Pangamologa E Pe Ae Ion Paꞌe 18:25 - Mengen

²⁵ Nae Saimon Pita ke meisinsi ba ke mallmallu tale, minmina na reke meisinsi kala nge i keke ballage roma, “Ka one a barangalele a kanna te bole ae?” Nae i ke kausikala ka rolengana roma, “Iau, ke sa.”

Pangamologa E Pe Ae Ion Paꞌe 18:25 ပူးပေါင်းရင်းမြစ်များ

Matiu 26:69

Nae Pita ke tattara ngapotu nga malle e ngallo nga bale laeala kana savanau. Ba malaui te akumangngatulu ke loa te i na ke role kia roma, “One ko momo kala nge Iesus e ngae Galili pala bole.”

Pangamologa E Pe Ae Mak Paꞌe 14:66

Na ka inae Pita tattara nga malle e ngape ngallo nga bale laeala kana savanau, na malaui te a i a akumangngatulu orae piris e kapunu kanna ke atu.

Pangamologa E Pe Ae Luk Paꞌe 22:55

Na kurtalinglingme keke patue sia ngaliua nga malle e ngallo nga savanau ore nga bale laeala, ba keke tattarataliue. Bae Pita ke tara kala nge ri bole.

Pangamologa E Pe Ae Luk Paꞌe 22:56

Na malaui te akumangngatulu ke kele Pita ine tattara nga sia lamana, na ke kelananne ba ke role roma, “Pala na agau laekolong ke momo kala nge Iesus bole.”

Pangamologa E Pe Ae Luk Paꞌe 22:57

Avae Pita ke kaulikala ka rolengana roma, “Avale laekolong, iau ka sana laumatana kia.”