Pangamologa E Pe Ae Ion Paꞌe 13:22 - Mengen

²² Na barangalele ra kanna keke palikela te ri, ba ka sana loreamatana roma i ke rorole te tai.

Pangamologa E Pe Ae Ion Paꞌe 13:22 ပူးပေါင်းရင်းမြစ်များ

Matiu 26:21

Ba ka ineke kaninni, na i ke role kerea roma, “Iau nga role kamiau ka kaomannmannangana roma, te e nge miau ke la ulongo iau nga reke la baingasoali iau kamareame.”

Matiu 26:22

Ka ineke longe pangamologangana laeala, na ri ka loreatani raumana. Na kenakena nge ri ke paturu ta balinglagange roma, “Avolau, iau ke sa ae?”

Pangamologa E Pe Ae Mak Paꞌe 14:18

Ba ka ineke tattara ka bongapaikalangarea kerea ta kaning nga pala, na i ke role kerea roma, “Iau nga role kamiau ka kaomannmannangana roma, te e nge miau ke la ulongo iau nga reke la baingasoali iau kamareame—ka i a te e nge miau raka kaninni kala nge iau.”

Pangamologa E Pe Ae Mak Paꞌe 14:19

Ka ineke longe pangamologangana laeala, na ri ka loreatani raumana. Na kenakena nge ri ke ballage roma, “Avolau, iau ke sa ae?”

Pangamologa E Pe Ae Luk Paꞌe 22:21

Ava agau laeala ore la ulongo iau nga reke la baingasoali iau kamareame ke momo kala nge iau nga pala laekia.

Pangamologa E Pe Ae Luk Paꞌe 22:23

Ka inae Iesus role minmina, na ri keke paturu ta palingbalinglaga rea roma, “Tai e nge ita ke la kumangng ka bainga laeala?”

Pangamologa E Pe Ae Ion Paꞌe 13:18

“Pangamologa laeala a kanau ke sane rave miau kinung. Iau ka laumatana ka ragau ra iau toro rea. Ava ollaekia ke la leleng ta baina pangamologa a ri ke paꞌe pala nga Lau Ae Nutu Kanna nge lele mannangana ine role roma, ‘Agau e kaninnia beret ae iau kala nge iau ke kinpataea kaena, na ke kesipita iau.’

Pangamologa E Pe Ae Ion Paꞌe 13:21

Ka inae Iesus role minmina tapu, na i ke kanimaia maenang ngallo nge i ba ke role roma, “Iau nga role kamiau ka kaomannmannangana roma, te e nge miau ke la ulongo iau nga reke la baingasoali iau kamareame.”