Pangamologa E Pe Ae Ion Paꞌe 15:20 - Mengen

²⁰ Nga lomiaugaliu ta pangamologa ramra iau role kamiau ki pala roma, ‘Akumangngatulu ke sane bollau nga avolaukia.’ Ngaroma ri ngeke pamiralali iau, na keke la pangamiralali miau bole. Ngaroma ri ngeke longo ta pangamologa ra kanau, na keke la longa ta pangamologa ra kanmiau bole.

Pangamologa E Pe Ae Ion Paꞌe 15:20 ပူးပေါင်းရင်းမြစ်များ

Matiu 10:24

“Apangalomatanakana goe a kanna ke sane momo ngailu nga apangalomatanakana ae i. Ba agau a i a akumangngatulu ke sane momo ngailu nga avolaukia bole.

Pangamologa E Pe Ae Mak Paꞌe 10:39

Na ri pana lua keke ale roma, “Mangng ka totorong.” Nae Iesus ke role kerea roma, “Onemea kaka la inung nga gato a iau la inung ngia. Ba kaka la ravunge pangamagoe a iau la ravunge.

Pangamologa E Pe Ae Luk Paꞌe 2:34

Ka bainae Simeon ke kavitulu rea, na ke role kae Maria a i a goe naname roma, “Ngo long. Nutu ke pulia goe laekia ta pangapunge Israelme papatu, ba pangasigipagange papatu bole. I ke la momong base ma killa te, ba ragau papatu ngeke ketepalele kia.

Pangamologa E Pe Ae Luk Paꞌe 6:40

Ba apangalomatanakana goe a kanna te ke sane momo ngailu nga apangalomatanakana ae i. Ke sa. Ava nga ine nge rave lonamatanangana tapu, na i nga tongana kena mana ma apangalomatanakana ae i.

Pangamologa E Pe Ae Ion Paꞌe 10:31

Ka ine role minmina nae Iurame keke rave lollome muni ta ri tamalinge ki.

Pangamologa E Pe Ae Ion Paꞌe 11:57

Ba piris re kapunu bae Parisiome keke role gingging ka ragau roma, ngaroma agau te nga lonamatana ka malle a Iesus momo ngia, na nge ture nga baina ngeke laue.

Pangamologa E Pe Ae Ion Paꞌe 13:16

Iau nga role kamiau ka kaomannmannangana roma, akumangngatulu ke sane bollau nga avolaukia. Ba agau e loa ka pangamologa ke sane bollau nga agau e baꞌe ka pangamologa.

Pangamologa E Pe Ae Ion Paꞌe 5:16

Minmina nae Iurame keke umma ta pangamiralalia Iesus kurumea, i ke kumkuma ka oru nginngina ka kae a Sabat.

Pangamologa E Pe Ae Ion Paꞌe 7:32

Na ka inae Parisiome ke longe maluame ineke magungunu ka pangamologa nginngina re te Iesus, na ri kala nga piris re kapunu keke baꞌe ra kurtalingling re nga tempel ta ri launge.

Pangamologa E Pe Ae Ion Paꞌe 8:51

Iau nga role kamiau ka kaomannmannangana roma, agau a lonapatokona be lolakurumea pangamologangau ke sane la kelange mateng.”

Pangamologa E Pe Ae Ion Paꞌe 8:52

Ka ine role minmina nae Iurame keke role kia roma, “Ikia na ka lomangngmatana mannangana roma kannu e soali ke lu one. Abaram ke mate, ba ragau reke toe Nutu kaona keke mate bole. Ava one ko role roma, agau a lonapatokona be lolakurumea pangamologangang ke sane la kaningmainge mateng.

Pangamologa E Pe Ae Ion Paꞌe 8:59

Ka ine role minmina, na ri keke rave lollome ta ri tamalinge ki. Avae Iesus ke ko nge ri, na ke lelemalaga nga tempel.

Aposelme 14:22

Na keke umma ta pangagingginge barangalele rae Iesus kanna nga maga nginngina, ba keke pasiangge loreame ta ri taonga nga lopatokona ae ri palimule. Ba keke rorole kerea roma, “Ita ngaka taolu nga maenang papatu pala, ba ngarume na ita kaka la loangalu ta Nutu kelangpatalingana.”

1 Korin 4:12

Ba mangng ka kumkuma kamangnga muni ka kamamangngme. Ka ina ragau ke rorolebainga kamangng, na mangng ka balaglage Nutu ta i kavingtule ragau nginngina. Ka ina ragau ke pamiralalali mangng kurumea pagiungamangng ngana kala nge Karais, na mangng ka umma ta tolongamane maenang nginngina.

2 Korin 4:9

Keke pamiralali mangng palimule, avae Nutu ke sane ka mangng. Ba keke bali mangng palimule, ava ke sane ke rongo ka mangng bavakena.

1 Tesalonaika 2:15

Iura nginngina ka ri ra ragau reke sapune Iesus Avolau ba keke sapune ragau reke toe Nutu kaona. Ba keke taomalaga mangng bole. Ka ri ra ragau rae Nutu sana lonape kerea ba keke bavaiꞌiu ka ragau kinung.

2 Timoti 3:12

Ba ka kaomanna roma, ragau keke la pangamiralalinge ragau kinung reke matea ta loangakurumea taonga ae Nutu matea ragau reke pagiu kala nge Karais Iesus ta ri loangakurumea.