Pangamologa E Pe Ae Ion Paꞌe 14:25 - Mengen

²⁵ “Iau ka role kamiau ka oru kokorai ka ina iau mommo kala nge miau tale.

Pangamologa E Pe Ae Ion Paꞌe 14:25 ပူးပေါင်းရင်းမြစ်များ

Pangamologa E Pe Ae Ion Paꞌe 13:19

“Sonrau na iau ka rorole paka miau ka orume pala ta ri leleng, ta baina nga ine ngeke lele, na nga lomiaupatokona roma, ka iau a agau amae Nutu patokala pala ta i bange.

Pangamologa E Pe Ae Ion Paꞌe 14:24

Agau e sane materaumana iau ke sane lolakurumea pangamologa ra kanau. Ba pangamologa kokorai ra miau ka longlongo rea nge iau ka sana pangamologa ra kanau. Ke sa. Ka ri ra pangamologa rae Tamau e ba iau kanna.

Pangamologa E Pe Ae Ion Paꞌe 14:26

Avae Akalaungapaga, a i ae Kannu E Tupu ae Tamau la bange nga giau, i ke la pangalomatana miau ka orume kinung. Ba ke la rolengpage lomiaume ta pangamologame kinung ra iau role kamiau ki.

Pangamologa E Pe Ae Ion Paꞌe 14:29

Sonrau na iau ka role paka miau ka orume pala ta ri leleng, ta baina nga ine ngeke lele, na nga lomiaupatokona.

Pangamologa E Pe Ae Ion Paꞌe 15:11

Iau ka role kamiau ka oru kokorai, nga baina lomarapaga ae iau nge momo ngallo nge miau. Ba lomarapaga laeala e momo ngallo nge miau nge ponutalao.

Pangamologa E Pe Ae Ion Paꞌe 16:12

“Ka kanau oru papatu muni ta roleng ka miau ki, ava ke isopa ta miau longa rea sonrau.