Pangamologa E Pe Ae Ion Paꞌe 13:18 - Mengen

¹⁸ “Pangamologa laeala a kanau ke sane rave miau kinung. Iau ka laumatana ka ragau ra iau toro rea. Ava ollaekia ke la leleng ta baina pangamologa a ri ke paꞌe pala nga Lau Ae Nutu Kanna nge lele mannangana ine role roma, ‘Agau e kaninnia beret ae iau kala nge iau ke kinpataea kaena, na ke kesipita iau.’

Pangamologa E Pe Ae Ion Paꞌe 13:18 ပူးပေါင်းရင်းမြစ်များ

Matiu 10:36

ba ragau reke momo nga bale ae agau te keke la baingaꞌiu ka agau laeala.’

Matiu 26:21

Ba ka ineke kaninni, na i ke role kerea roma, “Iau nga role kamiau ka kaomannmannangana roma, te e nge miau ke la ulongo iau nga reke la baingasoali iau kamareame.”

Matiu 26:23

Nae Iesus ke ala rea roma, “Ne kalalue kamana nga kato kala nge iau ke la ulongo iau nga reke la baingasoali iau kamareame.

Pangamologa E Pe Ae Mak Paꞌe 14:17

Ka ina kae barelu tapu, nae Iesus kala nga Pana Tangulelu Ba Lua keke lele.

Pangamologa E Pe Ae Mak Paꞌe 14:18

Ba ka ineke tattara ka bongapaikalangarea kerea ta kaning nga pala, na i ke role kerea roma, “Iau nga role kamiau ka kaomannmannangana roma, te e nge miau ke la ulongo iau nga reke la baingasoali iau kamareame—ka i a te e nge miau raka kaninni kala nge iau.”

Pangamologa E Pe Ae Mak Paꞌe 14:20

Nae Iesus ke ala rea roma, “Ka i a te e nge miau ra Pana Tangulelu Ba Lua. Ka i a te e nge miau raka kalalue beret nga kato kala nge iau.

Pangamologa E Pe Ae Luk Paꞌe 22:21

Ava agau laeala ore la ulongo iau nga reke la baingasoali iau kamareame ke momo kala nge iau nga pala laekia.

Pangamologa E Pe Ae Ion Paꞌe 13:21

Ka inae Iesus role minmina tapu, na i ke kanimaia maenang ngallo nge i ba ke role roma, “Iau nga role kamiau ka kaomannmannangana roma, te e nge miau ke la ulongo iau nga reke la baingasoali iau kamareame.”

Pangamologa E Pe Ae Ion Paꞌe 13:22

Na barangalele ra kanna keke palikela te ri, ba ka sana loreamatana roma i ke rorole te tai.

Pangamologa E Pe Ae Ion Paꞌe 13:26

Nae Iesus ke ale roma, “Ka i a agau a iau la bongalunge beret inaekia lakallo ta kato, na nga tunge te i.” Minmina na i ke bolue beret inte nga kato, na ke tunge te Iuras Iskariot, a i ae Saimon te tuna.

Pangamologa E Pe Ae Ion Paꞌe 15:16

Miau ka sana ka toro iau. Ke sa. Iau ka toro miau. Ba ka puli miau ta baina ngaka loa ba ngaka lele ma bega reke piaupiaue kanrea reke momo passavele, nga baina taru ra miau ka ballage Tamau tao nga giau, i nge tungu rea te miau.

Pangamologa E Pe Ae Ion Paꞌe 15:19

Taroma miau ra ragau re nga mogalo laekia e ngape, na teke materaumana miau ma ragau rae ri muni. Ava ka sana miau ra ragau re nga mogalo laekia e ngape. Ke sa. Ka miau ra ragau ra iau toro rea nga ragau re nga mogalo laekia e ngape. Minmina na re nga mogalo laekia e ngape keke la baingaꞌiu kamiau.

Pangamologa E Pe Ae Ion Paꞌe 15:25

Ava ri keke kuma minmina ta baina pangamologa a ri ke paꞌe pala ngallo nga Bangapaga rae ri nge lele mannangana ineke role roma: “Baingaꞌiungarea kau ka sana puna.”

