Pangamologa E Pe Ae Ion Paꞌe 18:17 - Mengen

¹⁷ Na avale a akumangngatulu ore ella ta biunga ke role kae Pita roma, “Ka one a barangalele a agau laeala te bole nanguni.” Nae Pita ke ale roma, “Iau, ke sa.”

Pangamologa E Pe Ae Ion Paꞌe 18:17 ပူးပေါင်းရင်းမြစ်များ

Matiu 26:33

Avae Pita ke ale roma, “Ngaroma ragau kinung ngeke ka one nga ineke kele oru reke lele nge one, na iau sana la kanga one.”

Pangamologa E Pe Ae Luk Paꞌe 22:54

Nae keke laue Iesus, ba keke loa kia lakallo ta bale ae piris e kapunu. Bae Pita ke lolakurume rea bole, ava ke momo ngatauga nge ri isura.

Pangamologa E Pe Ae Ion Paꞌe 18:16

Avae Pita ke meisinsi ngapotu nga savanau kana biunga. Ka baina barangalele laeala ora piris e kapunu lonamatana kia ke galiu, na ke role ka avale e ella ta savanau kana biunga ba ke ravulue Pita lakallo.

Pangamologa E Pe Ae Ion Paꞌe 18:25

Nae Saimon Pita ke meisinsi ba ke mallmallu tale, minmina na reke meisinsi kala nge i keke ballage roma, “Ka one a barangalele a kanna te bole ae?” Nae i ke kausikala ka rolengana roma, “Iau, ke sa.”

Pangamologa E Pe Ae Ion Paꞌe 18:5

Na keke ale roma, “Mangng ka ella te Iesus e ngae Nasaret.” Nae Iesus ke role roma, “Iau a i.” Bae Iuras, a i agau e umma ta ulonge Iesus ta kamareame, ke meisinsi kala nge ri nga inaeala bole.

Pangamologa E Pe Ae Ion Paꞌe 18:8

Bae Iesus ke ala rea roma, “Ka role kamiau tapu roma, ka iau a i. Ngaroma ngaka ella te iau, na ngaka baꞌe ra kokorai reke momo kala nge iau ngeke lao.”

Pangamologa E Pe Ae Ion Paꞌe 21:15

Minmina na, ka ineke kani tapu, nae Iesus ke ballage Saimon Pita roma, “Ion tuna ae Saimon, matengraumanangang kau ke bollau nga ra kokorai matengraumana ngareangana kau?” Nae Pita ke ale roma, “Iii Avolau, one ka longmatana roma, iau ka materaumana one.” Nae Iesus ke role kia roma, “Ngo pakania sipsip goekia rae iau.”

Aposelme 12:13

Ka inae Pita piragragi nga biunga e ngapotu, na akumangngatulu te ora malaui a giana nge Rota ke atu ta lonamatanangana ka piraging laeala.