Pangamologa E Pe Ae Ion Paꞌe 3:13 - Mengen

¹³ Ka sana agau te loapatae be lu lakallo ta Nutu mallena nga tava. Agau Tuna kasikena ore atupisigi nga Nutu mallena nga tava, i mana ka lonamatana ka inaeala.

Pangamologa E Pe Ae Ion Paꞌe 3:13 ပူးပေါင်းရင်းမြစ်များ

Matiu 28:20

Ba ngaka palomatana rea ta ri loangakurumea orume kinung ra iau bapaga miau ki. Ba iau nga role kamiau ka kaomannmannangana roma, iau ka la momong kala nge miau passavele. Ka la momong kala nge miau ta nge lele nga kae a ronga.”

Matiu 8:20

Nae Iesus ke ale roma, “Gauve ra pinolo ka karea mallerea ta ri momong ngi, ba manu reke lolo nga tava ka ginureame, avae Agau Tuna ka sana mallena ta i pakenonge kunna ngia.”

Pangamologa E Pe Ae Ion Paꞌe 1:18

Ka sana agau te kele Nutu ka kae te, avae Nutu Tuna a i kena mana ore momo nge Tamana bavana ke papote Nutu.

Pangamologa E Pe Ae Ion Paꞌe 13:3

Avae Iesus ka lonamatana roma, Tamana ke ule orume kinung nga kamana tapu. Ba ka lonamatana roma i ke pa nge Nutu, na nge galiu muni te Nutu.

Pangamologa E Pe Ae Ion Paꞌe 17:5

Tamau, sonrau na ngo pavolaue giau nga ragung ka giau bolinglaungana laeala e momo pala kala nge one ina mogalo laekia e ngape sane lele tale.

Pangamologa E Pe Ae Ion Paꞌe 3:12

Iau ka role kamiau ta oru re nga mogalo laekia e ngape ava ka sana lomiaupatokona. Na ka la lomiaupatokona mina ngaetai ngaroma iau nga role kamiau ta oru re nga Nutu mallena nga tava?

Pangamologa E Pe Ae Ion Paꞌe 3:31

“Agau e pa ngailu ke ngailu nga ragau kinung. Agau e nga mogalo ka orae mogalo, ba i ke rorole ma i a agau e nga mogalo. Agau e pa nga Nutu mallena nga tava ke ngailu nga ragau kinung.

Pangamologa E Pe Ae Ion Paꞌe 6:33

Iau ka role minmina ta beret a Nutu tungtunge ka i a i e atupisigi nga Nutu mallena nga tava, be tungtunge mauling ta ragau re nga mogalo laekia e ngape.”

Pangamologa E Pe Ae Ion Paꞌe 6:38

Iau ka role minmina ta iau ka sana atupisigi nga Nutu mallena nga tava ta loangakurumea iau muni laungana. Ke sa. Iau ka atupisigi nasai ta loangakurumea i e ba iau lonangana.

Pangamologa E Pe Ae Ion Paꞌe 6:42

Ba keke rorole roma, “Aekia ka i ae Iesus a i ae Iosep tuna, ba ita ka loramatana ka tamana bae naname. Ke meimia, na i ke role sonrau roma, i e atupisigi nga Nutu mallena nga tava?”

Pangamologa E Pe Ae Ion Paꞌe 6:46

Ka sana agau te kele Tamau. I mana e pa nge Nutu; i kasikena ke kele Tamau.

Pangamologa E Pe Ae Ion Paꞌe 6:51

Ka iau a beret e momomauli ore atupisigi nga Nutu mallena nga tava. Agau e kania beret laekia ke la momong mauli passavele. Ba beret laekia ka i a mirau, a iau la tungnge ta baina ragau re nga mogalo laekia e ngape ngeke momomauli.”

Pangamologa E Pe Ae Ion Paꞌe 6:62

Kaka la maingamia ngaroma ngaka kele Agau Tuna ine loapataetae ta inaeala a i momo ngia pala?

Pangamologa E Pe Ae Ion Paꞌe 8:42

Nae Iesus ke role kerea roma, “Ngaroma nga tamamiau nge Nutu ka kaomannmannangana, na miau ngaka materaumana iau, ta iau ka pa nge Nutu na ka momo ikia. Iau ka sana atu mana ka laungana. Ke sa. I ke ba iau.

Aposelme 2:34

Revit muni ke sane lopatae lakailu ta tava, ava i ke role roma, “‘Nutu a i ae Avolau ke role kae Avolaukau roma: “Ngo tara nga bava nga kamau e pe nga malle a alangpaga

Aposelme 20:28

Ngaka ella te miau masi ba ngaka ella masi ta ra lopatokonakana rae Kannu E Tupu tungu rea ta miau kelangpatali te ri. Ngaka ella masi ta re nga ginunga ae Nutu onra i koli rea ka i muni totona. Ngaka ella masi te ri ma agau e ella masi ta sipsip rae i.

Lau Ae Pol Paꞌe Ta Re Ngae Rom 10:6

Ava nga bainga e nga lopatokona te Nutu ta leleng tupu nga raguna, Lau Ae Nutu Kanna ke role roma: “Sano ngo ballaga ngallo nge one roma, ‘Tai ke la loangapatae ta Nutu mallena nga tava?’” (Balinglaga laeala ka mirana roma, tai ke la loangapatae ta atungpisigi kae Karais),

1 Korin 15:47

Agau e kapunu ka ore nga mogalo, ba ka i a magavusa. Ava agau a lua ka ore nga Nutu mallena nga tava.

Epesus 1:23

Ka ri rae Karais mirana. Ka ri ra mira orae Karais paponue ka i muni. Ke paponue ri kinung ba ke momo ngallo nge ri kinung.