Pangamologa E Pe Ae Ion Paꞌe 17:15 - Mengen

¹⁵ Iau ka sana balaglaga one ta ravungmalaga rea nga mogalo laekia e ngape. Ke sa. Ka balaglaga one ta lengatotokala rea ta bainae Satan sane nge baisoali rea.

Pangamologa E Pe Ae Ion Paꞌe 17:15 ပူးပေါင်းရင်းမြစ်များ

Matiu 5:37

Ava nga ino ngo role roma, ‘Iii.’ na iii laeala nga kaomannmannangana kia. Ba nga ino ngo role roma, ‘Ke sa.’ na ke sa laeala nga kaomannmannangana kia bole. Pangamologa pattoto ra ri ke ulopai rea nga pangamologa nginngina ka onreke sosoali reke pa nge Satan mana.

Matiu 6:13

Ba sono ngo taoamuga ka mangng lakallo ta avangame, ava ngo ravumalaga mangng patali nga oru reke sosoali.’

Pangamologa E Pe Ae Luk Paꞌe 11:4

Ba ngo osurure baingamangng reke sosoali, ta mangng muni ka umma ta osungrurunge bainga reke sosoali ra ragau kinung ke bavai rea te mangng bole. Ba sono ngo taoamuga ka mangng lakallo ta avangame.’”

Pangamologa E Pe Ae Luk Paꞌe 22:32

Ava iau ka kava te Nutu tapu ta i kalaunga one ta baina lopatokona ae one nga manenasa ronga. Ba nga ino one ngo kampiliu muni, na ngo paginggingia kolingang memena.”

Galesia 1:4

Bae Iesus ka i a i e tunge i muni maulingngana ma i a tunga te Nutu ta osungrurunge baingara reke sosoali. Ke kuma minmina ta baina i nge ravulele ita nga kae re sonrau reke sosoali kurumea Nutu ae ita ba Tamara lonangana.

2 Tesalonaika 3:3

Avae Avolau ke sane la kanga ita, ba i ke la pangaginggingi miau ba nge kelapatalimasi te miau ta bainae Satan sane nge baisoali miau.

2 Timoti 4:8

Ba sonrau na kuru e nga agau e lele kapunu nga pirang rongana iale momalla iau. Ka i a kuru e nga agau ae Nutu patoe ka agau a baingana tupu nga raguna. Ka i a kuru ae Avolau a i a Akalingnanakana e tupu la tungnge te iau nga kae e nga kalingnana ngarume. Ba i ke sane la tungnge te iau kasikegu. Ke sa. Ke la tungnge ta ragau kinung reke ella beke momalla ta lelengana.

1 Ion 5:18

Ita ka loramatana roma, agau a i a goe ae Nutu ke sane bavaia bainga reke sosoali nge Nutu raguna. Ke sa. Nutu Tuna ke kelapatantali te i, minmina nae Satan sane nge kali kia.

1 Ion 5:19

Ita ka loramatana roma, ka ita ra goe rae Nutu. Ba ka loramatana roma, ragau re nga iname kinung nga mogalo laekia e ngape keke momo ngape nga Satan ginggingngana.