Pangamologa E Pe Ae Ion Paꞌe 1:45 - Mengen

⁴⁵ Nae Pilip ke kalipa kae Nataniel, na ke role kia roma, “Mangng ka kalipa ka agau amae Moses pa te pala ngallo nga Bangapagame. Ba ka i a agau ama ragau reke toe Nutu kaona ke pa te bole. Ka i ae Iesus e ngae Nasaret a i ae Iosep tuna.”

Pangamologa E Pe Ae Ion Paꞌe 1:45 ပူးပေါင်းရင်းမြစ်များ

Matiu 10:3

bae Pilip bae Bartolomiu; bae Tomas bae Matiu a i a aravungkinung takiskana; bae Iems te muni a i ae Alpaeus tuna, bae Tarius;

Matiu 13:55

Ka i a popongpita laeala tuna mana. Ba naname ka i a avale laeala eke patoe kae Maria, ba ka teiteikia memena nge Iems, bae Iosep, bae Saimon, bae Iuras.

Matiu 2:23

Na i ke loa ba ke momo nga maga kunna e bollau eke patoe kae Nasaret. Minmina na pangamologa a ragau reke toe Nutu kaona ke rolea pala ke lele mannangana ineke role roma: “Keke la patonge kae Nasaret te.”

Matiu 21:11

Na maluame keke role roma, “Aekia ka i ae Iesus a i a agau laeala e toe Nutu kaona e ngae Nasaret ngallo ngae Galili.”

Pangamologa E Pe Ae Mak Paꞌe 14:67

Ba ka ine kele Pita ine mallmallu, na ke kelananne ba ke role kia roma, “Aekolong, pala na one ko momo kala nge Iesus e ngae Nasaret bole.”

Pangamologa E Pe Ae Mak Paꞌe 6:3

Ka i a popongpita laeala tuna mana. Ka i ae Maria tuna, ba ka teiteikia memena nge Iems, bae Iosep, bae Iuras, bae Saimon. Ba liuna piau memena kinung keke momo ikia nga maga kunna ae ita. Ka i a agau baseme ita mana.” Minmina na ri ka sana loreapatokona te i.

Pangamologa E Pe Ae Luk Paꞌe 18:37

Na keke turu pakia roma, “Iesus e ngae Nasaret ke la kavesing one.”

Pangamologa E Pe Ae Luk Paꞌe 2:4

Nae Iosep ke mommo ngae Nasaret nga ine ngae Galili, ava i ka i e nga balekaina ae kelangapatali te pala ngae Israel a giana nge Revit. Ba magapuna ae Revit a giana nge Betleem ke momo nga ine ngae Iurea. Minmina nae Iosep ke tutapu e kaꞌe maga kunna ae i na ke loa tae Betleem.

Pangamologa E Pe Ae Luk Paꞌe 2:48

Ba ka ina tamana bae naname ke kele, na keke magio raumana bole. Na naname ke ballage roma, “Tugu, ko meimia o kuma ka omea tamang minakai? Ba ko sano turulomatana te omea? Omea tamang ka lomangngsoali raumana te one, ikia baina omea ka atu ta kelanga te one.”

Pangamologa E Pe Ae Luk Paꞌe 24:27

Minmina nae Iesus ke turu pakerea ka pangamologa reke role te i muni ngallo nga Lau Ae Nutu Kanna. Ke paturu nga pangamologa rae Moses kanna ba na nga ragau reke toe Nutu kaona kinung kanrea.

Pangamologa E Pe Ae Luk Paꞌe 24:44

Na i ke role kerea roma, “Oru kakarai keke lele basema inama iau role pakamiau pala ka ina iau tatao kala nge miau tale. Iau ama role roma, orume kinung reke pa rea te iau pala nga Bangapaga Rae Moses Kanna, ba nga lau ra ragau reke toe Nutu kaona kanrea, ba nga Baunga Re Nga Kalangapaga keke la leleng basema ineke role.”

Pangamologa E Pe Ae Luk Paꞌe 3:23

Bae Iesus ka kana ka pesingmatana keke basema giaukaina ba tangulelu ine pature kumangng a kanna. Minmina na nga ragau kelangareangana keke roma: Iesus ka i ae Iosep tuna bae Iosep ka i ae Eli tuna,

Pangamologa E Pe Ae Luk Paꞌe 4:22

Minmina na keke pamologa masi te i, ba keke magio nga pangamologa reke pepe nga ine pulimalaga rea nga kaona. Ba keke role roma “Aekia ka i ae Iosep tuna, ava ke meimia na i ke role ta i bainge oru nginngina reke bollalau?”

