ngaka kalatare galimiaume na ngaka kele urame. Kaka la kelange kaning reke matua tapu beke momalla ta ragau lalanga rea.