Pangamologa E Pe Ae Ion Paꞌe 16:20 - Mengen

²⁰ Iau nga role kamiau ka kaomannmannangana roma, miau kaka la taning ba nga lomiautani, ava re nga mogalo laekia e ngape nga loreasereng. Miau nga lomiautani, ava ngarume na lotaningngana laeala ae miau ke la kamongpiliu, na nge lele i a lomarapaga.

Pangamologa E Pe Ae Ion Paꞌe 16:20 ပူးပေါင်းရင်းမြစ်များ

Matiu 21:38

“Ava ka ina ragau nginngina ra i paꞌtalo rea ke kele tuna, na ri keke palirole kerea roma, ‘Aekia ka i a ura tamana tuna. Ita ngaka sapune nga baina nga kara ka ura laekia.’

Matiu 5:4

Ragau ra loreatani nga loreasereng, ta Nutu ke la pangalopea loreame.

Pangamologa E Pe Ae Mak Paꞌe 14:72

Ba ka panna laeala mana, na kukulega te ke toako ka toangakongana a lua. Nae Pita ka lonagaliu ta pangamologa ae Iesus kanna ine role kia pala roma, “Pala ta kukulega toangako pa lua, na one ko la kaulingkala iau pa mologi.” Nae Pita ke tani raumana.

Pangamologa E Pe Ae Mak Paꞌe 16:10

Nae Maria ke loa ta ra nginngina reke momo kala nge Iesus pala, ba i ke kalipa kerea ineke tantania Iesus ba ka loreavavai te i, na ke turulomatana te ri.

Pangamologa E Pe Ae Luk Paꞌe 22:45

Ka ine rongo ka kavangana ba ke sigipaga, na ke galiu ta barangalele ra kanna. Ava ka ine lele nge ri, na keke kenrarau ka loreataningana.

Pangamologa E Pe Ae Luk Paꞌe 22:62

Nae Pita ke lelemalaga lagapotu ba ke tani raumana.

Pangamologa E Pe Ae Luk Paꞌe 23:27

Na ragau papatu keke lolakurume rea, ba ravale palu nge ri keke tantania Iesus kaligi.

Pangamologa E Pe Ae Luk Paꞌe 24:17

Minmina na i ke ballaga rea roma, “Onemea kaka palirorole kamiau ta taru inaka tatao?” Na ri pana lua keke meisi ka ragureasongana,

Pangamologa E Pe Ae Luk Paꞌe 24:21

Pala na mangng ka lomangng ngana roma, i la ravunggaliunge re ngae Israel ngae Rom kamana, ava sonrau ka i a kae a mologi ngarume nga oru nginngina lelengareangana.

Pangamologa E Pe Ae Luk Paꞌe 6:21

Miau ra mate kamiau sonrau nga lomiausereng, ta ngarume nae Nutu ke la pangaponu miau. Miau raka tantani sonrau nga lomiausereng, ta ngarume na miau kaka la mangaliling.

Pangamologa E Pe Ae Ion Paꞌe 16:33

“Iau ka role paka miau ka oru kokorai, ta baina ngaka kalapita nge iau, na momongpengana nge momo ngallo nga lomiaume. Miau kaka la kaningmainge maenangme ina miau ka mommo nga mogalo laekia e ngape. Ava ngaka meisgingging, ta iau ka ulopisigia oru re nga mogalo laekia e ngape tapu.”

Pangamologa E Pe Ae Ion Paꞌe 16:6

Ba siamiaume keke maena kurumea oru kokorai ra iau role rea paka miau.

Pangamologa E Pe Ae Ion Paꞌe 20:20

Ba ka ine role minmina tapu, na i ke pakosining rea ka kamaname. Ba ke pakosining rea ka bavana bole. Minmina na ri ka loreasereng raumana ineke kele Avolau.

Aposelme 5:41

Na aposelme keke kaꞌe Ginunga Nga Reke Taoamugmuga Ka Iurame ka loreaserengngana kurumea, Nutu ke kinpataea giareame ka ine ngata ta ri ngeke rave balenga kurumea lopatokona ae ri te Iesus.

Lau Ae Pol Paꞌe Ta Re Ngae Rom 5:11

Ba ke sane minmina mana. Ke sa. Ngallo nge Iesus Karais A Avolaukita a i a baingaꞌiu laeala rongngana, ita ka lorasereng raumana kae Nutu sonrau bole.

2 Korin 6:10

ba ka ina lomangngme ke tantani ava ka lomangngsereng palimule, ba ka ina mangng ra sillolo ava mangng ka bavaia ragau papatu ta ri ra ra kilipukana, ba ka ina sana kamangng otte ava ka kamangng ka orume kinung.

Galesia 5:22

Ava agau orae Kannu E Tupu kumkuma ngallo nge i ke umma ta pangakosining ka bainga onreke pepe basema: bainga e nga matengraumanange ragau pattoto, ba bainga e nga lomarapaga e pa nge Nutu, ba bainga e sana lopupungana ta momongana, ba bainga e nga malong, ba bainga e nga lonana, ba bainga e nga tunga oru ta kalaunge ragau, ba bainga e nga lokalangana,

1 Tesalonaika 1:6

Na miau kaka tao masi kurumea baingamangngme, ba kaka tao masi kurumea Avolau minakai roma: miau kaka kanimaia miralali reke bollalau raumana, ava miau ka lomiaungatakale pangamologa a mangng pulimalage ka lomarapaga ae Kannu E Tupu tunge te miau.

Iems 1:2

Kolingau memena ngallo nge Karais, nga ina nga maenang matantana ngeke lele nge miau ta ri avanga miau, na miau nga lomiaungana roma ka i a ore nga serenga mana.

Lau Ae Iut Paꞌe 1:24

Iala na, iau ka la kalangapage Nutu ora kana ka gingginga ta kelangpatali masi te miau ta baina miau sana ngaka pupu. Ba ka kana ka gingginga ta bainga kamiau ta miau ra ragau onra agau te sane totorong ta patonge baingarea te e soali ba ragau reke ponu ka lomarapaga raumana nga ina miau nga maisi ngamuga nge i nga mallena a kana ka olamana e toakala raumana.

Pangapota 11:10

Ba ragau reke momo nga mogalo laekia e ngape ka la loreaserengkalange ri pana lua matengarea. Ba keke la palingvanga ka tungame te ri. Keke la kumangng minmina kurumea, ragau lua nginngina reke toe Nutu kaona keke pamiralalia ragau reke momo nga mogalo laekia e ngape raumana.

Pangapota 18:7

I ke kinpataea giana raumana, ba ke kuma ka bainga re nga pamau luana ka ri papatu, minmina mana na miau ngaka tunge lotani ba miralali papatu te i. Ngaka kuma minmina kurumea, ngallo nga lona i ke murara roma, ‘Iau a avale ka tattara nga tarang ae iau e nga kelangpatali, ka sana iau a avale a kononi ora natale matepatalia, ba iau ka sana la lautani ka kae te.’