Iems 2:11 - Mengen

¹¹ Ita ka loramatana roma, ollaeala ka kaomanna ta Nutu ke role tapu roma, “One ko sano ngo keno kala nga avale a sana i a ningpengana o apanung a sana i a ningtale.” Ba i ke role bole roma, “ba ko sano ngo sapune agau te.” Na ngaroma one sano ngo keno kala nga avale a sana i a ningpengana o apanung a sana i a ningtale ava ngo sapune agau te, na one ko longosa ta bangapagame kinung tapu.

Iems 2:11 ပူးပေါင်းရင်းမြစ်များ

Matiu 19:18

Na agau laeala a taulai ke ballage roma, “Ava iau nga taokurumea bangapaga ra taru?” Nae Iesus ke role kia roma, “One ko sano ngo sapune agau te, ba ko sano ngo keno kala nga avale a sana i a ningpengana, ba ko sano ngo golo, ba ko sano ngo turu goang,

Pangamologa E Pe Ae Mak Paꞌe 10:19

One ka longomatana ka bangapagame. Keke role roma: ‘One ko sano ngo sapune agau te, ba ko sano ngo keno kala nga avale a sana i a ningpengana, ba ko sano ngo golo, ba ko sano ngo turu goang, ba one sano ngo goaꞌe agau te ta ravunge oru ra kanna, ba one ngo alapagpage tamang bae name.’”

Pangamologa E Pe Ae Luk Paꞌe 18:20

One ka longmatana ka bangapaga rae Nutu kanna roma: ‘One ko sano ngo keno kala nga avale a sana i a ningpengana, ba one ko sano ngo sapune agau te, ba one ko sano ngo golo, ba one ko sano ngo turu goang, ba one ngo alapagpage tamang bae name.’”

Lau Ae Pol Paꞌe Ta Re Ngae Rom 13:9

Bangapagame keke role roma, “One ko sano ngo keno kala nga avale a sana i a ningpengana o apanung a sana i a ningtale, ba one ko sano ngo sapune agau te, ba one ko sano ngo golo, ba one ko sano ngo kelalelea onra agau tetoto kanna.” Ba iau ae Pol nga role paka miau roma, agau nge kumatapu kurumea bangapaga nginngina ba bangapaga pattoto bole ngaroma i nge tataokurumea bangapaga laekia e role roma, “One ngo materaumane agau tetoto basema ino materaumana one muni.”