Pangamologa E Pe Ae Ion Paꞌe 20:15 - Mengen

¹⁵ Nae Iesus ke role kia roma, “Avale laekolong, ko meimia o tantani? Ko sissilia tai?” Nae Maria ka lonavavai roma, ka i a agau e ellapatali ta ura laeala. Minmina na i ke role kia roma, “Apanung laekolong, ngaroma ngo ravupatali kia, na ngo turu pakau ka ina one ule ngia. Na nga rave.”

Pangamologa E Pe Ae Ion Paꞌe 20:15 ပူးပေါင်းရင်းမြစ်များ

Matiu 12:34

Miau ra mue ra koatali, bainga reke sosoali keke ponu nge miau. Minmina na miau kaka la rolenge onreke pepe mina ngaetai? Iau ka role minmina kurumea, agau kaona ke rorolea taru e momo ngallo nga lona.

Matiu 28:5

Ava anggelo laeala ke role ka ravale lua nginngina roma, “Sana ngaka matau kurumea, iau ka laumatana roma, onemea kaka atu ta kelanga te Iesus orame ke katupite nga maiskovu.

Pangamologa E Pe Ae Mak Paꞌe 16:6

Na i ke role kerea roma, “Sana ngaka matau. Iau ka laumatana roma, miau kaka sissilia Iesus e ngae Nasaret a ri ke katupite nga maiskovu. Ava ke sane momo nakai. Ke sigipaga tapu nga mateng. Ngaka kele malle eke pakenoe ngia pala.

Pangamologa E Pe Ae Luk Paꞌe 2:44

Nae tamana bae naname ka loreangana roma, i e tatao kala nga ragau. Ava ka kae kena tapu, na ri keke sissilia ngaliua nga kolingarea memena ba ragau rae ri.

Pangamologa E Pe Ae Luk Paꞌe 24:5

Na ravale nginngina keke toatula ta mogalo ka mataungarea, ava pana lua nginngina keke role kerea roma, “Ke meimia aka sissilia agau e mauli nga malle a reke mate?

Pangamologa E Pe Ae Ion Paꞌe 1:38

Minmina nae Iesus ke kampiliu, na ke kela rea ineke tataokurumea, na ke ballaga rea roma, “Kaka meimia?” Na keke role roma, “Rabai” (a mirana roma Apangalomatanakana), “one ko mommo nga ine ngaetai?”

Pangamologa E Pe Ae Ion Paꞌe 18:4

Avae Iesus ka lonamatana tapu ka orume kinung reke la leleng nge i ngarume. Minmina na i ke loa te ri ba ke ballaga rea roma, “Kaka ella te tai?”

Pangamologa E Pe Ae Ion Paꞌe 18:7

Minmina nae Iesus ke ballaga muni roma, “Kaka ella te tai?” Na keke role roma, “Iesus e ngae Nasaret.”

Pangamologa E Pe Ae Ion Paꞌe 20:13

Na keke ballage roma, “Avale laekolong, ko meimia o tantani?” Na i ke ala rea roma, “Keke ravupatali kae Avolau ae iau, ba ka sana laumatana roma, keke pulia nga ine ngaetai.”