Pangamologa E Pe Ae Ion Paꞌe 6:45 - Mengen

⁴⁵ Pala na ragau reke toe Nutu kaona keke paꞌe pangamologa ore role roma: ‘Ri kinung keke la ravunge lomatana kurumea Nutu pangalomatanangana kerea.’ Ba iau nga role kamiau roma, ragau kinung reke longe Tamau pangamologangana beke rave lomatana nge i keke tatu te iau.

Pangamologa E Pe Ae Ion Paꞌe 6:45 ပူးပေါင်းရင်းမြစ်များ

Matiu 11:27

Nae Iesus ke role ka ragau nginngina reke momo ka kae laeala roma, “Nutu a i ae Tamau ke kalatape orume kinung te iau. Ba ka sana agau te lonamatana kae Nutu Tuna, kana kae Tamana kasikena mana. Ba bole ka sana agau te lonamatana kae Nutu, kana kae Nutu Tuna ba ragau rae Tuna bai ta pangapotange Tamana te ri.”

Matiu 17:5

Ka inae Pita pamolloga tale, na mukmukua te a lamana ke gasipita rea. Na kaling te ke lelemalaga nga mumukua laeala ka pangamologangana roma, “Aekolong ka i ae Tugu ora iau materaumane ba ka laupe kia raumana. Miau ngaka longo te i!”

Pangamologa E Pe Ae Mak Paꞌe 1:2

Pala na agau e toe Nutu kaona a giana nge Aisaia ke paꞌe Nutu pangamologangana e te Tuna ore role roma, “Ngo kele. Iau ka la bange agau e loa ka pangamologa a kanau, na i ke la loanga pala nge one ta kalingtupunge pamau ae one.”

Pangamologa E Pe Ae Luk Paꞌe 1:70

base Nutu ine role pala nga ragau rae kanna kaoreame roma:

Pangamologa E Pe Ae Luk Paꞌe 18:31

Nae Iesus ke ngaluvalakale Pana Tangulelu Ba Lua, na ke role kerea roma “Ita kaka la loangapatae tae Ierusalem, na orume kinung re te Agau Tuna onra ragau reke toe Nutu kaona ke pa rea pala keke la leleng mannangana.

Pangamologa E Pe Ae Ion Paꞌe 10:27

Sipsip rae iau keke longlongo ta kalingau. Iau ka laumatana kerea, ba ri keke tatukurume iau.

Pangamologa E Pe Ae Ion Paꞌe 6:37

Ragau kinung rae Tamau tungtungu rea te iau keke la atung te iau. Ba iau ka sana la taongamalagange agau te e atu te iau. Iau ka sana la kumangng minmina bavakena.

Pangamologa E Pe Ae Ion Paꞌe 6:65

Ba i ke role bole roma, “Iau ka laumatana tapu ka miau, minmina na iau ama role kamiau pala roma, ngaroma Tamau nge pasigipage agau lona ta i atung te iau, na i ale nge atu te iau. Ava nge sa, na agau laeala sana nga omona ta i atung.”

Aposelme 13:40

Minmina na miau ngaka ella miau masi nga baina oru ra ragau reke toe Nutu kaona ke role tao pala sane ngeke lele nge miau ka ineke role roma:

Aposelme 7:42

Avae Nutu ke bali ka gina te ri, ba ke tungu rea ta baingarea reke sosoali ta ri kavang ta mata reke momo ngailu nga tava. Ke loa kurumea pangamologa ineke paꞌe nga lau ae ragau reke toe Nutu kaona roma, “‘Ragau re ngae Israel! Ka ina miau ka momo ngallo nga ina a sana ragau ngia ka pesingmatana ka ri giaukaina lua, na miau ka sana ka balia posime ta tunga rea ma tungame te iau. Ke sa.

Epesus 1:17

Ka balaglage Nutu a i a Nutu ae Iesus Karais A Avolaukita bae Tamara e ngailu raumana ta i tungnge lomatana e pe e te i te miau. Ba ka balaglage ta i pangapotange i muni te miau ta baina lomiaumatanangana e te i nge umma ta leleng bollau muni.

Pilipai 3:15

Minmina na ita kinung raka matua tapu nga oru rae Karais kanna ngaka lolakurumea lomatana kena laeala. Ba ngaroma miau nga kamiau lomatana matana tetoto, nae Nutu ke la pangapotange lomatana laeala a iau rorole te te miau bole.

1 Tesalonaika 4:9

Na nga bainga e nga palingmatengraumana miau, ka sana kanmangng kumangng ta pange pangamologa palu muni te miau kurumea, Nutu ke palomatana miau tapu ta miau ngaka palimateraumana miau.

Iburume 10:16

“Iau ae Avolau nga role roma, piunga ba bonga a iau la kumangng kia kala nge ri nga kae laeala e ngarume ke la momong minakai roma: Iau ka la pulinge bangapaga ra kanau ngallo nga loreame, ba ka la panga rea ngallo nga ramareame.”

1 Ion 2:27

Ba nge miau, kavingtulu a miau ka rave nge I E Tupu ke mommolu ngallo nge miau. Minmina na ka sana ka momalle agau te ta i pangalomatana miau. Ke sa. Kavingtulu laeala a i tunge te miau ke palomatantana miau ka orume kinung. Ba kavingtulu laeala ka ora kaomannmannangana kia. Ka sana i a goanga. Minmina na miau ngaka mommolu ngallo nge i e tunge kavingtulu laeala te miau kurumea oru ra kavingtulu laeala palomatana miau tao.