Pangamologa E Pe Ae Ion Paꞌe 12:40 - Mengen

⁴⁰ “Nutu ke pasue matarea kanname ta baina ri manereasa kelang. Ba ke parutukale loreame ta baina ri sana nga loreamatana. Ta ngaroma ri ngeke kela ba loreame nga loreamatana, na ri ngeke bali ka girea ta baingarea reke sosoali, na iau nga pape rea.”

Pangamologa E Pe Ae Ion Paꞌe 12:40 ပူးပေါင်းရင်းမြစ်များ

Matiu 15:14

Sana nga lomiauvavai raumana ta Parisio nginngina. Ri ka tongarea kena ma ra matasu reke amva ta taongamuga ka ra matasu pattoto. Ba ngaroma agau a matasu nge ava ta taongamuga ka matasu tetoto, na ri pana lua kinung keke la pupungalu lakallo ta lulu te.”

Pangamologa E Pe Ae Mak Paꞌe 4:12

Nutu ke kumkuma minmina ta baina, “‘ri ngeke kelkela ava ke sane ke la kelangapatokona, ba ngeke longlongo ava ka sana la loreamatana; ngaroma ri nga loreamatana, na ngeke pulivalakale baingarea reke sosoali nae Nutu nge osurure baingarea nginngina reke sosoali.’”

Pangamologa E Pe Ae Mak Paꞌe 6:52

Keke kallo raumana kurumea, pala na keke kele ine pakania ragau nginngina ra ri papatu raumana ka beret tutuna mana, ava ka sana loreamatana roma, ka i a tai tale. Ke sa. Loreame keke rutukala.

Pangamologa E Pe Ae Luk Paꞌe 4:18

“Kannu E Tupu ke puli iau, minmina na i ke momo kala nge iau. Ke puli iau ta pulingmalagange pangamologa reke pepe ta ra sillolo. Ba i ke ba iau ta turunge pangamologa ta reke momo nga pulangkala nga baina ri ngeke kaꞌe pulangkala, ba ta ragau ra matarea kanname ke su nga baina ri ngeke kela muni. Ba i ke ba iau ta ravunglelenge ragau ra ri ke baisolali rea,

Pangamologa E Pe Ae Luk Paꞌe 8:10

Minmina na i ke role kerea roma, “Nutu ke tunge lomatana te miau ta baina nga lomiaumatana ka oru re ta Nutu kelangpatalingana nga tava onreke kolulu. Ava iau nga patenikale pangamologa ta ragau pattoto ta baina: “‘ri ngeke kelkela, ava ke sane ngeke kelapatokona; ba ngeke longo, ava ka sana nga loreamatana.’

Pangamologa E Pe Ae Ion Paꞌe 12:39

Ba iau ae Ion nga role roma, pangamologa pattoto rae Aisaia kanna ke turupote Iurame lokalasa ngareangana puna ine role roma:

Pangamologa E Pe Ae Ion Paꞌe 9:39

Bae Iesus ke role roma, “Iau ka atupisigi ta mogalo laekia e ngape ta kumangng ka kalingnana, ta baina ragau ra matarea kanname ke su ngeke kelkela ba ragau ra matarea kanname ke kelkela ngeke lele ra matasu.”

Aposelme 15:3

Ka baina re nga kavang keke ba rea, na keke taopale Ponisia bae Sameria. Ba keke turu ta ragau re ngae maga nginngina ka ina ragau ra sana ri ra Iura ke kampiliu na ka loreapatokona te Iesus. Ba pangamologa laeala ke paserengea ra lopatokonakana raumana.

Aposelme 28:26

roma: “‘Ngo loa ta ragau kokorai na ngo role kerea roma, “Miau ngaka longlongo ta longlongo, ava sana nga lomiaumatana; ba ngaka kelkela ta kelkela, ava ka sana la kelangapatokona.”

Aposelme 3:19

Minmina na miau ngaka pulivalakale baingamiau reke sosoali na ngaka tunge lomiaumatengana te Nutu. Ba ngaka kampiliu te Nutu ta baina i nge osurure baingamiau reke sosoali na ala i a kae ora Nutu panne maulingamiaungana.

Lau Ae Pol Paꞌe Ta Re Ngae Rom 9:18

Minmina na ngaroma Nutu nga lonangana, na i nge ule lonana ae i ta agau. Ba ngaroma Nutu nga lonangana, na nge bai ka agau ta i a alongasakana bole.