Pangamologa E Pe Ae Ion Paꞌe 2:25 - Mengen

²⁵ I ke sane momalle agau te ta i turunglomatana te i ka ragau baingareanganame kurumea, i ka lonamatana tapu ka oru reke momo ngallo nga ragau.

Pangamologa E Pe Ae Ion Paꞌe 2:25 ပူးပေါင်းရင်းမြစ်များ

Matiu 9:4

Avae Iesus ka lonamatana tapu ka ore momolu ngallo nga ramareame, minmina na i ke role kerea roma, “Kaka meimia na lovaingana reke sosoali ke umma ngallo nga lomiaume?

Pangamologa E Pe Ae Ion Paꞌe 1:42

Ngarume na i ke loa kae Saimon te Iesus. Nae Iesus ke kela te i, na ke role kia roma, “Ka one ae Saimon a i ae Ion tuna. Giang nge Sipas” (eke patoe kae Pita).

Pangamologa E Pe Ae Ion Paꞌe 1:47

Ka inae Iesus kele Nataniel ine tatu te i, na ke role roma, “Ngaka kele. Israel te mannangana ora sana otte a goanga momo nge i.”

Pangamologa E Pe Ae Ion Paꞌe 13:11

Iesus ke role minmina kurumea, i ka lonamatana tapu ka tai e la ulonge nga reke bai ta baingasoalinge kamareame. Minmina na i ke role roma, “Miau kaka lelle, ava ka sana miau kinung.”

Pangamologa E Pe Ae Ion Paꞌe 6:61

Bae Iesus ka lonamatana ina barangalele ra kanna ke lola ka kaorea kia ka pangamologangana nginngina. Minmina na i ke role kerea roma, “Pangamologangau nginngina keke papu miau ae?

Pangamologa E Pe Ae Ion Paꞌe 6:64

Ava ka palu nge miau ra sana loreapatokona.” Iesus ke role minmina ta i ka lonamatana pala nga orume pangaturu ngareangana ka ragau re nge ri ra sana loreapatokona te i, ba agau e la ulonge nga reke bai ta baingasoalinge kamareame.