Pangamologa E Pe Ae Ion Paꞌe 17:12

Ka ina iau mommo tale kala nge ri, na ka lengtotokalkala rea ka giang a one tunge te iau. Ba iau ka kelapatantali masi te ri. Ba ka sana te e nge ri sanrea, ava kena mana a i a agau a one la raunge kurumea pangamologa eke paꞌe pala nga Lau A Kaning.

Pangamologa E Pe Ae Ion Paꞌe 18:32

Ri keke role minmina ta baina pangamologa a Iesus rolea pala nge lele mannangana ine role ta mateng matana a i la mateng kia.

Pangamologa E Pe Ae Ion Paꞌe 19:24

Minmina na ra balingkana nginngina keke palirole kerea roma, “Ita sana ngaka pallamoe. Ke sa. Ita ngaka kintoto ta kelange tai ke la ravunge lungapaga laekolong.” Ba ollaeala ke lele ta baina pangamologa a ri ke paꞌe pala nga Lau Ae Nutu Kanna nge lele mannangana ine role roma, “Keke tavoa ka lungapaga ae iau re ngapotu ngaliua nge ri, ba keke kintoto ta kelange tai ke la ravunge lungapaga ae iau.” Ka baina na ra balingkana keke kuma minmina.

Pangamologa E Pe Ae Ion Paꞌe 19:36

Oru nginngina keke lele ta baina pangamologa a ri ke paꞌe pala nga Lau Ae Nutu Kanna nge lele mannangana ine role roma, “Ka sana nga gina te ngeke sapikole.”

Pangamologa E Pe Ae Ion Paꞌe 21:17

Nae Iesus ke ballage Pita ka balinglagangana kia a mologi roma, “Ion tuna ae Saimon, one ko materaumana iau?” Nae Iesus balinglagangana kae Pita ine ballage pa mologi roma, “One ko materaumana iau?” ke bai ka lotani ngallo nge Pita. Minmina na i ke role kae Iesus roma, “Avolau, one ka longmatana ka orume kinung. Ka longmatana roma, iau ka materaumana one.” Nae Iesus ke role kia roma, “Ngo pakania sipsip rae iau reke sisina.

Pangamologa E Pe Ae Ion Paꞌe 6:70

Nae Iesus ke ala rea roma, “Iau muni ka toro miau Pana Tangulelu Ba Lua. Ava te e nge miau ka i a kannu e soali te.”

Aposelme 1:16

na i ke pamologa roma, “Kolingau memena, Kannu E Tupu ke pulimalage pangamologa e te Iuras nga Revit kaona nga Lau Ae Nutu Kanna pala. Ba pangamologa laeala ke lele ka kaomannmannangana kurumea Nutu lonangana. Bae Iuras ka i a agau e taoamuga ka ragau reke laue Iesus ba ka i agau te ngaliua nge ita kurumea, Iesus ke pulia ta i taonga kala nge ita bole.”

Aposelme 1:2

ta ke lele nga kae ae Nutu ravupataea lakailu. Ba pala ta Nutu ravungpataenge lakailu nae Kannu E Tupu ke paginggingia Iesus ka ine tunge potongana ta aposel rae i ra i toro rea.

2 Korin 4:5

Iau ka role minmina kurumea, mangng ka sana umma ta pulingmalagange pangamologa re te mangng muni. Ke sa. Mangng ka umma ta pulingmalagange pangamologa re te Iesus Karais roma, ka i a Avolau. Ka mangng ra kumangngatulu ra kanmiau ta baina mangng nga kalapage Iesus.

Iburume 4:13

Ka sana otte a Nutu koipage ko nga raguna. Ke sa. Orume kinung keke momo nga karakarangana ba keke momopota ngae Nutu matana kanname. Ba ngarume na ita kaka la turungpotange baingarame kinung purea te i.

Pangapota 2:23

Ba iau ka la balingpununge goe rae i, na ngeke mate. Na ra lopatokonakana ginungareame kinung nga loreamatana roma, ka iau a i e ella lulu lakallo ta ragau ramareame ba loreame. Ba iau ka la tungnge alang ta kenakena nge miau kurumea kumangng ra kanna.