Pangamologa E Pe Ae Ion Paꞌe 4:39 - Mengen

³⁹ Nae Sameria papatu re nga maga kunna laeala e bollau keke lele ra lopatokonakana kurumea avale laeala pangamologangana e te Karais ine role roma, “I ke ture baingaume kinung re pala te iau.”

Pangamologa E Pe Ae Ion Paꞌe 4:39 ပူးပေါင်းရင်းမြစ်များ

Matiu 10:5

Nae Iesus ke baꞌe pana tangulelu ba lua nginngina ka potongana kerea roma, “Miau sana ngaka loa ta ragau ra sana ri ra Iura, ba sana ngaka lu ta maga kunna te e bollau orae Sameriame.

Pangamologa E Pe Ae Ion Paꞌe 1:37

Na ka ina barangalele lua rae Ion kanna ke longe ine role minmina, na keke loakurumea Iesus.

Pangamologa E Pe Ae Ion Paꞌe 11:45

Minmina na ragau papatu nga Iura nginngina reke loa ta kelange Maria beke kele killa laeala e bollau ae Iesus kuma kia ka loreapatokona te i.

Pangamologa E Pe Ae Ion Paꞌe 4:29

“Ka atu ngaka kele agau te ore ture baingaume kinung re pala te iau. Ka i ae Karais nanguni.”

Pangamologa E Pe Ae Ion Paꞌe 4:30

Minmina na ri keke lelemalaga nga maga kunna e bollau, na keke lola ta ri kelange Iesus.

Pangamologa E Pe Ae Ion Paꞌe 4:38

Iau ka ba miau ta lalange kaning a miau ka sana ka kuma kia. Ragau pattoto keke kuma ka kumangng e bollau tapu, ba miau kaka lale kaning a ri ke kume.”

Pangamologa E Pe Ae Ion Paꞌe 4:40

Ka baina ka inae Sameriame ke atu te Iesus, na keke ballage ta i momong kala nge ri. Na i ke momo kala nge ri ka kae lua.

Pangamologa E Pe Ae Ion Paꞌe 4:42

Ba keke rorole ka avale laeala roma, “Mangng ka sana lomangngpatokona kurumea rolengang ka pangamologa mana. Ke sa. Ta sonrau na mangng ka longotape pangamologa a kanna ka mangng muni longamangngme. Ba ka lomangngmatana roma, agau laekia ka i ae Aravunglelekana orae ragau re nga mogalo laekia e ngape mannangana.”

Pangamologa E Pe Ae Ion Paꞌe 4:5

Na ke lele nga maga kunna te e bollau ngallo ngae Sameria eke patoe kae Saikar, kokoro ta mogalo inae Iekop tunge ta tuna ae Iosep pala.

Pangamologa E Pe Ae Ion Paꞌe 4:8

(I ke kalungu me kurumea, barangalele ra kanna ke sane ke momo. Keke loa ta koling kaning nga maga kunna e bollau.)