Pangamologa E Pe Ae Ion Paꞌe 3:28 - Mengen

²⁸ Miau muni ka lomiaumatana tapu ka pangamologangau ina iau role roma, ‘Ka sana iau ae Karais. Ke sa. Ka iau a agau a Nutu baꞌe ngamuga nge Karais.’”

Pangamologa E Pe Ae Ion Paꞌe 3:28 ပူးပေါင်းရင်းမြစ်များ

Matiu 3:3

Bae Ion ka i a agau laeala ama agau e toe Nutu kaona a giana nge Aisaia role te pala ine role roma, “Agau te kalingngana ke kurkura nga ina a sana ragau ngia roma, ‘Ngaka kalitupe pamau ae Avolau, ba ngaka patupe pamaume ta i taonga ngi.’”

Pangamologa E Pe Ae Luk Paꞌe 1:76

Minmina na one a goe, ngarume na keke la patongo one ka agau e toe Nutu E Ngailu Raumana kaona. Ta one ko la taoangamuga ka agau ae Nutu la bange ngarume ta salange pamau ae i.

Pangamologa E Pe Ae Ion Paꞌe 1:20

I ke sane kauli ava ke turupota roma, “Ka sana iau ae Karais.”

Pangamologa E Pe Ae Ion Paꞌe 1:23

Nae Ion ke ala rea ka pangamologa a Aisaia a i a agau e toe Nutu kaona paꞌe pala roma, “Ka iau a agau e kurkura kalingngana nga ina a sana ragau ngia roma, ‘Ngaka patupe pamau ae Avolau.’”

Pangamologa E Pe Ae Ion Paꞌe 1:25

keke ballage roma, “Ngaroma sana one ae Karais, o Ilaia, o agau laeala e toe Nutu kaona, na ke meimia na one ko pamagoegoea ragau?”

Pangamologa E Pe Ae Ion Paꞌe 1:27

I ka i a agau e atu ngarume nge iau, ba ka sana iau a agau e pe ta iau polange oalo nge nga kesingsilagi ngae i.”