Pangamologa E Pe Ae Ion Paꞌe 18:8 - Mengen

⁸ Bae Iesus ke ala rea roma, “Ka role kamiau tapu roma, ka iau a i. Ngaroma ngaka ella te iau, na ngaka baꞌe ra kokorai reke momo kala nge iau ngeke lao.”

Pangamologa E Pe Ae Ion Paꞌe 18:8 ပူးပေါင်းရင်းမြစ်များ

Matiu 26:56

Ava oru kokorai kinung keke lele ta baina pangamologa ra reke toe Nutu kaona ke pa rea pala nga Lau Ae Nutu Kanna ngeke lele mannangana.” Na barangalele rae Iesus kanna kinung keke kaꞌe ba keke ka.

Pangamologa E Pe Ae Ion Paꞌe 10:28

Iau ka tungtunge mauling e momo passavele te ri, ba ke sane ke la saningrea. Ba sana nga agau te nge saipita kerea nga kamau lagapotu.

Pangamologa E Pe Ae Ion Paꞌe 13:1

Na kae mannangana e nga kaninge Kaning E Bollau E Nga Paska ke lele kokoro. Minmina nae Iesus ka lonamatana roma, kae e ta i kange mogalo laekia e ngape ba loanga te Tamana ke lele tapu. Ka kae re pala kinung, na i ke umma ta matengraumanange ragau rae i re nga mogalo laekia e ngape ta ke lola, ta ke lele nga kae ae i a ronga.

Pangamologa E Pe Ae Ion Paꞌe 13:36

Nae Saimon Pita ke ballage roma, “Avolau, ko la loanga laetai?” Nae Iesus ke ale roma, “Ina iau la loanga te, sono la loanga kurume iau te sonrau. Ava ngarume na ko la loanga kurume iau ta inaeala.”

Pangamologa E Pe Ae Ion Paꞌe 16:32

Ngaka longo. Kae te ke tatu ina miau ka la kanga iau ta iname kalaoveka. Ba kae laeala ikia e lele tapu. Ba kenakena nge miau ke la kanga ta bale ae i, na iau ka la momong mana me iau. Avae iau sana la momong mana me iau ta Tamau ke la momong kala nge iau tale.

Pangamologa E Pe Ae Ion Paꞌe 18:7

Minmina nae Iesus ke ballaga muni roma, “Kaka ella te tai?” Na keke role roma, “Iesus e ngae Nasaret.”

Pangamologa E Pe Ae Ion Paꞌe 18:9

Iesus ke role minmina ta baina pangamologa ame role kae Tamana kia pala nge lele mannangana ine role roma, “Iau ka sana pasanrea ka agau te nga ragau ra one tungu rea te iau.”

1 Korin 10:13

Avanga ra miau ka kanimaimai rea keke umma ta leleng nga ragau kinung bole, avae Nutu sane la kanga miau. Ba i sane nge patolo miau ka avanga ora sana kamiau ka gingginga ta tolonge. Ava nga ina avang nge lele nge miau, nae Nutu nge kuma ka pamau ta miau kangapatali nga avanga laeala bole, ta baina nga kamiau gingginga ta tolonge.

2 Korin 12:9

Ava i ke role kau roma, “Lopengana ae iau a iau tungtungumane ke la kalaunga one kurumea, agau likinasangana ke papote ginggingngau mannangana.” Minmina na iau ae Pol ka la lausereng raumana ta mulianga ka likigusanganame, ta baina Karais ginggingngana nge momo nge iau.

Epesus 5:25

Miau rapanung ngaka materaumane namiaupengana memena baseme Karais ine materaumane ra lopatokonakana ba ke tunge i muni ta mateng te ri.

1 Pita 5:7

Ngaka tunge maenang rae miau kinung te i kurumea, i ka lonavavai raumana te miau.