Pangamologa E Pe Ae Ion Paꞌe 4:50 - Mengen

⁵⁰ Nae Iesus ke ale roma, “Lo ngo kagaliu. Tung ke momo mauli.” Na agau laeala ka lonapatokona ta pangamologa ae Iesus kanna, ba i ke lao.

Pangamologa E Pe Ae Ion Paꞌe 4:50 ပူးပေါင်းရင်းမြစ်များ

Matiu 8:13

Nae Iesus ke role ka kelangapatali laeala nga ra balingkana roma, “Lo ngo loa ta maga. Oru a one matea ke la leleng basema ina one longopatokona te.” Na kelangpatali laeala akumangngatulu ae i ke pe ka panna laeala mana.

Pangamologa E Pe Ae Luk Paꞌe 17:14

Ka ina i kela rea, na ke ba rea roma, “Miau ngaka loa, na ngaka pakosininge miramiaume ta pirisme kurumea pangamologa rae Moses kanna pala nga baina pirisme nga loreamatana roma, miramiaume keke pepe tapu.” Na ka ina ri ke tatao tale, na mirareame keke lelle.

Pangamologa E Pe Ae Ion Paꞌe 11:40

Nae Iesus ke ale roma, “Iau ama role kone tapu roma, ngaroma nga longopatokona, na ko la kelange Nutu ginggingngana.”

Pangamologa E Pe Ae Ion Paꞌe 4:49

Na kelangpatali barangalele laeala ae i ke role kae Iesus roma, “Avolau, atupisigi bolvole ta tugu ke kokoro ta i mateng.”

Pangamologa E Pe Ae Ion Paꞌe 4:51

Ba ka ine tataopisigi tale, na ra kumangngatulu ra kanna keke kalipa kia nga pamau na keke turu pakia roma, “Tung ke momo mauli.”

Iburume 11:19

Abaram ka lonapatokona roma, Nutu ka kana ka gingginga ta pangasigingpagange agau e mate nga mateng. Minmina na, ke kela basema i ke ravugaliue Aisak muni nga mateng.