Pangamologa E Pe Ae Ion Paꞌe 1:44

Bae Pilip kala nge Anru bae Pita ka ri re nga maga kunna e bollau ae Betsaira.

Pangamologa E Pe Ae Ion Paꞌe 12:21

Ba Girik nginngina keke loa te Pilip, a i e ngae Betsaira ngae Galili, na keke role kia roma, “Avolau, mangng ka bai ta kelange Iesus.”

Pangamologa E Pe Ae Ion Paꞌe 14:8

Nae Pilip ke role kia roma, “Avolau, onto pakosining mangng kae Tamang, na mangng nga lomangngmatana.”

Pangamologa E Pe Ae Ion Paꞌe 18:5

Na keke ale roma, “Mangng ka ella te Iesus e ngae Nasaret.” Nae Iesus ke role roma, “Iau a i.” Bae Iuras, a i agau e umma ta ulonge Iesus ta kamareame, ke meisinsi kala nge ri nga inaeala bole.

Pangamologa E Pe Ae Ion Paꞌe 18:7

Minmina nae Iesus ke ballaga muni roma, “Kaka ella te tai?” Na keke role roma, “Iesus e ngae Nasaret.”

Pangamologa E Pe Ae Ion Paꞌe 19:19

Ba keke katupite turunglomatana te nga maiskovu ae Pilatus paꞌe pala ore role roma: iesus e nga nasaret, kelangpatali ae iurame

Pangamologa E Pe Ae Ion Paꞌe 21:2

Saimon Pita, bae Tomas a ri ke patoe kae Ririmas, bae Nataniel e ngae Kena ngae Galili, bae Sepeti tuna memena, kala nga barangalele lua pattoto rae Iesus kanna keke momo kinung.

Pangamologa E Pe Ae Ion Paꞌe 6:42

Ba keke rorole roma, “Aekia ka i ae Iesus a i ae Iosep tuna, ba ita ka loramatana ka tamana bae naname. Ke meimia, na i ke role sonrau roma, i e atupisigi nga Nutu mallena nga tava?”

Pangamologa E Pe Ae Ion Paꞌe 6:5

Ka inae Iesus ilapaga ba ke kele malua e bollau e tatu te i, na i ke role kae Pilip roma, “Ita kaka la koling ra kokorai karea beret aetai ta ri kaningi rea?”

Pangamologa E Pe Ae Ion Paꞌe 6:7

Nae Pilip ke ale roma, “Ngaroma ita ngaka kolia beret ka lollokanna papatu, na beret laeala sane la totorong ta pangakaninge ri karolu. Palu keke la kaning, ba palu sana la karea.”

Aposelme 10:38

Iau ka rorolea pangamologa re te Iesus e ngae Nasaret inae Nutu paponue kae Kannu E Tupu ba gingginga. Bae Nutu ke momo kala nge i, minmina na i ke taliu ta iname ka kumangngana e pe. Ba ke papea ragau karolu ra Satan lau rea ka ginggingngana.

Aposelme 2:22

Nae Pita ke role bole roma, “Miau re ngae Israel ngaka longo nasai! Ka inae Iesus e ngae Nasaret kumkuma ka kumangng reke bollalau, ba oru reke gingging, ba killa reke bollalau ngaliua nge miau, na kumangngana nginngina keke pakosining miau roma Nutu ke baꞌe. Miau ka lomiaumatana tapu ka oru nginngina.

Aposelme 22:8

“Na iau ka ballage roma, ‘Avolau, on aetai ikolong?’ “Ba i ke ala iau roma, ‘Ka iau ae Iesus e ngae Nasaret a one umma ta pangamiralali iau.’

Aposelme 26:9

“Pala na iau bole ka gingginga raumana ta kumangng ka oru matantana ta baina iau sanangkalange Iesus e ngae Nasaret giana.

Aposelme 3:6

Nae Pita ke role kia roma, “Ka sana kanau lollokanna ora siliva o ora gol bole, ava ka la tungnge ore momo nge iau te one. Nga Iesus Karais e ngae Nasaret giana, ngo tao.”