Pangamologa E Pe Ae Ion Paꞌe 4:16 - Mengen

¹⁶ Nae Iesus ke role kia roma, “Loa ngo kiue ningtale, na onemea ngaka galiu.”

Pangamologa E Pe Ae Ion Paꞌe 4:16 ပူးပေါင်းရင်းမြစ်များ

Pangamologa E Pe Ae Ion Paꞌe 1:42

Ngarume na i ke loa kae Saimon te Iesus. Nae Iesus ke kela te i, na ke role kia roma, “Ka one ae Saimon a i ae Ion tuna. Giang nge Sipas” (eke patoe kae Pita).

Pangamologa E Pe Ae Ion Paꞌe 21:17

Nae Iesus ke ballage Pita ka balinglagangana kia a mologi roma, “Ion tuna ae Saimon, one ko materaumana iau?” Nae Iesus balinglagangana kae Pita ine ballage pa mologi roma, “One ko materaumana iau?” ke bai ka lotani ngallo nge Pita. Minmina na i ke role kae Iesus roma, “Avolau, one ka longmatana ka orume kinung. Ka longmatana roma, iau ka materaumana one.” Nae Iesus ke role kia roma, “Ngo pakania sipsip rae iau reke sisina.

Pangamologa E Pe Ae Ion Paꞌe 4:15

Na avale laeala ke role kia roma, “Avolau, ngo tunge me laeala te iau nga baina sana nga matekau me muni. Ba sana nga tatu ta olenge me nga inaekia e ngatauga muni.”

Pangamologa E Pe Ae Ion Paꞌe 4:17

Na i ke ale roma, “Ka sana nautale te.” Nae Iesus ke role kia roma, “Ko role masi ino role roma, ka sana ningtale te,

Pangamologa E Pe Ae Ion Paꞌe 4:18

ta pala na ka ningtaleme ka ri lima. Ba apanung a one momo kala nge i sonrau ka sana i a ningtale. Oru a one rolea ka kaomannmannangana kia.”

Iburume 4:13

Ka sana otte a Nutu koipage ko nga raguna. Ke sa. Orume kinung keke momo nga karakarangana ba keke momopota ngae Nutu matana kanname. Ba ngarume na ita kaka la turungpotange baingarame kinung purea te i.

Pangapota 2:23

Ba iau ka la balingpununge goe rae i, na ngeke mate. Na ra lopatokonakana ginungareame kinung nga loreamatana roma, ka iau a i e ella lulu lakallo ta ragau ramareame ba loreame. Ba iau ka la tungnge alang ta kenakena nge miau kurumea kumangng ra kanna.